23.3 C
Vientiane
ວັນສຸກ, ເດືອນກໍລະກົດ 23, 2021

ແຂວງຈຳປາສັກ ໄດ້ຮັບຕຽງນອນປິ່ນປົວຄົນເຈັບພະຍາດໂຄວິດ-19 100 ຊຸດຈາກອົງການປົກຄອງນະຄອນ ຫລວງວຽງຈັນ

ແຂວງຈຳປາສັກ ໄດ້ຮັບຕຽງນອນປິ່ນປົວຄົນເຈັບພະຍາດໂຄວິດ-19 100 ຊຸດຈາກອົງການປົກຄອງນະຄອນ ຫລວງວຽງຈັນ ອົງການປົກຄອງນະຄອນຫລວງວຽງຈັນ, ມອບຊຸດຕຽງນອນປິ່ນປົວຄົນເຈັບພະຍາດໂຄວິດ-19 ຈໍານວນ 100 ຊຸດ, ລວມມູນຄ່າ 142.000.000 ກີບ, ໃຫ້ແຂວງຈຳປາສັກ ເພື່ອປະກອບເຂົ້າໃສ່ໂຮງໝໍພາກສະໜາມ ໃນການປິ່ນປົວຄົນເຈັບພະຍາດໂຄວິດ-19.

ພິທີຮັບການຊ່ວຍເຫລືອດັ່ງກ່າວ, ໄດ້ມີຂຶ້ນໃນວັນທີ 19 ກໍລະກົດ 2021 ທີ່ຫ້ອງວ່າການແຂວງຈໍາປາສັກ, ໂດຍໄດ້ຮັບການຊ່ວຍເຫລືອ ຈາກອົງການປົກຄອງນະຄອນຫລວງວຽງຈັນ, ໂດຍມີຊຸດຕຽງນອນປິ່ນປົວຄົນເຈັບ ຈໍານວນ 100 ຊຸດ, ລວມມູນຄ່າທັງໝົດ 142.000.000 ກີບ, ໃຫ້ແຂວງຈຳປາສັກ, ເພື່ອປະກອບເຂົ້າໃສ່ໂຮງໝໍພາກສະໜາມ. ເປັນກຽດກ່າວຮັບໂດຍ ທ່ານ ວິໄລວົງ ບຸດດາຄຳ ເຈົ້າແຂວງຈຳປາສັກ, ມີ ທ່ານຮອງເຈົ້າແຂວງຈໍາປາສັກ, ກອງເລຂາຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດພະຍາດໂຄວິດ-19 ຂັ້ນແຂວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ໂອກາດດັ່ງກ່າວ, ທ່ານເຈົ້າແຂວງຈຳປາສັກ ໄດ້ສະແດງຄວາມຂອບໃຈ ໄປຍັງອົງການປົກ ຄອງນະຄອນຫລວງວຽງຈັນ ທີ່ມີຄວາມເປັນຫວ່ງເປັນໃຍ ຕໍ່ ປະຊາຊົນ ແລະ ອົງການປົກຄອງແຂວງຈຳປາສັກ ໃນວຽກງານແກ້ໄຂການແຜ່ລະບາດຂອງພະຍາດໂຄວິດ-19, ເນື່ອງຈາກແຮງງານລາວ ທີ່ຢູ່ປະເທດໃກ້ຄຽງ ກັບຄືນມາ ສປປ ລາວ ນັບມື້ເພີ່ມຂຶ້ນ ເຮັດໃຫ້ຕົວເລກການຕິດເຊື້ອ ຈາກການນຳເຂົ້າໃນທົ່ວປະເທດ ແມ່ນເພີ່ມຂຶ້ນສູງ, ຊຶ່ງບາງວັນມີຫລາຍກວ່າ 100 ກໍລະນີ, ມີທັງສາຍພັນເດວຕາ ແລະ ອານຟາ ສາມາດແຜ່ເຊື້ອໄດ້ງ່າຍ ແລະ ໄວກວ່າສາຍພັນດັ້ງເດີມ. ດັ່ງນັ້ນ, ແຂວງຈໍາປາສັກ ຈຶ່ງມີຄວາມຈໍາເປັນທີ່ຈະຂະຫຍາຍໂຮງໝໍພາກສະໜາມ ເພີ່ມຈຳ ນວນຕຽງ ເພື່ອຮອງຮັບປິ່ນປົວຜູ້ທີ່ຕິດເຊື້ອພະຍາດໂຄວິດ-19

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here