ຕຳຫລວດ ແຂວງໄຊຍະບູລີ ໄດ້ຈັບຕົວພໍ່ຄ້າຢາເສບຕິດພ້ອມຂອງກາງຢາບ້າ 2000 ພັນກວ່າເມັດ

0
88

ທ້າຍເດືອນກຸມພາ 2019 ທີ່ຜ່ານມານີ້, ເຈົ້າໜ້າທີ່ຕໍາຫຼວດພະແນກສະກັດກັ້ນ ແລະ ຕ້ານຢາເສບຕິດຫ້ອງຕໍາຫຼວດ ປກສ ແຂວງໄຊຍະບູລີ ໄດ້ນໍາໜ່ວຍງານວິຊາສະເພາະລົງເຄື່ອນໄຫວຕິດຕາມເປົ້າໝາຍຄ້າ – ຂາຍຢາເສບຕິດຢູ່ເທສະບານເມືອງໄຊຍະບູລີ ສາມາດກັກຕົວເປົ້າໝາຍໄດ້ ຄື: ທ້າວ ແສງອາລິນ ແຊ່ຈ່າວ ອາຍຸ 26 ປີ ປະຊາຊົນ ຢູ່ບ້ານສີເມືອງ ເມືອງໄຊຍະບູລີ ແຂວງໄຊຍະບູລີ ຢຶດໄດ້ວັດຖຸຂອງກາງຢາບ້າ ຈໍານວນ 38 ເມັດ, ອຸປະກອນເສບຢາບ້າຈໍານວນ 03 ຊຸດ, ເງິນກີບ 114.000 ກີບ, ໂທລະສັບ 03 ເຄື່ອງ, ໂມງໃສ່ແຂນ 01 ໜ່ວຍ.

ຜ່ານການສືບສວນ – ສອບສວນ ຕໍ່ມາຈຶ່ງສາມາດຂະຫຍາຍຜົນຫາຜູ້ຮ່ວມຂະບວນການດຽວກັນ ຄື: ນາງ ລາຍຕ໋ອງ ແຊ່ເຕີນ ອາຍຸ 43 ປີ ປະຊາຊົນ ຢູ່ບ້ານສີເມືອງ ເມືອງໄຊຍະບູລີ ແຂວງໄຊຍະບູລີ ພ້ອມຂອງກາງ ຢາບ້າ 2.433 ເມັດ, ຢາຝິ່ນ 01 ຖົງນ້ອຍ ນໍ້າໜັກ 13,38 ກຣາມ, ອຸປະກອນເສບຝິ່ນ 01 ຊຸດ ອຸປະກອນເສບຢາບ້າ 02 ຊຸດ, ເງິນກີບຈໍານວນ 1 ລ້ານກີບ, ໂທລະສັບ 02 ເຄື່ອງ. ດັ່ງນັ້ນ, ທາງເຈົ້າໜ້າທີ່ຈຶ່ງໄດ້ນໍາຕົວທັງສອງມາດໍາເນີນຄະດີຕາມລະບຽບກົດໝາຍ.

ພາບ-ຂ່າວ: ປກສ ແຂວງໄຊຍະບູລີ

LEAVE A REPLY

Please enter your comment!
Please enter your name here