ເຫຍື່ອໄວຣັດໂຄໂຣນ່າ ສູງເຖິງ 80 ລາຍ ພົບຜູ້ຕາຍລາຍທຳອິດໃນເມືອງຫລວງຊຽງໄຮ້

0
858

ເມື່ອວັນທີ 27/01/2020 ສຳນັກຂ່າວຕ່າງປະເທດ ແລະ ຣອຍເຕີ້ລາຍງານວ່າ ຄະນະກຳມະການສາທາລະນະສຸກແຫ່ງຊາດຈີນໄດ້ແຈ້ງຈຳນວນຜູ້ເສຍຊີວິດຈາກເຊື້ອໄວຣັດໂຄໂຣນ່າສາຍພັນໃຫມ່ ເພີ່ມຂຶ້ນເປັນ 80 ລາຍ ແລ້ວ ແລະ ຢືນຢັນມີຜູ້ຕິດເຊື້ອໃນຈີນເພີ່ມຂຶ້ນເປັນ 2,761 ລາຍ ແລະ ໃນຕ່າງປະເທດອີິກ 37 ລາຍ ຂະນະທີ່ມີຜູ້ຕິດເຊື້ອໄດ້ຮັບການຮັກສາແລະຫາຍປ່ວຍ ຈຳນວນ 51 ລາຍ ໂດຍໃນຈຳນວນຜູ້ເສຍຊີວິດນັ້ນ ມີຜູ້ຕິດເຊື້ອໄວຣັດ ໂຄໂຣນ່າ ເສຍຊີວິດທີ່ເມືອງຫລວງຊຽງໄຮ້ເປັນລາຍທຳອິດ

ດ້ານນາຍົກລັດຖະມົນຕີ ຫຼີ່ ເຄີ່ຊຽງ ຂອງຈີນໄດ້ເດີນທາງລົງພື້ນທີ່ໃນເຂດອູ່ຮັ່ນ ເມື່ອວັນຈັນທີ່ 27/01/2020 ເພື່ອຕິດຕາມສະຖານະການ ແລະ ຄວາມພະຍາຍາມຂອງເຈົ້າຫນ້າທີ່ທາງການ ໃນການຄວບຄຸມການລະບາດຂອງເຊື້ອໄວຣັດ ໂຄໂຣນ່າ ສາຍພັນໃໝ່ ນອກຈາກນັ້ນ ນາຍົກລັດຖະມົນຕີ ຫຼີ່ ເຄີ່ຊຽງ ຍັງໄດ້ໄປຢາມໃຫ້ກຳລັງໃຈຜູ້ປ່ວຍຈາກເຊື້ອໄວຣັກ ໂຄໂຣນ່າ ແລະ ແພດພະຍາບານ ອີກດ້ວຍ

ນອກຈາກນັ້ນ ສະຖານີໂທລະພາບ CGTN ຍັງໄດ້ລາຍງານວ່າ ໄວຣັດ ໂຄໂຣນ່າ ສາຍພັນໃໝ່ Novel Coronavirus ມີສັກກະຍາພາບ ໃນການກາຍພັນ ຫລັງຈາກ ທ່ານ ໝ່າ ສ່ຽວເຫວີຍ ຮອງນາຍົກລັດຖະມົນຕີ ສາທາລະນະສຸກຈີນ ໄດ້ຖະແຫລ່ງເມື່ອອາທິດທີ່ຜ່ານມາ ເຖິງຄວາມຮ້າຍແຮງຂອງໄວຮັດຊະນິດນີ້ ວ່າ ສາມາດຕິດຕໍ່ໄປຫາບຸກຄົນອື່ນໄດ້ ກ່ອນຜູ້ທີ່ຕິດເຊື້ອຈະສະແດງອາການ.

ຮຽບຮຽງໂດຍ: ຊົ່ວໂມງວຽງຈັນ

LEAVE A REPLY

Please enter your comment!
Please enter your name here