ຕະຫລາດຂາຍອາຫານສົດ ເມືອງຫລວງປັກກິ່ງ ຢຸດຂາຍປາແຊວມ້ອນ ຫລັງພົບເຊື່ອໂຄວິດ-19 ຢູ່ເທິງຂຽງ

0
379

ສຳນັກຂ່າວ ໂກລບອລໄທມສ໌ ຂອງຈີນໄດ້ລາຍງານວ່າ ຫ້າງຊັບພະສິນຄ້າຂະຫນາດໃຫຍ່ໃນກຸງ ປາກກິ່ງ ຫລາຍແຫ່ງ ຕັດສິນໃຈຢຸດຂາຍປາເຊວມ້ອນ ໃນວັນເສົາທີ່ 13/06/2020 ຫລັງຈາກເຈົ້າຫນ້່ທີໄດ້ກວດພົບເຫັນເຊື້ອໄວຣັດໂຄວິດ-19 ໃນຕະຫລາດຄ້າສົ່ງ “ຊິນຟາຕີ້” ເຊິ່ງຜູ້ຕິດເຊື້ອຈຳນວນຫລາຍໃນຊ່ວງສອງສາມມື້ທີ່ຜ່ານມາໄດ້ມີສ່ວນກ່ຽວຂ້ອງກັບສະຖານທີ່ແຫ່ງນີ້ ຈົນເຮັດໃຫ້ເກີດຄວາມກັງວົນວ່າແຊວມ້ອນອາດປົນເປື້ອນໄວຣັດມໍລະນະຊະນິດນີ້

ທີມນັກຂ່າວຂອງ ໂກລບອລໄທມສ ເຜີຍວ່າ ພວກເຂົາໄດ້ລົງພື້ນທີ່ສຳຫລວດໃນເຂດຮ້ານດັ່ງກ່າວ ໃນກຸງ ປັກກິ່ງ ແລະ ພົບວ່າບໍ່ມີປາແຊວມ້ອນວາງຂາຍແລ້ວ ເຊິ່ງຮ້ານຂາຍອາຫານທະເລຈຳນວນຫລາຍໄດ້ປິດການຂາຍຊົ່ວຄ່າວ ເນື່ອງຈາກລູກຄ້າລັງເລໃຈທີ່ຈະຊື້ປາແຊວມ້ອນ ລວມໄປເຖິງຊີ້ນສັດ ແລະ ເຄື່ອງທະເລອື່ນໆອີກດ້ວຍ ນອກຈາກນັ້ນແລ້ວ ຮ້ານຊູຊິຫລາຍແຫ່ງໄດ້ຕັດເມນູປາແຊວມ້ອນອອກໄປ

ຕະຫລາດ ຊິນຟາຕີ້ 

ຕະຫລາດ ຊິນຟາຕີ້ ເປັນຕະຫລາດຂາຍສົ່ງຜັກ ໝາກໄມ້ ຊີ້ນສັດ ຂະຫນາດໃຫຍ່ທີ່ສຸດໃນປັກກິ່ງ ຕັ້ງຢູ່ເຂດ ເຟີງໄຖ ທາງຕາເວັຍຕົກສ່ຽງໃຕ້ຂອງເມືອງ ກາຍເປັນແຫລ່ງພົບຜູ້ຕິດເຊື້ອແບບກຸ່ມກ້ອນ ຫລື Cluster ແຫ່ງໃຫມ່ຂອງກຸງປັກກິ່ງ ໂດຍມີຜູ້ຕິດເຊື້ອທີ່ກ່ຽວຂ້ອງແລ້ວ 45 ຄົນ ຈົນເຮັດໃຫ້ຕະຫລລາດໄດ້ຖືກສັ່ງປິດໃນວັນເສົາ ແລະ ທາງການເຂດ ເຟີງໄຖ ຕ້ອງໄດ້ໃຊ້ມາດຕະການ ລ໊ອກດາວນ໌ ເມືອງ

 

Photo: Li Hao/GT

ເມື່ອວັນສຸກທີ່ຜ່ານມາ ເຈົ້າຫນ້າທີ່ກວດພົບໄວຣັດໂຄວິດ-19 ຢູ່ເທິງຂຽງທີ່ໃຊ້ປາດປາແຊວມ້ອນທີ່ຕະຫລາດ ຊິນຟາຕີ້ ເຊິ່ງຍັງບໍ່ຮູ້ແນ່ຊັດວ່າໄວຣັດໄດ້ໄປຢູ່ເທິງຂຽງຂອງຮ້ານໄດ້ແນວໃດ ແລະເມື່ອເຈົ້າຫນ້າທີໄດ້ເຂົ້າໄປກວດສອບ ພົບວ່າ ປາແຊວມ້ອນທີ່ພົບເຊື້ອນັ້ນໄດ້ເອົານຳມາຈາກຕະຫລາດອາຫານທະເລ “ຈິງເສີ່ນ” Jingshen

ຊີ້ນປາແຊວມ້ອນ

ຢ່າງໃດກໍ່ຕາມ ດຣ.ຫລິນ ຫລີ່ ຫົວຫນນ້ານັກວິທະຍາສາດຂອງທີມຜູ້ຕິດຕາມແລະຄວບຄຸມໂລກໃນສັດນ້ຳຂອງເຂດກວາງຕຸ້ງ ໄດ້ບອກວ່າ ເປັນບໍ່ໄດ້ທີ່ແຊວມ້ອນເປັນໆ ຈະຕິດເຊື້ອໄວຣັດໂຄໂຣນ້າ ເນື່ອງຈາກພວກມັນອາໃສຢູ່ໃນນ້ຳເຄັມ ແລະ ເປັນໄປບໍ່ໄດ້ທີ່ແຊວມ້ອນແຊ່ແຂງຈະເປັນແຫລ່ງທີ່ມາຂອງໄວຣັດໂຄໂຣນ້າ-19 ອີກດ້ວຍ ເນື່ອງຈາກໄວຣັດມີຊີວິດຢູ່ໃນເຊລລ໌ທີ່ມີຊີວິດເທົ່ານັ້ນ

ແລະ ດຣ. ຫລິນ ໄດ້ເວົ້າເພີ່ມວ່າ ສາເຫດທີ່ມີໄວຣັດໂຄວິດ-19 ຢູ່ເທິງຂຽງແຊວມ້ອນ ອາດເປັນເພາະປາແຊວມ້ອນແຊ່ແຂງໄປສຳຜັດກັບເຊື້ອທີ່ປົນເປື້ອນໃນນ້ຳທີ່ໃຊ້ລະຫວ່າງຂະບວນການແປຮູບ, ຂົນສົ່ງ ຫລື ບັນຈຸຫີບຫໍ່ກໍ່ເປັນໄດ້.

ຮຽບຮຽງໂດຍ ຊົ່ວໂມງວຽງຈັນ

LEAVE A REPLY

Please enter your comment!
Please enter your name here