ພົນເອກ ຄຳໄຕ ສີ ພັນດອນ ອະດີດປະທານພັກໄດ້ເຂົ້າຢ້ຽມຢາມ ແລະ ໂອ້ລົມ ຄະນະພັກ-ຄະນະນຳ ແລະ ພະນັກ ງານຫຼັກແຫຼ່ງກະຊວງປ້ອງກັນ ປະເທດ

0
605



ສະຫາຍ ພົນເອກ ຄຳໄຕ ສີ ພັນດອນ ອະດີດປະທານພັກ, ປະ ທານປະເທດແຫ່ງ ສປປ ລາວ ໄດ້ເຂົ້າຢ້ຽມຢາມ ແລະ ໂອ້ລົມ ຄະນະພັກ-ຄະນະນຳ ແລະ ພະນັກ ງານຫຼັກແຫຼ່ງກະຊວງປ້ອງກັນ ປະເທດ ໃນວັນທີ 1 ມີນາ 2019 ນີ້, ຢູ່ທີ່ສະໂມສອນຫ້ອງວ່າການ ກະຊວງປ້ອງກັນປະເທດ, ເຊິ່ງ ມີ ສະຫາຍ ພົນຕີ ທອງລອຍ ສີລິ ວົງ ກຳມະການສູນກາງພັກ, ຮອງລັດຖະມົນຕີກະຊວງປ້ອງ ກັນປະເທດ, ຫົວໜ້າກົມໃຫຍ່ການ ເມືອງກອງທັບ, ມີບັນດາຄະນະ ພັກ-ຄະນະນຳກະຊວງປ້ອງກັນ ປະເທດ, ບັນດາຄະນະນຳກົມ ໃຫຍ່, ຫ້ອງວ່າການ, ຄະນະພັກ-ຄະນະບັນຊາຈາກບັນດາກົມ, ຫ້ອງການ, ໂຮງຮຽນ, ກົມ ກອງອ້ອມຂ້າງກະຊວງປ້ອງ ກັນປະເທດເຂົ້າຮ່ວມຮັບຟັງ.

ໂອກາດພົບປະໂອ້ລົມຄັ້ງນີ້, ສະຫາຍ ພົນເອກ ຄຳໄຕ ສີພັນ ດອນ ໄດ້ຍົກໃຫ້ເຫັນສະພາບການ ຂອງໂລກ, ສະພາບແວດລ້ອມ ຂອງສາກົນ ແລະ ບັນດາປັດໄຈ ຂອງການກໍ່ສ້າງ ແລະ ກ້າວຂຶ້ນ ສັງຄົມນິຍົມແຕ່ຮາກຖານຂຶ້ນມາ, ກ່ອນອື່ນຕ້ອງກຳນົດໃນມະຕິ ກອງປະຊຸມໃຫຍ່ຂອງພັກເພື່ອ ເປັນທິດຊີ້ນໍາໃຫ້ແກ່ຄະນະພັກ ຂັ້ນຕ່າງໆທັງເປັນທິດຊີ້ນຳໃຫ້ ແກ່ລັດຫັນເປັນນິຕິກຳ, ເປັນລະ ບອບລະບຽບການ ແລະ ເປັນຍຸດ ທະສາດການພັດທະນາ, ທັງເປັນ ບ່ອນອີງໃຫ້ແກ່ການຄຸ້ມຄອງ ແລະ ຕິດຕາມກວດກາການຈັດ ຕັ້ງປະຕິບັດ, ພວກເຮົາສືບຕໍ່ສ້າງ ແລະ ຂະຫຍາຍລະບອບປະຊາທິ ປະໄຕ ປະຊາຊົນ, ສ້າງບັນດາປະ ຖົມປັດໄຈໃຫ້ແກ່ການກ້າວຂຶ້ນ ສັງຄົມນິຍົມເທື່ອລະກ້າວ ໂດຍ ເລີ່ມແຕ່ຮາກຖານຂຶ້ນມາຕົ້ນຕໍ ແມ່ນສ້າງໃຫ້ເກີດການພົວພັນ ການຜະລິດ ແລະ ກໍາລັງການ ຜະລິດສັງຄົມນິຍົມ ໂດຍອີງໃສ່ 2 ແຫຼ່ງຊັບພະຍາກອນທີ່ມີຢູ່ກັບທີ່ເປັນຫຼັກຄືຊັບພະຍາກອນທຳມະ ຊາດ ແລະ ສະຕິປັນຍາເຫື່ອແຮງ ຂອງປະຊາຊົນສົມທົບກັບທຶນ ຮອນ, ເຕັກນິກ, ເຕັກໂນໂລຊີ ແລະ ການຕະຫຼາດຈາກພາຍ ນອກເຮັດໄດ້ຄືດັ່ງກ່າວບໍ່ພຽງ ແຕ່ສາມາດແກ້ໄຂຄວາມແຕກ ຕ່າງດ້ານຄວາມຮັ່ງມີຢູ່ຮາກ ຖານ, ຫາກຍັງສາມາດແກ້ໄຂ ຄວາມແຕກຕ່າງດ້ານການພັດ ທະນາລະຫວ່າງຊົນນະບົດກັບ ຕົວເມືອງ, ຕ້ອງສ້າງໃຫ້ທ້ອງຖິ່ນ-ຮາກຖານ ໂດຍສະເພາະຂັ້ນບ້ານ ມີຄວາມໜັກແໜ້ນທາງດ້ານການ ເມືອງແນວຄິດ, ເຂັ້ມແຂງທາງ ດ້ານການຈັດຕັ້ງໃນລະບົບການ ເມືອງ, ມີຄວາມຮັ່ງມີທາງດ້ານ ເສດຖະກິດ-ການເງິນ ແລະ ຈະ ເລີນກ້າວໜ້າທາງດ້ານສັງຄົມ- ວັດທະນະທຳ, ສ້າງຄວາມເຂັ້ມ ແຂງໃນດ້ານປ້ອງກັນຊາດ- ປ້ອງກັນຄວາມສະຫງົບທົ່ວປວງ ຊົນຮອບດ້ານເພື່ອສາມາດປະ ກອບສ່ວນເຂົ້າໃນການປົກປັກ ຮັກສາອະທິປະໄຕ ແລະ ເຂດນໍ້າ ແດນດິນຂອງຊາດ, ປົກປັກຮັກ ສາຄວາມສະຫງົບໃຫ້ແກ່ບ້ານ ຊ່ອງ, ປົກປັກຮັກສາຊີວິດຊັບ ສິນຂອງປະຊາຊົນ.

