28.8 C
Vientiane
ວັນພຸດ, ເດືອນຕຸລາ 20, 2021

ເກີດເຫດທີ່ ອິນເດຍເລັ່ງຊ່ວຍເຫຼືອຜູ້ເຄາະຮ້າຍຈາກດິນເຈື່ອນທັບລົດ ພົບ 10 ຄົນ ເ ສ ຍ ຊ ີ ວ ິ ດ

ລາຍງານ: ໃນວັນທີ 11 ສິງຫາຜ່ານມາ, ໄດ້ເກີດເຫດດິນເຈື່ອນທັບເສັ້ນທາງຫຼວງທີ່ເຊື່ອມຜ່ານສາຍພູສູງໃນເມືອງຄິນນໍ, ລັດຫິມາຈັນ ເຊິ່ງຢູ່ທາງພາກເໜືອຂອງປະເທດອິນເດຍ ຂະນະທີ່ມີລົດຫຼາຍຄັນກຳລັງແລ່ນຜ່ານ ເຮັດໃຫ້ຜູ້ເຄາະຮ້າຍຫຼາຍສິບຄົນຖືກຝັງຢູ່ໃຕ້ດິນ ແລະ ອີກ 10 ຄົນພົບເສຍຊີວິດໃນທີ່ເກີດເຫດ.

ທີມງານກູ້ໄພ ລວມທັງເຈົ້າໜ້າທີ່ຕຳຫຼວດປ້ອງກັນຊາຍແດນກຳລັງຮີບຮ້ອນເຂົ້າຊ່ວຍເຫຼືອຜູ້ເຄາະຮ້າຍທີ່ຖືກຝັງຢູ່ໃຕ້ດິນ ແຕ່ການດຳເນີນງານຊໍ້າພັດພົບຄວາມຫຍຸ້ງຍາກ ເນື່ອງຈາກກ້ອນຫີນຍັງຕົກກິ້ງລົງມາຢ່າງຕໍ່ເນື່ອງ, ຂະນະນີ້ທາງເຈົ້າໜ້າທີ່ສາມາດຊ່ວຍເຫຼືອໄດ້ພຽງ 5 ຄົນ ແຕ່ກໍຍັງມີຜູ້ຕິດຄ້າງອີກ 30 ກວ່າຄົນທີ່ຍັງບໍ່ຮູ້ຊາຕາກຳ.

ຢ່າງໃດກໍຕາມ, ໃນຊ່ວງຫຼາຍເດືອນຜ່ານມາ ອິນເດຍໄດ້ປະສົບກັບປັນຫາດິນເຈື່ອນຫຼາຍຄັ້ງ ເຮັດມີຜູ້ເສຍຊີວິດຫຼາຍສິບຄົນ ເນື່ອງຈາກມີຝົນຕົກໜັກຫຼາຍກວ່າປົກກະຕິ ຂະນະທີ່ເດືອນຜ່ານມາກໍມີເຫດການດິນເຈື່ອນທັບລົດຄັນໜຶ່ງໃນລັດຫິມາຈັນ ເຮັດໃຫ້ມີຜູ້ເສຍຊີວິດ 9 ລາຍ, ສ່ວນລັດມະຫາຣັດຖະ ທີ່ຢູ່ພາກຕາເວັນຕົກຂອງອິນເດຍ ກໍເກີດເຫດດິນເຈື່ອນຫຼາຍຄັ້ງ ເຮັດໃຫ້ມີຜູ້ເສຍຊີວິດລວມ 136 ລາຍ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here