21 C
Vientiane
ວັນຈັນ, ເດືອນຕຸລາ 25, 2021

ສະເທືອນໃຈ! ສາວໂພສຂໍ້ຄວາມບອກ ນ້ອງສາວຕິດໂຄວິດ 3ມື້ແລ້ວ ຍັງບໍ່ໄດ້ຖືກຮັບຕົວເຂົ້າສູນປິ່ນປົວ

ສະເທືອນໃຈເຫຼືອເກີນ ນະຄອນຫຼວງເຮົາມາຮອດຈຸດນີ້ໄດ້ແນວໃດ ມີຜູ້ຕິດເຊື້ອໂຄວິດ-19 ຜົນອອກມາ 3ມື້ແລ້ວ ແຕ່ຍັງບໍ່ໄດ້ຖືກຮັບຕົວເຂົ້າສູນປິ່ນປົວເທື່ອ.

ໂດຍຜູ້ໃຊ້ເຟສບຸກຊື່ Pern Inthasone Sotthachith ໄດ້ໂພສພາບພ້ອມຂໍ້ຄວາມລະບຸໄວ້ວ່າ: 3ມື້ແລ້ວ ຍັງບໍ່ມີຫນ່ວຍງານໃດມາຮັບເອົາ, ​ຕ້ອງເຮັດແບບໃດນິ, ສິຕິດເຊື້ອກັນຫມົດບ້ານແລ້ວ, ໂທຈົນບໍ່ຮູ້ສິໂທຫາໃຜແລ້ວ, ໃຜຮູ້ວິທີພົວພັນແນະນຳແດ່ ນ້ອງຂ້ອຍລາວເມື່ອຍ ລາວຫາຍໃຈບໍ່ສະດວກ ມີທັງເດັກນ້ອຍ ທັງຜູ້ເຖົ້າ ຢູ່ນຳກັນຫມົດນີ້.

ທັ້ງນີ້ທັງນັ້ນ ຂໍໜ່ວຍງານກ່ຽວຂ້ອງກວດສອບດ້ວຍ, ສ່ວນຜູ້ໂພສຂໍ້ຄວາມເອງກໍ່ຂໍໃຫ້ເບິ່ງແຍງຕົນເອງ ແລະ ຄອບຄົວໃຫ້ດີ  ແລະ ຂໍໃຫ້ເຂົ້າໃຈນໍາກັນວ່າຕອນນີ້ຜູ້ຕິດເຊື້ອໃນນະຄອນຫຼວງວຽງຈັນເຮົາແມ່ນເພີ່ມຂຶ້ນທຸກມື້ ສະນັ້ນ ຕ້ອງເຫັນໃຈການເຮັດໜ້າທີ່ທີ່ບໍ່ຖ່ວງບໍ່ທັນຂອງເຈົ້າໜ້າທີ່ດ້ວຍ.

ຕາມຂໍ້ມູນໃນຄອມເມັ້ນໃຫ້ຮູ້ວ່າຜູ້ກ່ຽວແມ່ນຢູ່ ຮ່ອມ 10 ບ້ານທາດຫຼວງເໜືອ ເມືອງໄຊເສດຖາ ນະຄອນຫຼວງວຽງຈັນ. ແນວໃດກໍ່ຕາມ ແອັດຂໍເປັນກໍາລັງໃຈໃຫ້ທຸກພາກສ່ວນເຮົາຕ້ອງຜ່ານວິດິກຮ້າຍນີ້ໄປນໍາກັນໃຫ້ໄດ້.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here