21 C
Vientiane
ວັນຈັນ, ເດືອນຕຸລາ 25, 2021

ລາວ ເລັ່ງໃຫ້ປະຊາຊົນທຸກຊັ້ນຄົນ ໄດ້ຮັບວັກຊີນປ້ອງກັນ ໂ ຄ ວ ິ ດ

ທ່ານ ພອນປະເສີດ ອຸນາພົມ ຫົວໜ້າກົມອະນາໄມ ແລະ ສົ່ງເສີມສຸຂະພາບ ໄດ້ຖະແຫລງຂ່າວ ໃນວັນທີ 27 ກໍລະກົດນີ້ວ່າ: ມາຮອດປັດຈຸບັນ ສປປ ລາວ ສາມາດສັກວັນຊີນເຂັມທີ 1  ໄດ້ຫລາຍກ່ວາ 1 ລ້ານຄົນແລ້ວ, ກວມເອົາ 14,59% ຂອງປະຊາກອນ, ເຂັມທີ 2 ບັນລຸໄດ້ 842.091 ຄົນ ກວມເອົາ 11,48%, ເຊິ່ງການແຈກຢາຍວັກຊີນດັ່ງກ່າວ ແມ່ນໄດ້ອີງໃສ່ 3 ຫລັກການຄື: ພື້ນທີ່ການລະບາດ, ພື້ນທີ່ທີ່ມີຄວາມສ່ຽງ ໂດຍສະເພາະເຂດແຂວງທີ່ມີຊາຍແດນຕິດຈອດກັບປະເທດໃກ້ຄຽງທີ່ມີການລະບາດ

ແລະ ອີງໃສ່ຈຳນວນປະຊາກອນຂອງແຕ່ລະແຂວງ.ການລະບາດຂອງໂຄວິດ-19 ໃນຮອບທີ 1 ຜ່ານມານັ້ນ, ທາງຄະນະສະເພາະກິດໄດ້ສຸມໃສ່ສະຫນອງວັກຊີນໃນະຄອນຫລວງວຽງຈັນ ແລະ ແຂວງບໍ່ແກ້ວ ທີ່ມີການລະບາດໃນຊຸມຊົນ ເພື່ອຍົກລະດັບການສ້າງພູມຕ້ານທານໃຫ້ຊຸມຊົນດັ່ງກ່າວ, ເຊິ່ງໄລ່ມາຮອດປັດຈຸບັນ ນະຄອນຫລວງສາມາດສັກເຂັມ

ທີ 1 ແລ້ວ  43,7% ແລະ ເຂັມທີ 2  ກວມ 36,6% ຂອງພົນລະເມືອງ, ສ່ວນແຂວງບໍ່ແກ້ວ ເຂັມທີ 1 ບັນລຸໄດ້ 39,9% ແລະ ເຂັມທີ 2 ບັນລຸໄດ້ 34,13%.ເຖິງຢ່າງໃດກໍດີ, ເພື່ອຍົກລະດັບການສ້າງພູມຕ້ານທານໃຫ້ປະຊາຊົນໃນທົ່ວປະເທດໄດ້ສູງຂຶຶ້ນຕື່ມອີກ ນັບແຕ່ວັນທີ 2 ສິງຫາ 2021 ເປັນຕົ້ນໄປທົ່ວປະເທດຈະເລີ່ມສັກວັກຊີນ

ຈອນສັນ ແລະ ຈອນສັນ ທີ່ໄດ້ຮັບການຊ່ວຍເຫລືອຈາກສະຫະລັດອາເມລິການ ໂດຍຜ່ານໂຄງການໂຄແວັກ ຈຳນວນ 1.008.000 ໂດສ ແລະ ປັດຈຸບັນທາງຄະນະສະເພາະກິດໄດ້ຈັດແບ່ງແຈກຢາຍໄປໃຫ້ບັນດາແຂວງ ຕ່າງໆໃນທົ່ວປະເທດ ແລ້ວ ໂດຍສະເພາະບັນດາແຂວງພາກໃຕ້ທີ່ມີ ຜູ້ຕິດເຊື້ອຈຳນວນຫລາຍຈາກແຮງງານນຳເຂົ້າ.
ທ່ານ ຍັງໃຫ້ຮູ້ຕື່ມວ່າ: ໃນເດືອນສິງຫານີ້ ລາວຈະໄດ້ຮັບວັກຊີນ ຊີໂນຟາມຈາກ ສປ ຈີນ ຕື່ມອີກຈຳນວນ 1 ລ້ານໂດສ ແລະ ແອສຕຣາເຊເນກາ 415.000 ໂດສ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here