21 C
Vientiane
ວັນພະຫັດ, ເດືອນຕຸລາ 28, 2021

ຫຼອກຕາເຈົ້າໜ້າທີ່! ເຊື່ອງແກ້ວເບຍໄວ້ກ້ອງໂຕະ ໃຊ້ຈອກສີເພື່ອກິນດື່ມ ຕັ້ງວົງຮ່ວມກັນຫຼາຍຄົນ

ພະແນກສັນຕິບານ ແລະ ປກສ ກຸ່ມ Iສີວິໄລ ແກ້ໄຂ 2 ຮ້ານລະເມີດແຈ້ງການ.ໃນເວລາ 20:00 ໂມງຂອງວັນທີ 23 ສິງຫາ 2021 ພະແນກສັນຕິບານ ເມືອງໄຊທານີ ນະຄອນຫຼວງວຽງຈັນ ໄດ້ລົງສົມທົບກັບ ປກສ ກຸ່ມ I ສີວິໄລລົງກວດກາພົບເຫັນຮ້ານກິນດື່ມ 2ຮ້ານທີ່ລະເມີດຄໍາສັ່ງເລກທີ 20 / ສພກ ນວຄື: ຮ້ານອາຫານບ້ານນາ ຕັ້ງຢູ່ບ້ານໜອງພະຍາ ແລະ ຮ້ານອາຫານລີວີວ ຕັ້ງຢູ່ບ້ານສາຍນໍ້າເງິນ.

ຜ່ານການເຂົ້າກວດຮ້ານອາຫານບ້ານນາ ແລະ ຮ້ານອາຫານລີວີວ ໄດ້ພົບເຫັນມີລູກຄ້າຈໍານວນຫຼາຍ ເຂົ້າມາໃຊ້ບໍລິການນັ່ງກິນດື່ມເບຍ ດ້ວຍວິທີການຊຸກເຊື່ອງເອົາແກ້ວປະໄວ້ກ້ອງໂຕະ, ຕັ່ງ,ນໍາໃຊ້ຈອກມີສີ ເພື່ອປິດຫຼີກລ່ຽງການເບິ່ງຮູ້ຂອງເຈົ້າໜ້າທີ່, ການຢູ່ຮ່ວມກັນຫຼາຍຄົນ ບໍ່ປະຕິບັດຮັກສາໄລຍະຫ່າງ ຕາມກໍານົດໄວ້ໃນມາດຕະການຫ້າມຂອງໜ່ວຍສະເພາະກິດກໍານົດໄວ້ ຈຶ່ງໄດ້ສຶກສາອົບຮົມ ແລະ ນໍາໃຊ້ມາດຕະການໃຫ້ຢຸດເຄື່ອນໄຫວຊົ່ວຄາວ.

ກອງບັນຊາການ ປກສ ນວ ຮຽກຮ້ອງມາຍັງເຈົ້າຂອງກິດຈະການ, ຫົວໜ່ວຍທຸລະກິດຕ່າງໆ ຈົ່ງພ້ອມກັນປະຕິບັດຕາມຄຳສັ່ງ, ແຈ້ງການຂອງຂັ້ນເທິງວາງອອກຢ່າງເຂັ້ມງວດ. ທັງນີ້, ກໍເພື່ອພ້ອມໃຈກັນໃນການຕ້ານ ແລະ ສະກັດກັ້ນການແຜ່ລະບາດຂອງພະຍາດໂຄວິດ 19 ໃນຊຸມຊົນ ເຊິ່ງອາດແຜ່ອອກໄດ້ງ່າຍ, ໃນຂະນະດຽວກັນຫາກເຈົ້າໜ້າທີ່ພົບເຫັນບັນດາຫ້າງ, ຮ້ານທີ່ຍັງສືບຕໍ່ລະເມີດຈະຖືກດຳນເນີນຄະດີຕາມລະບຽບກົດໝາຍ ແລະ ພ້ອມກັນປະຕິບັດພັນທະໃຫ້ແຈ້ງເຈົ້າໜ້າທີ່ບ່ອນທີ່ໃກ້ທີ່ສຸດ ຫຼື ແຈ້ງທາງວອດແອັບເບີ 02028899774 ຫຼື ແຈ້ງຜ່ານທາງຊ່ອງທາງເຟສບຸກ ປ້ອງກັນຄວາມສະຫງົບ ນະຄອນຫຼວງວຽງຈັນ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here