ຊົມເຊີຍ ປະຊາຊົນ ກຸ່ມບ້ານ ນາພະນັງ ເມືອງບົວລະພາ ຊ່ວຍກັນ ສ້ອມແປງ ຂົວ ທີ່ເປ່ເພ.

0
731


ເພື່ອສືບຕໍ່ຈັດຕັ້ງປະຕິບັດແລະຜັນຂະຫຍາຍມະຕິຕົກລົງ ຂອງຄະນະປະຈໍາພັກເມືອງເມືອງບົວລະພາ ແຂວງຄຳມ່ວນສະບັບເລກທີ່ 225/ຄປຈ,ບພ, ລົງວັນທີ່ 26 / 7 / 2018 ວ່າດ້ວຍ ການແຕ່ງຕັ້ງຄະນະຮັບຜິດຊອບ ຊີ້ນໍາ – ນໍາພາ ຈັດຕັ້ງປະຕິບັດ ແຜນພັດທະນາ ເສດຖະກິດ – ສັງຄົມ ຢູ່ແຕ່ລະກຸ່ມບ້ານ,

ດັ່ງນັ້ນ ໃນລະຫວ່າງວັນທີ່ 2 – 6 ມີນາ 2019 ທີ່ຜ່ານມາ ຄະນະກອງກໍ່ສ້າງຮາກຖານ ການເມຶອງກຸ່ມບ້ານ ນາພະນັງ ເມືອງບົວລະພາ ໄດ້ສົມທົບກັບ ອຳນາດ ການປົກຄອງບ້ານ, ພໍ່ແມ່ປຊາຊົນ ບ້ານ ນາປຸ່ງ, ເມືອງບົວລະພາ ສ້າງຂະບວນການເພື່ອຄຳນັບຮັບຕ້ອນ ກອງປະຊຸມໃຫ່ຍ ຂອງຄະນະບໍລິຫານງານ ສະຫະພັນແມ່ຍິງ ແລະ ຄະນະບໍລິຫານງານສະຫະພັນກຳມະບານ ເປັນຕົ້ນແມ່ນ ການສ້ອມແປງຂົວ ໂດຍ ພາຍໃຕ້ ການນຳພາ ຂອງທ່ານ ຄຳແກ້ວ ໄຊຍະລາດ ກຳມະການພັກເມືອງ ປະທານສະຫະພັນກຳມະບານເມືອງໆບົວລະພາ ພ້ອມດ້ວຍບັນດາຄະນະທີມງານ ກໍ່ສ້າງຮາກຖານ ແລະ ພະນັກງານ, ວິຊາການ ທີ່ກ່ຽວຂ້ອງ ຕະຫລອດຮອດອຳນາດການປົກຄອງບ້ານ ແລະ ພໍ່ແມ່ປະຊາຊົນ ເຂົ້າຮ່ວມນຳຢ່າງພ້ອມພຽງ.


ຈຸດປະສົງໃນການສ້າງຂະບວນການ ຄັ້ງນີ້ ກໍ່ເພື່ອ ສ້ອມແປງ ລະບົບ ຂົວ ທີ່ເປ້ເພ ເພື່ອເຮັດໃຫ້ ການສັນຈອນໄປ – ມາ ຂອງພໍ່ແມ່ປະຊາຊົນພາຍໃນບ້ານໄດ້ມີຄວາມສະດວກສະບາຍ ແລະ ສາມາດສັນຈອນໄປ – ມາ ລະຫວ່າງບ້ານ ຫາ ບ້ານ ແລະ ລະຫວ່າງບ້ານ ຫາ ເມືອງໃຫ້ມີຄວາມສະດວກຂື້ນຕື່ມ, ເຊີ່ງຈຸດທີ່ໄດ້ສ້ອມແປງໃນຄັ້ງນີ້ ມີຢູ່ 2 ຈຸດໃຫ່ຍຄື: ຂົວ ຂ້າມນໍ້າ ຫ້ວຍໜອງຄວາຍຕາຍ, ແລະ ຂົວຂ້າມຫ້ວຍຕ່າວ, ບ້ານ ນາປຸ່ງ ເຊີ່ງໄດ້ສຳເລັດ ແລະ ນຳໃຊ້ໄດ້ຢ່າງເປັນທາງການ.

 



LEAVE A REPLY

Please enter your comment!
Please enter your name here