28 C
Vientiane
ວັນອັງຄານ, ເດືອນມີນາ 15, 2021

ສຶກສາອົບຮົມ ພ້ອມເຮັດບົດບັນທຶກ ຮ້ານທີ່ເປີດໃຫ້ບໍລິການກາຍໂມງທີ່ກໍານົດໄວ້

Array

ສຶກສາອົບຮົມ ພ້ອມເຮັດບົດບັນທຶກ ຮ້ານທີ່ເປີດໃຫ້ບໍລິການກາຍໂມງທີ່ກໍານົດໄວ້ ຂປລ. ໃນຄືນວັນທີ 26 ພຶດສະພາ 2021, ກອງບັນຊາການ ປກສ ເມືອງສີສັດຕະນາກ ນະຄອນຫລວງວຽງຈັນ ນໍາໂດຍ ພັທ ອິນປັນ ຫາດາວເຮືອງ ຮອງຫົວໜ້າກອງບັນຊາການ ປກສ ເມືອງສີສັດຕະນາກ ໄດ້ສົມທົບກັບ ປກສ ກຸ່ມສວນມອນ

ອອກກວດກາລາດຕະເວນໃນພື້ນທີ່ຄວາມຮັບຜິດຊອບ ແລະ ໄດ້ພົບເຫັນຮ້ານກິນດື່ມ 1 ຮ້ານ, ຮ້ານສະນຸກເກີ 1 ຮ້ານ ແລະ ຮ້ານຂາຍເຂົ້າປຽກ 3 ຮ້ານ ທີ່ເປີດໃຫ້ບໍລິການແກ່ລູກຄ້າການເກີນໂມງທີ່ກໍານົດໄວ້, ພ້ອມທັງບໍ່ປະຕິບັດຕາມມາດຕະການໃນການຮັກສາໄລຍະຫ່າງທາງສັງຄົມ. ໂອກາດດັ່ງກ່າວ, ທາງເຈົ້າໜ້າທີ່ ກໍໄດ້

ສຶກສາອົບຮົມກ່າວເຕືອນ ແລະ ເຮັດບົດບັນທຶກ, ພ້ອມທັງອະທິບາຍໃຫ້ບັນດາເຈົ້າຂອງຮ້ານຈຳນວນດັ່ງກ່າວ ໃຫ້ເຂົ້າໃຈຕໍ່ໄພອັນຕະລາຍ ແລະ ການແຜ່ລະບາດຂອງພ ະ ຍາ ດ ໂ ຄ ວ ິ ດ. ພ້ອມນີ້ ກໍໄດ້ແນະນໍາສຳລັບມາດຕະການຜ່ອນຜັນ ເຊິ່ງສະຖານທີ່ທີ່ໄດ້ຮັບອະນຸຍາດໃຫ້ດໍາເນີນກິດຈະການມີ: ຕະຫລາດ, ຮ້ານຄ້າ, ສູນການ

ຄ້າ, ຫ້າງຊັບພະສິນຄ້າ ໃນເຂດທົ່ວໄປ ແຕ່ໃຫ້ປິດບໍ່ກາຍ 22:00 ໂມງ ແລະ ໃນເຂດ/ບ້ານສີແດງ ແມ່ນໃຫ້ປິດບໍ່ກາຍ 20:00 ໂມງ, ຂະນະດຽວກັນ ບັນດາຮ້ານອາຫານ ແລະ ຮ້ານກາເຟ ແມ່ນໃຫ້ເປີດບໍລິການໃນຮູບແບບຊື້ກັບເຮືອນ, ບໍ່ໃຫ້ລູກຄ້ານັ່ງກິນຢູ່ຮ້ານ.ກອງບັນຊາການ ປກສ ເມືອງສີສັດຕະນາກ ໄດ້ຮຽກຮ້ອງມາຍັງ

ພໍ່ແມ່ປະຊາຊົນຊາວນະຄອນຫລວງວຽງຈັນ ກໍຄື ຊາວເມືອງສີສັດຕະນາກ ໃຫ້ປະຕິບັດຕາມຄໍາສັ່ງເລກທີ 15/ນຍ ແລະ ແຈ້ງການເລກທີ 02/ຈນວ ວາງອອກ ຢ່າງເຂັ້ມງວດ ແນໃສ່ເພື່ອບໍ່ໃຫ້ ພ ະ ຍ າ ດ ໂ ຄ ວ ິ ດ ສືບຕໍ່ແຜ່ລະບາດອອກເປັນວົງກວ້າງ ທັງນີ້ກໍເພື່ອເຮັດໃຫ້ການດໍາລົງຊີວິດຂອງພໍ່ແມ່ປະຊາຊົນ ກັບຄືນສູ່ສະພາວະປົກກະຕິໂດຍໄວ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here