23.3 C
Vientiane
ວັນສຸກ, ເດືອນກໍລະກົດ 23, 2021

ຮັນນີ້ ລຳເງິນ ຈາກ ນັ ກກີລາ ເທ ຄວັ ນໂດ ສາຍດໍາ ສູ່ເວທີ Miss Teen Laos 2021

ຈາກສາວນ້ອຍນັກກີລາເທຄວັນໂດ ສາຍດໍາ ມາເປັນສາວໝັ້ນ ແລະ ໂດດເດັ່ນເທິງເວທີ Miss Teen Laos 2021 ມາລຸ້ນ ແລະ ເຊຍໃຫ້ສາວນ້ອຍຄົນນີ້ໄດ້ເຂົ້າເຖິງຮອບ 10 ຄົນ ລຳເງິນ ເທບສີເມືອງ ຫຼື ຮັນນີ້ MTL20 ປັດຈຸບັນອາຍຸ 15 ປີ ຈາກໂຮງຮຽນສອງພາສາລາວ – ຫວຽດນາມ ຫວຽນຢູ ຊັ້ນມ 5 ນະຄອນຫຼວງວຽງຈັນ.

ນ້ອງຮັນນີ້ ໄດ້ໃຫ້ສໍາພາດວ່າ: ບໍ່ເຄີຍຜ່ານເວທີປະກວດໃດມາກ່ອນເລີຍ ມິສທີນລາວເປັນເວທີທໍາອິດຂອງນ້ອງ ແລະ ນ້ອງຈະເຮັດໃຫ້ເຕັມທີ່ທີ່ສຸດ, ຄວາມໃຝ່ຝັນຂອງນ້ອງກັບເວທີມິສທີນລາວ ກໍຄືເປັນມິສທີນລາວຄົນຕໍ່ໄປ, ໄດ້ຄອບຄອງມົງກຸດເປັນດວງດາວແຫ່ງຍຸກສະໄໝ ແລະ ໄດ້ເປັນຕົວຢ່າງທີ່ດີໃຫ້ແກ່ຊາວໜຸ່ມທຸກຄົນລາວ ຄວາມໃຝ່ຝັນກ່ຽວກັບວົງການບັນເທີງ ກໍຄືການທີ່ນ້ອງໄດ້ມີໜ້າມີຕາມີຊື່ສຽງໃນວົງການບັນເທີງ ແລະ ເປັນສ່ວນໜຶ່ງໃນການຂັບເຄື່ອນວົງການບັນເທີງລາວໃຫ້ກ້າວໄປສູ່ລະດັບສາກົນ.

ຮັນນີ້ເອງມີຄະຕິປະຈໍາໃຈຢູ່ວ່າ “ ຄົນອື່ນບໍ່ໃຫ້ໂອກາດເຮົາ ຍັງບໍ່ໜ້າເສົ້າເທົ່າເຮົາບໍ່ໃຫ້ໂອກາດຕົວເອງ ” ສໍາລັບຈຸດເດັ່ນທີ່ນ້ອງຈະໃຊ້ຊະນະໃຈກຳມະການໄດ້ກໍຄື ຄວາມຕັ້ງໃຈ, ຄວາມມຸ່ງໝັ້ນ, ທະເຍີທະຍານຂອງນ້ອງ ແລະ ເຊື່ອວ່າກຳມະການຈະເຫັນໃນ ຄວາມຕັ້ງໃຈນີ້ ແລະ ອີກຢ່າງທີ່ສຳຄັນກໍຄືຄວາມເປັນຕົວຂອງຕົວເອງ ນ້ອງເປັນແບບໃດນ້ອງຈະສະແດງອອກໄປໃນແບບທີ່ນ້ອງເປັນໃຫ້ກຳມະການໄດ້ເຫັນເຖິງຄວາມເປັນເຮົາແບບທີ່ບໍ່ຄືໃຜ ເພາະຖ້າຫາກເຮົາພະຍາຍາມທີ່ຈະບໍ່ເປັນຕົວຂອງຕົວເອງ, ພະຍາຍາມທີ່ຈະເປັນແບບຄົນອື່ນຄົນອື່ນກໍຈະມັກຈະຮັກໃນແບບທີ່ບໍ່ແມ່ນຕົວຕົນຂອງເຮົາ, ສະນັ້ນເຮົາຄວນເປັນຕົວຂອງຕົວເອງໃຫ້ກຳມະການໄດ້ເຫັນໄດ້ຮັກໃນຄວາມເປັນເຮົາແບບທີ່ບໍ່ມີໃຜເປັນ.

ການເຂົ້າຮ່ວມປະກວດໃນຄັ້ງນີ້ ນ້ອງກໍໄດ້ມີການກຽມ ຄວາມພ້ອມໃນທຸກດ້ານ ທຸກຢ່າງເກັບທຸກເມັດໃສ່ໃຈທຸກລາຍລະອຽດ, ບໍ່ວ່າຈະເປັນບຸກຄະລິກທ່າທາງ, ການເວົ້າ, ການຕອບຄໍາຖາມ, ການເດີນແບບ ແລະ ການວາງຕົວຕ່າງໆ ເພື່ອໃຫ້ເໝາະສົມກັບເວທີການປະກວດໃນຄັ້ງນີ້.

ໃນການປະກອບສ່ວນຊ່ວຍເຫຼືອສັງຄົມຂອງຮັນນີ້ ແມ່ນໄດ້ໄປເປັນອາສາສະໝັກໃນທຸກໆເທສະການໃນການເກັບຂີ້ເຫຍື້ອທີ່ຕົກເຫຼືອໃນເທສະການຕ່າງໆ, ກິດຈະກຳຍາມວ່າງທີ່ນ້ອງມັກເຮັດຄືການຫຼິ້ນກີລາ, ເບິ່ງຂ່າວ; ສະຕາຍການແຕ່ງຕົວລຽບງ່າຍ, ສະບາຍໆ ຜົນງານທີ່ນ້ອງຢາກຝາກກໍຄືຖ່າຍແບບ, ເດີນແບບ ຝາກຕິດຕາມຝາກເຊຍຮັນນີ້ ໄດ້ທີ່ Facebook: Meiniang Tsm ແລະ ig honey.tsm ແດ່ເດີ.

ຮູບ: Meiniang Tsm

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here