21.9 C
Vientiane
ວັນຈັນ, ເດືອນຕຸລາ 18, 2021

ໃນແຂວງວຽງຈັນ ຮັບແຮງງານທີ່ກັບມາແຕ່ ປະເທດເພື່ອນບ້ານ 39 ຄົນ ທີ່ກັກຕົວຢູ່ ຫລັກ 27

ຂປລ. ໃນວັນທີ 29 ກໍລະກົດ 2021 ແຂວງວຽງຈັນ ໄດ້ຮັບແຮງງານ ທີ່ເປັນພົນລະເມືອງຂອງແຂວງ ທີ່ກັບມາຈາກປະເທດເພື່ອນບ້ານ ຈໍານວນ 39 ຄົນ, ຍິງ 21 ຄົນ ທີ່ກັກຕົວສູນກັກກັນ ຫລັກ 27ມາສືບຕໍ່ກັກບໍລິເວນຢູ່ແຂວງຂອງຕົນ.ທ່ານ ພັນໂທ ບຸນນຳ ຜາສຸຍໄຊງາມ ຫົວໜ້າພະແນກ ຕມ ປກສ ແຂວງວຽງຈັນ, ໃນນາມຕາງໜ້າ

ຄະນະຮັບຜິດຊອບເຄື່ອນຍ້າຍແຮງງານ ແຈ້ງວ່າ: ແຮງງານລາວ ຈຳນວນ 39 ຄົນ, ທີ່ໄດ້ຮັບເຂົ້າມາມື້ນີ້, ແມ່ນພົນລະເມືອງຂອງແຂວງວຽງຈັນ ທີ່ນອນຢູ່ໃນ 7 ເມືອງ ເຊັ່ນ: ເມືອງວຽງຄຳ 1 ຄົນ, ເມືອງຊະນະຄາມ 23 ຄົນ, ວັງວຽງ 7 ຄົນ, ເມືອງໝື່ນ 3 ຄົນ, ທຸລະຄົມ 1 ຄົນ, ເມືອງເຟືອງ 1 ຄົນ ແລະ ໂພນໂຮງ 3 ຄົນ.

ແຮງງານລາວດັ່ງກ່າວ, ແມ່ນຮັບມາຈາກສູນກັກກັນຕົວຫລັກ 27 ເພື່ອມາສືບຕໍ່ກັກບໍລິເວນຢູ່ສູນຂອງແຂວງ ເພື່ອເກັບກຳຂໍ້ມູນຂອງແຕ່ລະບຸກຄົນ ແລ້ວຈັດສົ່ງຕໍ່ລົງບັນດາເມືອງ ເພື່ອກັກບໍລິ ເວນ ແລະ ຕິດຕາມອາການອີກ 14 ມື້ ຖ້າບໍ່ມີເຊື້ອແລ້ວ ຈຶ່ງສົ່ງມອບໃຫ້ໄປຢູ່ນຳຄອບຄົວຕາມປົກກະຕິ.

ຂ່າວ: ບຸນທະວີ

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here