ຄລິບແຊຣ໌ສະນັ່ນ ໄວຣັດ ໂຄໂຣນ່າ ເຮັດໃຫ້ຄົນລົ້ມທັງຢືນໃນອູ່ຮັ່ນ ຈີນປິດ 10 ຕົວເມືອງ

0
291


ເມື່ອວັນທີ 24/01/2020 ສື່ຕ່າງປະເທດ ໄດ້ລາຍງານແລະເຜີຍແຜ່ຄລິບກ່ວາ 10 ຄລິບ ທີ່ຖືກຫລາຍຄົນນຳມາແຊຣ໌ໃນສື່ສັງຄົມອອນໄລນ໌ ໂດຍໄດ້ຕິດແຮສ໌ແທັກວ່າ #coronavirus ເຊິ່ງກຳລັງສ້າງຄວາມຕື່ນຕົວເຖິງຄວາມຮຸ່ນແຮງຂອງສະຖານະການແຜ່ລະບາດຂອງເຊື້ອໄວຣັດໂຄໂຣນ່າ ໃນເມືອງອູ່ຮັ່ນ ຂອງປະເທດຈີນ ເຊິ່ງເປັນເຂດສູນກາງຂອງການລະບາດເຊື້ອດັ່ງກ່າວ ເຮັດໃຫ້ຜູ້ຄົນມີອາການປອດອັກເສບ ເຮັດໃຫ້ຜູ້ຕິດເຊື້ອລົ້ມທັງຢືນໄດ້

ຂະນະທີ່ຍອດຜູ້ຕິດເຊື້ອເກືອບຮອດ 2,000 ລາຍນັ້ນ ສະຖານະການລະບາດຂອງເຊື້ອໄວຣັດໂຄໂຣນ່າ ໄດ້ເຮັດໃຫ້ເມືອງ ອູ່ຮັ່ນ ໄດ້ກາຍສະພາບເປັນ ເມືອງ ຊອມບີ້ ເພາະເຮັດໃຫ້ຜູ້ຕິດເຊື້ອຫລາຍຄົນລົ້ມທັງຢືນຈາກອາການປ່ວຍ ແລະ ໄດ້ຮັບຄວາມຊ່ວຍເຫລືອຈາກເຈົ້າຫນ້າທີ່ທາງການແພດທີ່ແຕ່ງກາຍປ້ອງກັນການຕິດເຊື້ອຢ່າງມິດຊິດ ແລະ ນຳຂຶ້ນລົດພະຍາບານຢ່າງເລັ່ງດ່ວນ ແລະ ໄດ້ມີຂ່າວແຈ້ງວ່າ ຊາຍທີ່ໄດ້ລົ້ມຫົວຟາດພື້ນແມ່ນໄດ້ເສຍຊີວິດຍອດຈາກອາການເລືອດໄຫລອອກມາຫລາຍຈາກຫົວ.

ຈາກສະຖານະການດັ່ງກ່າວ ທາງຈີນໄດ້ປິດເມືອງເພື່ອງລະງັບລະບົບການຂົນສົ່ງມວນຊົນທາງສາທາລະນະ ຢ່າງຫນ້ອຍ 10 ເມືອງທີ່ມີຄວາມສ່ຽງຈາກໂລກລະບາດດັ່ງກ່າວ

ທີ່ມາ dailymail, thesun.co.uk, mirror.co.uk

ຮຽບຮຽງໂດຍ: ຊົ່ວໂມງວຽງຈັນ



LEAVE A REPLY

Please enter your comment!
Please enter your name here