21.9 C
Vientiane
ວັນຈັນ, ເດືອນຕຸລາ 18, 2021

ປະຊາຊົນມອບໝີ 1​ ໂຕ​ ໜັກ​ 40​ ກິໂລ​ ໃຫ້ພາກລັດຄຸ້ມຄອງ​ ຫຼັງເອົາມາລ້ຽງຈົນໃຫຍ່

ປະຊາຊົນມອບໝີ 1​ ໂຕ​ ໜັກ​ 40​ ກິໂລ​ ໃຫ້ພາກລັດຄຸ້ມຄອງ​ ຫຼັງເອົາມາລ້ຽງຈົນໃຫຍ່ ແລະ​ ບໍ່ຮູ້ວ່າຜິດກົດໝາຍໃນວັນທີ​ 7/8/2021​ ນີ້ ທ່ານ ຢ່າປໍ ລີໄຊຢາງ ບ້ານ ພຽງຢາງ ເມືອງແອດ ແຂວງຫົວພັນ​ ໄດ້ມອບໂຕໝີ ຈໍານວນ 1 ໂຕ,​ ນໍ້າໜັກປະມານ 40 ກິໂລ, ໃຫ້ຫ້ອງການກະສິກຳ ແລະ ປ່າໄມ້ເມືອງແອດ ໃນເວລາດຽວກັນ

ຫ້ອງການກະສິກຳ ແລະ ປ່າໄມ້ເມືອງແອດ ກໍໄດ້ມອບ ໃຫ້ພະແນກກະສິກຳ ແລະ ປ່າໄມ້ແຂວງ ເພື່ອສົ່ງຕໍ່ໄປ ມູນນິທີໝີ ຫຼວງພະບາງ ເຂົ້າຮ່ວມເປັນສັກຂີພິຍານໂດຍ ທ່ານ ທອງສຸກ ສົມພາວັນ ກຳມະການພັກແຂວງ ເລຂາພັກເມືອງ ເຈົ້າເມືອງ-ເມືອງແອດ ແລະ ອຳນາດການປົກຄອງບ້ານ ພຽງຢາງ.

ໝີໂຕດັ່ງກ່າວແມ່ນໄດ້ມາຈາກພີ່ນ້ອງຂອງ​ ທ້າວ ຢ່າປໍ ລີໄຊຢາງ ຢູ່ບ້ານ ປ່າຄາ ໄປເລາະປ່າ ຫຼັງໄຟໄໝ້ປ່າ ຈິ່ງພົບເຫັນໜີນ້ອຍ ຈໍານວນສອງໂຕ ໂຕໜຶ່ງແມ່ນຖືກໄຟໄໝ້ ຕາຍແລ້ວ ສ່ວນໂຕດັ່ງກ່າວນີ້ແມ່ນຍັງບໍ່ທັນຕາຍ ຈິ່ງໄດ້ນໍາເອົາມາເຮືອນ ເພາະໝີຍັງນ້ອຍ ມີນໍ້າພຽງ 2,7 ກິໂລ, ແຕ່ເຂົາເຈົ້າບໍ່ຮູ້ລ້ຽງຈິ່ງ ບອກ​ ທ້າວ ຢ່າປໍ ລີໄຊຢາງ ໄປ

ເອົາມາລ້ຽງ ໃນລະຫ່ວາງເດືອນ 4 ປີ​ 2020 ທີ່ຜ່ານມາ.ທ້າວ ຢ່າປໍ ລີໄຊຢາງ ຈິ່ງໄປເອົາມາລ້ຽງ ແຕ່ເພີ່ນບໍ່ຮູ້ວ່າຜິດກົດໝາຍ ເມື່ອທີມງານ ຫ້ອງການກະສິກຳແລະປ່າໄມ້

ເມືອງແອດກວດພົບເຫັນ ຈິ່ງສົມທົບກັບກອງກວດກາປ່າໄມ້ແຂວງ ລົງຊີ້ແຈງໃຫ້ຄອບຄົວຜູ່ກ່ຽວໃຫ້ເຂົ້າໃຈກ່ຽວກັບກົດໝາຍ ແລະ ນິຕິກຳຕ່າງໆ ໃນການຄູ້ມຄອງສັດນໍ້າ-ສັດປ່າຫວງຫ້າມ ເມື່ອຮັບຮູ້​ ແລະ​ ເຂົ້າໃຈຢ່າງຈະແຈ້ງແລ້ວ ຜູ້ກ່ຽວຈິ່ງມີຄວາມຈິງໃຈມອບໝີ ໃຫ້ລັດນໍາໄປປົກປັກຮັກສາຕາມລະບຽບກົດໝາຍ.
ຂ່າວ: ຫ້ອງກະສິກຳ​ ເມືອງແອດ

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here