ຊ໋ອກວົງການວັນນະກຳລາວເປັນຢ່າງຍິ່ງ ທີ່ໄດ້ສູນເສຍ ອາຈານ ດາວວຽງ ບຸດນາໂຄ ສີລະປິນ ນັກປະພັນດີເດັ່ນ

0
353

ນັບວ່າເປັນຂ່າວຊ໋ອກວົງການວັນນະກຳລາວເປັນຢ່າງຍິ່ງ ທີ່ໄດ້ສູນເສຍສິລະປິນດີເດັ່ນ, ນັກຂຽນ-ນັກປະພັນ, ນັກກະວີ ແລະ ນັກປະພັນເພງຊື່ດັງຄົນໜຶ່ງຂອງເມືອງລາວ ທີ່ມີນາມວ່າ ດາວວຽງ ບຸດນາໂຄ ເຊິ່ງການຈາກໄປຂອງທ່ານ ກໍ່ຄືການສູນເສຍຊັບພະຍາກອນບຸກຄົນດີເດັ່ນ ໃນແວດວົງວັນນະກຳລາວ ໃຫ້ມີຊື່ສຽງ ແຕ່ບັດນີ້ເຫຼືອໄວ້ພຽງຜົນງານໃຫ້ໄດ້ຊື່ນຊົມ


ຕາມຂ່າວໃຫ້ຮູ້ວ່າ: ທ່ານອາຈານ ດາວວຽງ ບຸດນາໂຄ, ນັກປະພັນ, ນັກກະວີ ສິລະປິນດີເດັ່ນຂອງຊາດ ສາຂາວັນນະກຳ ທັງເປັນຄູເພງຜູ້ມີຊື່ສຽງຂອງເມືອງລາວ ໄດ້ເຈັບປ່ວຍດ້ວຍຫຼາຍພະຍາດ ຄື: ເບົາຫວານ ແລະ ຄວາມດັນຂຶ້ນຈົນຕ້ອງນຳສົ່ງໂຮງໝໍດ່ວນເມື່ອກາງອາທິດກ່ອນ ແລະ ອາການຊຸດໜັກເຂົ້າເລື້ອຍໆ ເຊິ່ງແພດລະບຸພະຍາດແຊກຊ້ອນອີກວ່າ ເປັນໂຣກກ່ຽວກັບລະບົບຫົວໃຈ ຈຶ່ງໄດ້ເຈາະທໍ່ຊ່ວຍຫາຍໃຈ ແຕ່ອາການກໍ່ບໍ່ດີຂຶ້ນ ຈົນໃນທີ່ສຸດເພີ່ນກໍ່ຈາກພວກເຮົາໄປຢ່າງສະຫງົບ. ໃນຕອນສວາຍຂອງມື້ນີ້ ວັນທີ 6 ມີນາ 2019 ລວມອາຍຸໄດ້ 65 ປີ.


ປັດຈຸບັນ, ສົບຂອງເພີ່ນແມ່ນໄດ້ບໍາເພັນກຸສົນຢູ່ເຮືອນຂອງເພີ່ນເອງ ທີ່ບ້ານ ສີວິໄລ ເມືອງ ໄຊທານີ ນະຄອນຫຼວງວຽງຈັນ.

LEAVE A REPLY

Please enter your comment!
Please enter your name here