ແຈ້ງເຕືອນພະຍຸຫມູນເຂດຮ້ອນ​ຈະພັດຜ່ານປະເທດລາວ

0
205



ກົມອຸຕຸນິຍົມ ແລະ ອຸທົກກະສາດ ອອກແຈ້ງການໄພພານຸໝຸນເຂດຮ້ອນ ໂພດູ (PODUL) ຫົວທີ 12 ປະຈຳປີ 2019 ໃນເວລາ 7:00 ໂມງຂອງວັນທີ 28 ສິງຫາ 2019 ມີຈຸດສູນກາງຢູ່ເສັ້ນຂະໜານທີ 17.3 ອົງສາເໜືອ ແລະ ເສັ້ນແວງທີ 117.4 ອົງສາຕາເວັນອອກ ພວມເຄື່ອນທີ່ໄປທາງທິດຕາເວັນຕົກ ດ້ວຍຄວາມໄວ 40 ກິໂລແມັດຕໍ່ຊົ່ວໂມງ, ຄາດວ່າພາຍຸຫົວນີ້ຈະເຄື່ອນທີ່ຜ່ານພາກກາງ ຫາ ພາກເໜືອຂອງປະເທດລາວ ໃນໄລຍະວັນທີ 29 ຫາ 31 ສິງຫາ 2019 ເຊິ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມ ແລະ ລົມພັດແຮງຢູ່ແຂວງພາກເໜືອ ຫາ ພາກກາງ ແລະ ພາກໃຕ້ ໃນໄລຍະວັນທີ 29 ສິງຫາ ຫາ 1 ກັນຍາ 2019 ນີ້.


.
ດັ່ງນັ້ນ, ຈຶ່ງແຈ້ງເຕືອນເຖິງອຳນາດການປົກຄອງ ແລະ ປະຊາຊົນບັນດາເຜົ່າທີ່ອາໄສຢູ່ບັນດາແຂວງຫົວພັນ, ຊຽງຂວາງ, ອຸດົມໄຊ, ຫຼວງພະບາງ, ໄຊຍະບູລີ, ນະຄອນຫຼວງວຽງຈັນ, ໄຊສົມບູນ, ວຽງຈັນ, ບໍລິຄຳໄຊ, ຄຳມ່ວນ, ສະຫວັນນະເຂດ, ສາລະວັນ, ຈຳປາສັກ, ເຊກອງ ແລະ ອັດຕະປື ໃຫ້ມີສະຕິລະມັດລະວັງຕໍ່ສະພາບຝົນຕົກຟ້າຮ້ອງ ຟ້າເຫຼື້ອມ ແລະ ລົມພັດແຮງ ທີ່ອາດຈະເຮັດໃຫ້ຕົ້ນໄມ້ຫັກ, ເສົາໄຟຟ້າຫັກລົ້ມ, ດິນເຈື່ອນ, ນ້ຳຖ້ວມຊຸ ແລະ ນ້ຳຖ້ວມອັ່ງ, ພ້ອມໃຫ້ເກັບມ້ຽນວັດຖຸສິ່ງຂ້ອງ ແລະ ສັດລ້ຽງໄປໄວ້ບ່ອນທີ່ປອດໄພ.

LEAVE A REPLY

Please enter your comment!
Please enter your name here