ສະຫລົດໝໍທີ່ຖືກປິດປາກ ເລື່ອງໄຂ້ຫວັດອູ່ຮັ້ນ ສິ້ນໃຈແລ້ວ ຄົນຈີນພາກັນໄວ້ອາໄລໃນໂຊຊ້ຽວ

0
363

ເມື່ອວັນທີ 07/02/2020 ທາງ ບີບີຊີ ໄດ້ລາຍງານວ່າ ດຣ. ຫລີ່ ເຫວິນເຫລີຍງ ອາຍຸ 34ປີ ແພດທີ່ເປັນຂ່າວດັງໄປທົ່ວໂລກ ໃນຖານະໝໍທີ່ເປີດເຜີຍເລື່ອງລາວການແຜ່ລະບາດຂອງເຊື້ອໂຄໂຣນ້າສາຍພັນໃຫມ່ທີ່ເມືອງອູ່ຮັ້ນ ໃນທີ່ສຸດໄດ້ເສຍຊີວິດແລ້ວ ຫລັງຈາກໝໍຜູ້ນີ້ໄດ້ຕິດເຊື້ອໄວຣັດດັ່ງກ່າວ ໃນຊ່ວງທີ່ທາງການລັດຍັງບໍ່ໄດ້ເຕືອນໃຫ້ທຸກຄົນລະວັງໃນເລື່ອງນີ້

ຂ່່າວສະຫລົດດັ່ງກ່າວ ເກີດໃນຊ່ວງທີ່ສື່ຈີນລາຍງານທີ່ສັບສົນປ່ຽນໄປປ່ຽນມາ ຕອນທຳອິດເຜີຍວ່າ ທ່ານໝໍຫລີ່ເສຍຊີວິດໄປແລ້ວ ແລະຕໍ່ມາປ່ຽນວ່າ ຍັງມີຊີວິດຢູ່ແຕ່ອາການຫນັກ ແຕ່ສຸດທ້າຍໂຮງໝໍລະບຸວ່າເສຍຊີວິດແລ້ວ

ສື່ ພີເພີລ໌ ເດລີ່ ເປັນອີກສື່ຫນຶ່ງທີ່ລົງຂໍ້ຄວາມຂ່າວວ່າ ດຣ. ຫລີ່ເສຍຊີວິດໄປແລ້ວ ແລະ ສ້າງຄວາມໂສກເສົ້າໃຫ້ແກ່ຄົນໃນປະເທດຂະນະທີ່ ໂກລເບີລ ໄທມສ໌ ສະບັບພາສາອັງກິດ ລົງຂ່າວວ່າ ດຣ. ຫລີ່ ຕາຍແລ້ວເຊັ່ນກັນ ວ່າໝໍສິ້ນໃຈເມື່ອເວລາ 21:30 ນາທີ ໃນວັນທີ 6 ເດືອນ ກຸມພານີ້ ເຮັດໃຫ້ກຸ່ມຊາວຈີນຜູ້ໃຊ້ອິດເຕີເນັດພາກັນສົ່ງຂໍ້ຄວາມໄວ້ອາໄລໝໍຫລີ່ຢ່າງແຜ່ຫລາຍໃນໂລກໂຊຊ້ຽວ

ນັກຂ່າວແລະແພດທີ່ຢູ່ໂຮງໝໍໃນຊ່ວງດັ່ງກ່າວ ໄດ້ເປີດເຜີຍກັບ ບີບີຊີ ວ່າ ມີເຈົ້າຫນ້າທີ່ລັດຖະບານເຂົ້າມາຂັດຈັງຫວະ ຈາກນັ້ນບໍ່ດົນ ສື່ຕ່າງໆຂອງຈີນກໍ່ປ່ຽນລາຍງານຈາກເສຍຊີວິດ ມາເປັນປ່ວຍຫນັກ ແລະ ໄດ້ຮັບການຮັກສາດ້ວຍການໃຫ້ອອກຊີເຈນເຂົ້າຫົວໃຈໂດຍບໍ່ຕ້ອງການຜ່າຕັດປອດ

ຕໍ່ຈາກນັ້ນບໍ່ດົນ ທາງໂຮງໝໍໄດ້ຖະແຫລງວ່າ ໝໍ ຫລີ່ໄດ້ສິ້ນໃຈແລ້ວ

ສຳລັບ ດຣ. ຫລີ່ ເປັນຂ່າວດັງ ວ່າເປັນຄົນທຳອິດ ທີ່ສົ່ງ ຂໍ້ຄວາມເຂົ້າກຸ່ມສົນທະນາອອນໄລນ໌ທີ່ມີສະມາຊິກເປັນແພດ ເມື່ອວັນທີ 30/12/2019 ເພື່ອເຕືອນໃຫ້ໝູ່ນຳກັນໃສ່ອຸປະກອນປ້ອງກັນການຕິດເຊື້ອໄວຣັດ ເພາະອາດເປັນໄປໄດ້ວ່າກຳລັງມີການລະບາດຂອງເຊື້ອໄສຣັດເຊີິ່ງ ຕອນນັ້ນຍັງບໍ່ຮູ້ໄວຣັດຊະນິດນີ້ຄືໄສຣັດຊະນິດຫຍັງ

ຕໍ່ມາໝໍລີ່ຖືກຕຳຫລວດເອີ້ນໄປປັບທັດສະນະຄະຕິແລະໃຫ້ລົງຊື່ ເພື່ອຮັບຂໍ້ກ່າວຫາວ່າ ລາວ ເຜີຍແຜ່ຄວາມອັນເປັນເທັດ ແລະ ກໍ່ກວນຄວາມສະຫງົບ ຈົນເຮັດໃຫ້ເລື່ອງນີ້ດັງໄປທົ່ວ ແລະ ທາງການເປີດການສອບສວນພ້ອມຂໍໂທດໝໍຫລີ່ ແຕ່ຈັງຫວະທີ່ໄດ້ຄວາມຍຸດຕິທຳຄືນແມ່ນຊ້າເກີນໄປ ເນື່ອງຈາກຊ່ວງເວລານັ້ນຍັງບໍ່ມີຄຳເຕືອນວ່າ ເຊື້ອສາມາດຕິດຕໍ່ຄົນສູ່ຄົນໄດ້ ເຮັດໃຫ້ໝໍ ຫລີ່ຕິດເຊື້ອຈາກຄົນໄຂ້ ເຮັດໃຫ້ຕົວເອງລົ້ມປ່ວຍລົງແລະເສຍຊີວິດຕໍ່ມາ

LEAVE A REPLY

Please enter your comment!
Please enter your name here