12.3 C
Vientiane
ວັນເສົາ, ເດືອນທັນວາ 4, 2021

ຂໍປະຊາຊົນຊ່ວຍ ແຮງງານລັກເຂົ້າເມືອງທີ່ຫຼວງພະບາງຕອນນີ້ຍັງຫາບໍ່ພົບ

ເປັນສິ່ງທີ່ຄະນະສະເພາະກິດເຕືອນມາຕະຫຼອດບໍ່ໃຫ້ລັກເຂົ້າເມືອງແບບຜິດກົດໝາຍ ແຖມພາກລັດຍັງມີນະໂຍບາຍໃຫ້ ຈະໄປຖືກ ຫຼື ຜິດກົດໝາຍກໍຮັບກັບຄືນປະເທດໂດຍບໍ່ໃຫ້ປັບໃໝໃສ່ໂທດແຕ່ຢ່າງໃດ ແຕ່ກໍຍັງມີຄົນລັກລອບເຂົ້າເມືອງຢ່າງຜິດກົດໝາຍ ຮູ້ຕອນນີ້ມີທັງໝົດ 5 ຄົນ ຍັງອີກ 4 ບໍ່ຮູ້ໄປຢູ່ໃສໃນແຂວງຫຼວງພະບາງ.

ອີງຕາມແຈ້ງການດ່ວນທີ່ສຸດ, ຂອງຄະນະສະເພາະກິດຂັ້ນນະຄອນ ຫຼວງພະບາງ ໃຫ້ຮູ້ວ່າ: ປະຈຸບັນມີແຮງງານທີ່ໄດ້ລັກລອບມາແຕ່ສາມຫຼ່ຽມຄໍາ ແຂວງບໍ່ແກ້ວ ເຊິ່ງໄດ້ຮ່ວມເດີນທາງດ້ວຍລົດມານຳກັນທັງໝົດ 5 ຄົນ ໃນວັນທີ 12 / 7 / 2021 ເຊິ່ງມີ 1 ຄົນໄດ້ລົງແຂວງອຸດົມໄຊ ເປັນກໍລະນີທີ່ຕິດເຊື້ອພະຍາດໂຄວິດ-19 ຢູ່ແຂວງອຸດົມໄຊ ໃນວັນທີ 15 / 7 / 2021 ແລະ ອີກ 4 ຄົນ ໄດ້ເດີນທາງມານະຄອນຫຼວງພະບາງ ແຕ່ບໍ່ຮູ້ວ່າເປັນເພດຍິງ ຫຼື ຊາຍ? ບໍ່ຮູ້ວ່າຢູ່ບ້ານໃດ?

ສະນັ້ນ, ໃຫ້ຄະນະຊີ້ນໍາກຸ່ມແຕ່ລະກຸ່ມ ແຈ້ງໃຫ້ຄະນະສະເພາະກິດຂັ້ນບ້ານ ລົງຕິດຕາມກວດກາໂດຍດ່ວນແຕ່ລະຄົວເຮືອນ ຖ້າພົບເຫັນໃຫ້ແຈ້ງຄະນະສະເພາະກິດຂັ້ນນະຄອນທັນທີ ເພື່ອຈະໄດ້ໄປຮັບເອົາບຸກຄົນດັ່ງກ່າວມາກວດຫາເຊື້ອພະຍາດໃຫ້ທັນເວລາ.ດັ່ງນັ້ນ, ຈິ່ງຂໍແຈ້ງມາຍັງທຸກພາກສ່ວນຈົ່ງໃຫ້ການຮ່ວມມື ແລະ ພ້ອມກັນຈັດຕັ້ງປະຕິບັດ ຕາມແຈ້ງການສະບັບນີ້
ຢ່າງເຂັ້ມງວດ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here