26 C
Vientiane
ວັນພະຫັດ, ເດືອນຕຸລາ 28, 2021

ເກັ່ງແລ້ວ ສຸກພະໄຊ ນັກຢູໂດລາວມື 105 ຂອງໂລກເສຍໃຫ້ Eric ມື 14 ຂອງໂລກ ໃນໂອແລມປິກ

ທ້າວ ສຸກພະໄຊ ສິດທິສານ ນັກກີລາຢູໂກລາວ ລຸ້ນນໍ້າໜັກ 60 ກິໂລ ໃນການແຂ່ງຂັນລະດັບງານມະຫາກໍາກີລາໂອແລມປິກ ກໍຄື ໂອແລມປິກ 2020 ຫຼື ໂຕກຽວເກມ ທີ່ນະຄອນຫຼວງໂຕກຽວ ປະເທດຍີ່ປຸ່ນ ລົງແຂ່ງຂັນຮອບທໍາອິດ ( ຮອບ 32 ຄົນ ) ພົບກັບ Eric Takabatake ນັກກິລາຢູໂດ ອັນດັບທີ 14 ຂອງໂລກ ທີມຊາດ ບຣາຊິນ ເວລາປະມານ 10 ໂມງໃນບ້ານເຮົາປະຈໍາວັນທີ 24 ກໍລະກົດ 2021.

ປາກົດວ່າ: ທ້າວ ສຸກພະໄຊ ສິດທິສານ ນັກກິລາຢູໂດທີມຊາດລາວ ຮຸ່ນ -60 ຖືກຈັດຢູ່ອັນດັບທີ 105 ຂອງໂລກ ພົບກັບ Eric Takabatake ນັກກິລາຢູໂດ ອັນດັບທີ 14 ຂອງໂລກ ທີມຊາດ ບຣາຊິລ ແລະ ສຸດທ້າຍ ສຸກພະໄຊ ບໍ່ສາມາດຕ້ານທານຄູ່ແຂ່ງໄດ້ເສຍໄປຢ່າງໜ້າເສຍ ເຮັດໃຫ້ Eric Takabatake ຜ່ານເຂົ້າຮອບຕໍ່ໄປໄປພົບກັບນັກກີລາຈາກ ສ ເກົາຫຼີ ເບິ່ງຄະແນນໃນຮູບລຸ່ມນີ້

ສໍາລັບ ນັກກີລາລາວໄດ້ສິດໄປຮ່ວມ ໂອແລມປິກ 2020 ຈໍານວນ 4 ຄົນ ເຊິ່ງໃນນັ້ນມີພຽງ ສຸກພະໄຊ ທີ່ໄດ້ສິດເຂົ້າຮ່ວມດ້ວຍການເກັບຄະແນນຜ່ານລະດັບສາກົນ ແລະ ຜ່ານເຂົ້າຮອບສຸດທ້າຍໄດ້ສໍາເລັດ, ສ່ວນອີກ 3 ຄົນຄື ນາງສິລິນາ ພະອະໄພ ນັກກີລາແລ່ນ-ລານ ແລະ 2 ນັກກີລາລອຍນໍາຢ່າງ ສິຣິອາລຸນ ບຸດຈະເລີນ ກັບ ທ້າວ

ສັນຕິສຸກ ອິນທະວົງ ແມ່ນໄດ້ສິດທີພິເສດເຂົ້າຮ່ວມຈາກໂອແລມປິກນາໆຊາດ ( IOC ) ໃນຖານະຊາດສະມາຊິກຂອງ ໂອແລມປິກ.ສ່ວນ ສຸກພະໄຊ ເກີດວັນທີ 1 ພຶດສະພາ 1996 ທີ່ບ້ານສະພານໃຕ້ ແຂວງສະຫວັນນະເຂດ ເລີ່ມຫຼິ້ນກີລາຢູໂດແຕ່ປີ 2008 ໂດຍຜົນງານໂດດເດັ່ນທີ່ສຸດຄືຍາດໄດ້ອັນດັບທີ 5 ໃນລາຍການ Asian Judo

Kata Championships Hongkong 2018 ທີ່ຮົງກົງ ເຊິ່ງມີ 10 ປະເທດເຂົ້າຮ່ວມ. ນອກນັ້ນ, ສຸກພະໄຊ ຍັງເປັນນັກກີລາຢູໂດລາວ ຄົນທໍາອິດທີ່ຊະນະໃນການແຂ່ງຂັນຢູໂດຊີງແຊັມໂລກປະຈຳປີ 2019 ( WORLD JUDO CHAMPIONSHIPS SENIOR 2019 ) ທີ່ປະເທດຍີ່ປຸ່ນ ດ້ວຍການເອົາຊະນະ Alexandre Dibartolo

ນັກກີລາຈາກປະເທດການາດາ ກ່ອນຕົກຮອບ 64 ຄົນສຸດທ້າຍ. ຂະນະທີ່ ລາຍການລະດັບໂອແລມປິກ ແມ່ນເຄີຍເຂົ້າຮ່ວມໂອແລມປິກ 2016 ທີ່ປະທດບຣາຊິນ ແລະ ປີນີ້ກໍໄປບໍ່ເຖິງຝັນຢ່າງໜ້າເສຍດາຍ. ຢ່າງໃດກໍສູ້ໆລຸ້ນລາຍການຕໍ່ໄປ.

ຂ່າວ: ຫຼ້າ; ຮູບ: Lao judo Federation ແລະ AP

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here