ມາເລເຊຍ ພະຍາຍາມກຳຈັດຂີ້ເຫຍື້ອທີ່ສົ່ງເຂົ້າມາທາງເຮືອ

0
265


ຂປລ.ຕາມສຳນັກຂ່າວໄທ.ເມື່ອບໍ່ດົນມານີ້, ມາເລເຊຍ ພວມເຈລະຈາຕໍ່ຮອງ ກັບປະເທດຕ່າງໆ ທີ່ສົ່ງຂີ້ເຫຍື້ອ ມາຍັງມາເລເຊຍ ເພື່ອໃຫ້ນຳຂີ້ເຫຍື້ອເຫລົ່ານີ້ ກັບຄືນໄປປະເທດ ຕົ້ນທາງ ພ້ອມກັນນັ້ນ ໄດ້ຍົກເວັ້ນ ຄ່າທຳນຽມໃນການຈັດເກັບສິນຄ້າ ເພື່ອຈຳກັດຂີ້ເຫຍື້ອ ໃນຕູ້ສິນຄ້າ ຫລາຍຮ້ອຍຕູ້ ທີ່ຕົກຄ້າງຢູ່ທ່າເຮືອ ທົ່ວປະເທດ ມາຫລາຍເດືອນແລ້ວ.ເມື່ອບໍ່ກາຍນີ້ ມາເລເຊຍ ກາຍເປັນປະເທດ ທີ່ ເປັນ ຈຸດໝາຍ ປາຍທາງ ອັນດັບ 1 ຂອງການສົ່ງຂີ້ເຫຍື້ອ ປະເພດຢາງ ຂອງຕ່າງປະເທດ ມາຖິ້ມ ຫລັງຈາກ ຈີນ ສັ່ງຫ້າມການນຳເຂົ້າ ຂີ້ເຫຍື້ອເຫລົ່ານີ້.

ຈາກນັ້ນ ມາເລເຊຍ ເພີ່ມມາດຕະການ ໃນການ ກວດສອບ ຫລັງຈາກ ຕູ້ສິນຄ້າເຫລົ່ານີ້ ບັນຈຸຂີ້ເຫຍື້ອ ຖືກສົ່ງເຂົ້າມາປະເທດ ຢ່າງຕໍ່ເນື່ອງ ແລະ ໄດ້ສະກັດຕູ້ສິນຄ້າ ທີ່ຄ້າຍຄືວ່າ ຈະນຳຂີ້ເຫຍື້ອ ເຂົ້າມາຖິ້ມ ໃນປະເທດ. ກ່ອນນ້ານີ້ ໄດ້ກວດ ພົບຕູ້ ສິນຄ້າ 300 ກວ່າຕູ້ ທີ່ເຕັມໄປດ້ວຍຂີ້ເຫຍື້ອ ປະເພດຢາງ ຈາກຍີ່ປຸ່ນ, ເຂດບໍລິຫານ ພິເສດ ຮົງກົງຂອງຈີນ, ເອີຣົບ, ການາດາ ແລະ ສ.ອາເມລິກາ ຖືກກວດຢຶດໄວ້ ໃນທ່າເຮືອຂອງລັດປີນັງ ບາງປະເທດຕົກ ລົງ ໃນຫລັກການ ຈະນຳຂີ້ເຫຍື້ອ ກັບໄປ ລວມ 200 ຕູ້ ແລະ ຂີ້ເຫຍື້ອ 100 ກວ່າຕູ້ ພວມຫາວິທີ ສົ່ງກັບຄືນ ປະເທດ.

ທີ່ມາ ຂປລ



LEAVE A REPLY

Please enter your comment!
Please enter your name here