ອອສເຕຣເລຍ ພົບບັນຫາອາກາດຮ້ອນໃນຮອບ 6 ປີ

0
262


ສຳນັກພາຍາກອນອາກາດອອສເຕເລຍ (The Bureau of Meteorology) ເປີດເຜີຍວ່າ ເມື່ອວັນອັງຄານທີ່ຜ່ານມາ ພົບວ່າທົວປະເທດມີອຸ່ນພະພູມສະເລ່ຍສູງສຸດ 40.9 ອົງສາເຊວເຊຍສ໌ ເຊິ່ງຖືວ່າຮ້ອນທຳລາຍສະຖິຕິໃນຮອບ 6 ປີ ຈາກເມື່ອວັນທີ 7 ມັງກອນ 2013 ເຊິ່ງວັດອຸ່ນຫະພູມສະເລ່ຍສູງສຸດໄດ້ທີ່ 40.3 ອົງສາເຊວເຊຍສ໌

ປະເທດອອສເຕເລຍໃຊ້ວິທີວັດອຸ່ນພະພູມສະເລ່ຍທົ່ວປະເທດເນື່ອງຈາກເປັນການວິທີວັດແທກທີ່ຊັດເຈນທີ່ສຸດ ໂດຍການບັນທຶກສະຖິຕິສູງສຸດຄັ້ງນີ້ຢູ່ໃນຊ່ວງດຽວກັນກັບທີ່ອອສເຕເລຍກຳລັງປະເຊີນປັນຫາໄພໄມ້ປ່າແລະໄພແຫ້ງແລ້ງໃນຫລາຍພື້ນທີ່ ໂດຍສະເພາະທີ່ລັດ ນິວຊາວເວວສ໌ ແລະ ຄີນສະແລນ

ສຳນັກພະຍາກອນອາກາດໄດ້ຄາດວ່າ ອາທິດນີ້ທົ່ວປະເທດອາດພົບກັບອຸ່ນຫະພູມສູງຂຶ້ນອີກຈົນອາດຈະເຮັດໃຫ້ທຳລາຍສະຖິຕິດັ່ງກ່າວໄດ້

ອອສເຕເລຍກຳລັງປະເຊີນກັບຄື່ນຄວາມຮ້ອນປົກຄຸມທົ່ວປະເທດ ຈົນເປັນສາເຫດເຮັດໃຫ້ເກີດໄຟໄໃ້ປ່າຂຶ້ນຫລາຍຈຸດທົ່ວປະເທດ ບັນຫາໄຟໄມ້ປ່າທີ່ຍັງບໍ່ສາມາດຄວບຄຸມໄດ້ ສົ່ງຜົນໃຫ້ນາຍຍົກລັດຖະມົນຕີ ກອດ ມໍຣິສັນ ຖືກວິຈານຢ່າງໜັກກ່ຽວກັບການຮັບມືກັບໄຟໄມ້ປ່າ ລວມໄປເຖິງນະໂຍບາຍດ້ານສິ່ງແວດລ້ອມຂອງລັດຖະບານ



LEAVE A REPLY

Please enter your comment!
Please enter your name here