28.8 C
Vientiane
ວັນພຸດ, ເດືອນຕຸລາ 20, 2021

ຂົວຂ້າມນ້ຳຂອງລາວກັບລາວແຫ່ງທຳອິດຂອງປະເທດໃຊ້ງານມາ 21 ປີແລ້ວ

ຂົວຂ້າມນ້ຳຂອງທີ່ນະຄອນປາກເຊ ແຂວງຈຳປາສັກຖືວ່າເປັນສິ່ງກໍ່ສ້າງໜຶ່ງທີ່ມີຄວາມສຳຄັນ ເຊິ່ງເຮົາຈະເຫັນໄດ້ວ່າ ຂົວດັ່ງກ່າວຍັງໄດ້ປາກົດໃຫ້ເຫັນໃນເງິນໃບ 10,000 ກີບ ຂອງລາວທັງຍັງເປັນຂົວຂ້າມນ້ຳຂອງທີ່ມີຂະໜາດໃຫຍ່ທີ່ເຊືື່ອມຕໍ່ລະຫວ່າງ ລາວ ກັບ ລາວ ເອງ.

ສຳລັບຂົວດັ່ງກ່າວແມ່ນ ການສ້າງແມ່ນໄດ້ຮັບການຊ່ວຍເຫຼືອລ້າຈາກລັດຖະບານຢີ່ປຸ່ນ ( ຂົວລາວ-ຢີ່ປຸ່ນ) ມີຄວາມຍາວເຖິງ 1,3 ກິໂລແມັດ ຖືເປັນຂົວແຫ່ງທີສອງທີ່ເຊື່ອມຕໍ່ສອງຟາກແມ່ນ້ຳຂອງຢູ່ໃນ ສປປ ລາວ ຖັດຈາກຂົວມິດຕະພາບລາວ-ໄທ ແຫ່ງທຳອິດທີ່ນະຄອນຫຼວງວຽງຈັນ.

ຂົວຂ້າມນ້ຳຂອງທີ່ເມືອງປາກເຊ ແມ່ນໄດ້ເປີດນຳໃຊ້ຢ່າງເປັນທາງການໃນປີ 2000 ເຊິ່ງປັດຈຸບັນ ກໍຄົບຮອບ 21 ປີພໍດີໃນເດືອນສິງຫາ 2021 ນີ້.

ຂົວແຫ່ງນີ້ ບໍ່ພຽງແຕ່ໄດ້ຫັນປ່ຽນຕົວເມືອງປາກເຊ ໃຫ້ກາຍເປັນສູນກາງການພັດທະນາເສດຖະກິດຂອງພາກໃຕ້ຂອງ ສປປ ລາວເທົ່ານັ້ນ, ແຕ່ມັນຍັງໄດ້ປະກອບສ່ວນຢ່າງໃຫຍ່ຫຼວງ ໃນການພັດທະນາເສດຖະກິດ-ສັງຄົມຢູ່ເຂດພາກໃຕ້ຂອງລາວ.

ຄວາມສໍາຄັນຂອງຂົວດັ່ງກ່າວຍັງໄດ້ສະແດງອອກໂດຍກາຍເປັນສ່ວນໜຶ່ງຂອງເງິນໃບສິບພັນກີບ, ໂດຍພາຍໃຕ້ການບໍາລຸງຮັກສາ ຢ່າງເປັນໄລຍະ ເຊື່ອວ່າຂົວປາກເຊ ຈະຍັງຄົງສືບຕໍ່ຄໍ້າຊູຊີວິດ ການເປັນຢູ່ ຂອງປະຊາຊົນໃນທ້ອງຖິ່ນ ແລະ ຊຸກຍູ້ການພັດທະນາ ເສດຖະກິດຂອງຂົງເຂດຢ່າງຕັ້ງໜ້າຕໍ່ໄປ.

ຂົວປາກເຊ-ໂພນທອງ ໄດ້ເປີດນຳໃຊ້ຢ່າງເປັນທາງການໃນວັນທີ 2 ສິງຫາປີ 2000 ກາຍເປັນສັນຍາລັກທີ່ໂດດເດັ່ນຂອງແຂວງຈຳປາສັກລະຫວ່າງເມືອງປາກເຊເຊື່ອມຕໍ່ໃສ່ເມືອງໂພນທອງ ພໍດີຈຸເຂດພູສະເລົ້າ ໃຜໄດ້ໄປແລ້ວຖ່າຍຮູບາມໆໂຊແອັດແນ່.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here