28 C
Vientiane
ວັນອັງຄານ, ເດືອນມີນາ 15, 2021

ພະນັກງານ JDB ໄດ້ຮັບການສັກວັກຊີນເຂັມທີ 2​ ສຳເລັດແລ້ວ

Array

ດ້ວຍຄວາມປາຖະໜາອັນແຮງກ້າ ແລະ ຄວາມຕັດສິນໃຈສູງ ຂອງຜູ້ບໍລິຫານທະນາຄານຮ່ວມພັດທະນາ (JDB), ທີ່ມີຈຸດປະສົງຢາກໃຫ້ພະນັກງານທຸກຄົນໃນທົ່ວລະບົບໄດ້ຮັບການສັກວັກຊີນ ເພື່ອເພີ່ມພູມຄຸ້ມກັນໃຫ້ກັບຮ່າງກາຍ ແລະ ເປັນການປ້ອງກັນພະຍາດໂຄວິດ-19 ນຳອີກ.

ໄລຍະຜ່ານມາ, ດ້ວຍຄວມເປັນຫວ່ງເປັນໄຍຂອງຜູ້ບໍລິຫານພວກເຮົາ ກໍ່ໄດ້ອອກແຈ້ງການເພື່ອໃຫ້ພະນັກງານທຸກຄົນ ເອົາໃຈໃສ່ປະຕິບັດຕາມຄຳແນະນຳຂອງຄະນະສະເພາະກິດໃນການສັກວັກຊີນເຂັມທີ 1 ຢ່າງເຄັ່ງຄັດ. ມາຮອດປັດຈຸບັນ, ສາມາດເວົ້າໄດ້ວ່າ: ພະນັກງານຂອງທະນາຄານຮ່ວມພັດທະນາ (JDB) ແມ່ນໄດ້ປະຕິບັດໄດ້ຄົບທຸກເງື່ອນໄຂຕາມຄຳແນະນໍາຂອງຄະນະສະເພາະກິດກໍ່ຄືແພດໝໍ ໂດຍໄດ້ເຂົ້າຮ່ວມການສັກວັກຊີນຕາມວັນ ແລະ ເວລາທີ່ກໍານົດ.

ຫຼ້າສຸດ, ວັນສຸກ ທີ 20 ພຶດສະພາ 2021 ຜ່ານມານີ້. ຢູ່ທີ່ສໍານັກງານໃຫຍ່ທະນາຄານຮ່ວມພັດທະນາ ໄດ້ມີພິທີສັກວັກຊີນເຂັມທີ​ 2 ໃຫ້ກັບພະນັກງານ ດ້ວຍການເຊື້ອເຊີນເອົາແພດໝໍຜູ້ຊ່ຽວຊານເຂົ້າມາສັກວັກຊີນໃຫ້, ເນື່ອງຈາກພະນັກ ງານສ່ວນໃຫຍ່ແມ່ນເຮັດວຽກກັບທີ່ ແລະ ບໍ່ມີເວລາໄປສັກຢູ່ແຕ່ລະໂຮງໝໍຕ່າງໆ. ສໍາລັບວັກຊີນທີ່ໄດ້ລົງທະບຽນກ່ອນໜ້ານັ້ນ ສ່ວນໃຫຍ່ແມ່ນວັກຊີນປະເພດ “ຊີໂນຟາມ”.

ການສັກວັກຊີນດັ່ງກ່າວ, ໃຫ້ກຽດເຂົ້າຮ່ວມຂອງ​ ທ່ານ ວິໄລ ສີພະພອນ, ຜູ້ອໍານວຍການໃຫຍ່ ທະນາຄານຮ່ວມພັດທະນາ; ມີ​ ທ່ານ ປອ. ບົວວອນ ຈັນທະນີເລີດ, ຫົວໜ້າຫ້ອງການທະນາຄານຮ່ວມພັດທະນາ ພ້ອມດ້ວຍພະນັກງານຍິງ ແລະ ຊາຍເຂົ້າຮ່ວມທັງໝົດ 113 ຄົນ. ຄຽງຄູ່ກັນນັ້ນ, ພະນັກງານຢູ່ແຕ່ໜ່ວຍບໍລິການໃນທົ່ວປະເທດ ກໍ່ລ້ວນແລ້ວແຕ່ໄດ້ຮັບການສັກວັກຊີນເຂັມທີ 1 ແລະ ເຂັມທີ 2 ຢູ່ແຕ່ລະໂຮງໝໍຂອງແຂວງເຊັ່ນກັນ.

ນອກຈາກເຮັດທຸລະກິດ, ທະນາຄານຮ່ວມພັດທະນາຂອງພວກເຮົາຍາມໃດກໍ່ໃຫ້ຄວາມສໍາຄັນກັບຊີວິດການເປັນຢູ່ ແລະ ສຸຂະພາບຂອງພະນັກງານດ້ວຍດີຕະຫຼອດມາ; ເຊິ່ງໄດ້ມີການສົ່ງເສີມໃຫ້ເຂົ້າຮ່ວມເຮັດປະກັນສຸຂະພາບ, ປະກັນໄພ, ປະກັນຊີວິດ ແລະ ອື່ນໆ ເຊິ່ງຖືວ່າເປັນອີກໜຶ່ງຂໍ້ບັງຄັບທີ່ພະນັກງານທຸກຄົນຕ້ອງມີ.

Latest news

- Advertisement -spot_img

Related news

- Advertisement -spot_img

LEAVE A REPLY

Please enter your comment!
Please enter your name here