ພ້ອມດຽວກັນ ທ່ານຍັງໄດ້ຮຽກຮ້ອງໃຫ້ການນໍາ ກະຊວງປ້ອງກັນປະເທດທຸກພາກ ສ່ວນຈົ່ງພ້ອມກັນສືບຕໍ່ປັບປຸງກຳ ລັງປ້ອງກັນຊາດ-ປ້ອງກັນຄວາມ ສະຫງົບ, ເສີມຂະຫຍາຍສິດເປັນ ເຈົ້າຂອງປະຊາຊົນ, ຂຸດຄົ້ນກໍາ ລັງແຮງເຂົ້າໃນພາລະກິດປົກປັກ ຮັກສາ ແລະ ສ້າງສາພັດທະນາ ປະເທດຊາດ, ຮັກສາໄດ້ເຂດນໍ້າ ແດນດິນ, ຮັກສາໃຫ້ໄດ້ຄວາມ ສະຫງົບ ແລະ ສືບຕໍ່ຮັກສາການ ພົວພັນຮ່ວມມືຮອບດ້ານແບບພິ ເສດກັບ ສສ ຫວຽດນາມ, ເປັນ ຄູ່ຮ່ວມຍຸດທະສາດຮອບດ້ານ ແລະ ໝັ້ນຄົງຍາວນານກັບ ສປ ຈີນ, ພົວພັນຮ່ວມມືຢ່າງເປັນ ປົກກະຕິກັບເພື່ອນມິດຍຸດທະສາດ ແລະ ປະເທດເພື່ອນມິດອື່ນໆ, ພ້ອມກັນຕ້ານ ແລະ ສະກັດກັ້ນ ປາກົດການຫຍໍ້ທໍ້ໃນສັງຄົມ ແລະ ການສໍ້ລາດບັງຫຼວງໃຫ້ໝົດໄປ ຈາກສັງຄົມ, ເອົາໃຈໃສ່ສຶກສາ ອົບຮົມ ແລະ ຍົກລະດັບຄວາມຮູ້, ຄວາມເຂົ້າໃຈໃຫ້ແກ່ພະນັກງານ ສະມາຊິກພັກ, ພະນັກງານ ແລະ ປະຊາຊົນບັນດາເຜົ່າກ່ຽວກັບການສ້າງບັນດາປະຖົມປັດໄຈ ກ້າວຂຶ້ນສັງຄົມນິຍົມ, ເອົາໃຈໃສ່ ປັບປຸງຮາກຖານພັກໜ່ວຍພັກ ໃຫ້ກາຍເປັນໜ່ວຍພັກ ປອດໃສ, ເຂັ້ມແຂງ, ໜັກແໜ້ນ.

ໂດຍ: ເພັດ ສົມນໍວັນ (ນສພ ກອງທັບ)

LEAVE A REPLY

Please enter your comment!
Please enter your name here