21.9 C
Vientiane
ວັນຈັນ, ເດືອນຕຸລາ 18, 2021

ພະນັກງານລັດຖະກອນຈໍານວນຫຼາຍຍັງລະເມີດຄໍາສັ່ງຄະນະສະເພາະກິດຮຽກຮ້ອງໃຫ້ເປັນແບບຢ່າງແກ່ປະຊາຊົນ

ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດຂອງໂຄວິນະຄອນຫຼວງວຽງຈັນເປີດເຜີຍວັນທີ 22ກັນຍາ2021 ນີ້ໃຫ້ຮູ້ວ່າຜ່ານການຈັດຕັ້ງປະຕິບັດມາດຕະການປິດການເຂົ້າອອກນະຄອນຫຼວງວຽງຈັນໃນໄລຍະ 4ວັນມານີ້, ນັບແຕ່ວັນທີ 19ຫາ22 ກັນຍາ2021ນີ້ໄດ້ພົບຂໍ້ຫຍຸ້ງຍາກຕ່າງໆນານາໂດຍສະເພາະຍັງມີຫຼາຍຄົນຍັງອອກຈາກເຮືອນດ້ວຍຂໍ້ອ້າງຫຼາຍຮູບແບບ, ນອກນັ້ນຍັງພົບພະນັກງານລັດຖະກອນຈໍານວນໜຶ່ງບໍ່ເປັນແບບຢ່າງໃຊ້ທ່າທີ່ບໍ່ສຸພາບຕໍ່ເຈົ້າໜ້າທີ່ປ້ອງກັນເວນຍາມຢູ່ຕາມຈຸດກວດກາຕ່າງໆ. ກ່ຽວກັບເຫດການດັ່ງກ່າວນັ້ນ, ຄະນະສະເພາະກິດຮຽກຮ້ອງພະນັກງານລັດຖະກອນຕ່າງໆໃຫ້ການຮ່ວມມືໃນປິດການເຂົ້າອອກນະຄອນຫຼວງນັບແຕ່ວັນທີ 19ຫາ30 ກັນຍາ 2021 ນີ້ດ້ວຍເພື່ອເປັນ ເອກະພາບ ແລະ ບັນລຸຕາມຄາດໝາຍທີ່ວາງໄວ້.

ໃນວັນທີ 22ກັນຍາ2021 ຄະນະສະເພາະກິດນະຄອນຫຼວງວຽງຈັນໄດ້ເຮັດໜັງສືທາງລັດຖະການເຖິງທຸກອົງການຈັດຕັ້ງ ແລະ ຫ້ອງການພາກລັດໃນນະຄອນຫຼວງວຽງຈັນ. ເນື່ອງຈາກວ່າພະນັກງານລັດຖະກອນຈໍານວນຫຼາຍຍັງລະເມີດຄໍາສັ່ງ, ເຊິ່ງຄະນະສະເພາະກິດຮຽກຮ້ອງໃຫ້ເປັນແບບຢ່າງແກ່ປະຊາຊົນ. ໂດຍສະເພາະການອອກຈາກເຮືອນໂດຍບໍ່ຈໍາເປັນ ແລະ ບໍ່ປະຕິບັດຕາມມາດຕະການລັອກດາວ ລາຍລະອຽດຂອງແຈ້ງການ ມີດັ່ງຂ້າງລຸ່ມນີ້

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here