26 C
Vientiane
ວັນພະຫັດ, ເດືອນຕຸລາ 28, 2021

ຍິ່ງໃຫຍ່ອະລັງການ! ງານສະຫຼອງວັນເກີດປີທີ່ 2.572 ຂອງຂົງຈື ນັກປາດຊາວຈີນຜູ້ໂດ່ງດັງລະດັບໂລກ

ເອີ້ນໄດ້ວ່າເປັນອີກປະກົດການອັນຍິ່ງໃຫຍ່ໃນການສະຫຼັງວັນເກີດເລີຍກໍ່ວ່າໄດ້ ເມື່ອວັນທີ​28 ກັນຍາ ທີ່ຜ່ານມາ ທີ່ວັດຂົງຈື ໃນເມືອງຊະວີຟູ່ ມົນທົນຊານຕົງ ພາກຕາເວັນອອກຂອງຈີນ ມີພິທີິສະຫຼອງວັນຄ້າຍວັນເກີດ ປີທີ 2.572 ຢ່າງຍິ່ງໃຫຍ່ຂອງຂົງຈື ນັກປາດຊາວຈີນຜູ້ໂດ່ງດັງ.

ຂົງຈື ຖ້າເປັນພາສາອັງກິດ ຈະຮູ້ຈັກກັນໃນນາມ Confucius ມີຊີວິດຢູ່ໃນຊ່ວງ 479-551 ປີກ່ອນຄຣິສຕະສັກກະລາດ ບ້ານເກີດຂອງເພິ່ນຢູ່ໃກ້ພື້ນທີ່ເມືອງຊວີຟູ່ໃນປັດຈຸບັນ ມີການບັນທຶກໄວ້ວ່າ  ຂົງຈື ເປັນຄົນທີ່ຮູບຮ່າງສູງໃຫຍ່ ມີຄວາມສູງເຖິງ 2ແມັດ ຄ້າຍກັບພໍ່ຂອງເພິ່ນທີ່ເປັນນັກຮົບ.

ຂົງຈື ຮູ້ຈັກການຂຽນການອ່ານຕັ້ງແຕ່ຍັງເດັກນ້ອຍ ດ້ວຍການສອນຈາກພໍ່ແມ່ ແລະ ພໍ່ເຖົ້າ, ອາຍຸ 17ປີ ເລີ່ມເຮັດວຽກຮັບໜ້າທີ່ດູແລຄັງສະບຽງ, ເມື່ອອາຍຸໄດ້ 30ກວ່າ ບ້ານເມືອງເກີດການຍາດຊີງອໍານາດ ຂົງຈືຈື່ງລາອອກຈາກລາດຊະການແລ້ວຫັນໄປເປັນຄູ ຕັ້ງສໍານັກສອນບຸກຄົນທົ່ວໄປ ບໍ່ວ່າຈະມີຖານະແນວໃດກໍ່ຮຽນກັບເພິ່ນໄດ້ ເທັກນິກການສອນຂອງເພິ່ນທີ່ທີລືຊື່ເພາະສອນໃຫ້ຮູ້ຈັກຄິດວິເຄາະຫຼາຍກວ່າພຽງທ່ອງຈື່.

ເມື່ອອາຍຸໄດ້ 51 ປີ ເພິ່ນກັບມາຮັບໜ້າທີ່ ໄດ້ຮັບການແຕ່ງຕັ້ງເປັນເສນາບໍດີ ແຕ່ຖືກໃສ່ຮ້າຍຈຶ່ງລາອອກຕອນອາຍຸ 54 ຈາກນັ້ນ ທ່ານໄດ້ອອກເດີນທາງພ້ອມລູກສິດ ອອກຈາກແຄວ້ນລູ່ ເພື່ອຮຽນຮູ້ເລື່ອງການປົກຄອງ ແລະ ວັກທະນະທໍາໃນແຕ່ລະທ້ອງຖິ່ນໃນແຕ່ລະແຄ້ວນ.

ການເດີນທາງໃນຄັ້ງນີ້ ເຮັດໃຫ້ທ່ານຂົງຈື ໄດ້ພົບກັບມະຫາປາດແຫ່ງລັດທີເຕົ໋າ ນັ້ນຄືທ່ານ ເລົ່າຈື ທັ້ງສອງຄົນໄດ້ເສວະນາກັນ ຊັອດເດັດຄືທ່ານເລົ່າຈືໄດ້ໃຫ້ແງ່ຄິດທີ່ທ່ານຂົງຈືສາມາດນໍາມາປັບໃຊ້ເພື່ອໃຫ້ຊີວິດມີຄວາມປານີປານອນຫຼາຍຂຶ້ນ ຈາກນັ້ນທ່ານຂົງຈື ຈຶ່ງເດີນທາງກັບແຄ້ວນຫຼູ່ ຕອນອາຍຸ 68ປີ ແລະ ເປີດໂຮງຮຽນມີລູກສິດຫຼາຍກວ່າ 3.000ຄົນ.

ທັ້ງນີ້, ຂົງຈືເຖິງແກ່ກໍາຕອນອາຍຸ 72ປີ ມີລູກສິດຂອງເພິ່ນພຽງ 72ຄົນເທົ່ານັ້ນ ທີ່ເປັນຄົນມີຊື່ສຽງ ໄດ້ດິບໄດ້ດີ ເປັນຂຸນນາງຊັ້ນຜູ້ໃຫຍ່. ຂົງຈືເປັນນັກຄິດ ແລະ ນັກປັດຊະຍາຜູ້ໂດ່ງດັງທັ້ງໃນຈີນ ແລະ ລະດັບໂລກ ເຖິງແມ່ນວ່າຈະເສຍຊີວິດໄປແລ້ວ ແຕ່ຄໍາສອນຂອງທ່ານຍັງຄົງຢູ່ ແລະ ມີອິດທິພົນຕໍ່ຊາວຈີນລຸ້ນຕໍ່ໆມາ ຈົນເປັນທີ່ຮູ້ຈັກໃນນາມ ລັດທິຂົງຈື ທີ່ສືບທອດມາຈົນຮອດປັດຈຸບັນ

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here