WHO ລະບຸ ໄວຣັດໂຄໂຣນ່າອູ່ຮັ່ນ ຕິດຕໍ່ງ່າຍກວ່າທີ່ຄິດ ແຕ່ຍັງບໍ່ສຸກເສີນລະດັບໂລກ

0
208


ສຳນັກຂ່າວ CNN ໄດ້ລາຍງານວ່າ ເມື່ອວັນພະຫັດ ທີ 23/01/2020 ອົງກອນອານາໄມໂລກອອກຖະແຫລງການຫລັງປະຊຸມກັນ 2 ມື້ ກ່ຽວກັບສະຖານະການ ການລະບາດຂອງເຊື້ອໄວຣັດ ໂຄໂຣນ່າພັນໃຫມ່ໃນຈີນ ໂດຍລະບຸວ່າ ໄວຣັດດັ່ງກ່າວຍັງບໍ່ເຖິງຮອດຂັ້ນເປັນ ສະຖານະການສຸກເສີນທາງສາທາລະນະສຸກລະດັບຊາດ

ທ່ານເດວິດ ເຮຍ໌ມັນ ຈາກອົງການອານາໄມໂລກກ່າວວ່າ ໄວຣັດໂຕນີ້ ແຜ່ກະຈ່າຍ ຈາກຄົນສູ່ຄົນໄດ້ງ່າຍກ່ວາທີ່ຄິດໄວ້ ໂດຍໃນທຳອິດ ເຊື່ອວ່າ ໄວຣັດສາມາດຕິດຕໍ່ໄດ້ພຽງການສຳຜັດຢ່າງໃກ້ຊິດລະຫວ່າງຄອບຄົວເຊັ່ນ ການກອດ ຈູບ ຫລື ໃຊ້ອຸປະກອນກິນເຂົ້ານຳກັນ

ແຕ່ຕອນນີ້ ໄດ້ມີຫລັກຖານໃຫ້ຮູ້ວ່າ ການຕິດຕໍ່ສາມາດເກີດຂຶ້ນໄດ້ຈາກການສຳຜັດຕິດຕໍ່ກັນໄລຍາໄກຂຶ້ນໄດ້ ເຊັັ່ນກໍລະນີທີ່ຄົນປ່ວຍທີ່ຈາມຫລືໄອໄກ້ໃບຫນ້າຂອງຄົນອື່ນ ກໍ່ອາດເຮັດໃຫ້ຕິດເຊື້ອໄວຣັດໄດ້

ຕອນນີ້ ເຊື້ອໄວຣັດ ດັ່ງກ່າວໄດ້ລະບາດຢ່າງຫນັກໃນຈີນ ໂດຍມີຜູ້ຕິດເຊື້ອຫລາຍກ່ວາ 630 ລາຍ ແລະ ເສຍຊີວິດແລ້ວ 18 ຄົນ ຈົນທາງການຈີນຕ້ອງໄດ້ສັ່ງປິດເມືອງອູ່ຮັ່ນເຊິ່ງເປັນສູນກາງການລະບາດ ແລະ ເມືອງໃກ້ຄຽງອີກ 2 ແຫ່ງ ແລະ ຍົກເລີກການຈັດງານເທດສະການປີໃຫມ່ຈີນໃນເມືອງຫລວງປັກກິ່ງອີກດ້ວຍ



LEAVE A REPLY

Please enter your comment!
Please enter your name here