ແຂວງຫລວງນໍ້າທາ ແລະ ແຂວງບໍ່ແກ້ວ ແຈ້ງໃຫ້ເຈົ້າຂອງລົດຖືກຢຶດຮີບຮ້ອນແກ້ໄຂຄະດີ

0
73



.ກອງຄຸ້ມຄອງພາສີ I (ແຂວງຫລວງນໍ້າທາ ແລະ ແຂວງບໍ່ແກ້ວ) ໄດ້ອອກປະກາດແຈ້ງການເລກທີ 0247/ກຄ.ພສ I, ລົງວັນທີ 21 ສິງຫາ 2019 ເຖິງບັນດາເຈົ້າຂອງພາຫະນະທີ່ຖືກຢຶດໃຫ້ເຂົ້າມາພົວພັນແກ້ໄຂຄະດີກັບຂະແໜງຕ້ານ ສະກັດກັ້ນການລັກລອບໜີພາສີ ແລະ ກວດຄືນ ການແຈ້ງ (ກອງຄຸ້ມຄອງພາສີ I) ນາເຕີຍ ເມືອງຫລວງນໍ້າທາ ແຂວງຫລວງນໍ້າທາ, ພາຍໃນກຳນົດເວລາ 21 ວັນທາງລັດຖະການ ນັບແຕ່ມື້ໄດ້ປະກາດແຈ້ງການເປັນຕົ້ນໄປ, ຖ້າຫາກກາຍກຳນົດເວລາດັ່ງກ່າວພາຫະນະຈະຕົກເປັນຂອງລັດ ແລະ ຖືກດຳເນີນຕາມລະບຽບກົດໝາຍ.

ສຳລັບລະອຽດມີດັ່ງນີ້: ທ້າວ ສອນເພັດ ດວງພົມມາ ຢູ່ແຂວງຫລວງນໍ້າທາ ປະເພດລົດເກັງຍີ່ຫໍ້ TRUMPCHI ສີຂາວ, ທ້າວ ລິມິງ ຢູ່ສປ ຈີນ ປະເພດລົດຈິບຍີ່ຫໍ້ BENZ ສີດຳ, ທ້າວ ເດິຊຽງ ລຸ ຢູ່ສປຈີນ ປະເພດລົດຈິບ 3 ຄັນຍີ່ຫໍ້ FAW ສີຂາວ, ທ້າວ ລິ ຍີ ຄວນ ຢູ່ສປ ຈີນ ປະເພດລົດຕັກຕີນຢາງນ້ອຍ, ທ້າວ ຢຽນ ຕຸງຊຽງ ຢູ່ແຂວງບໍ່ແກ້ວ ປະເພດລົດຈິບຍີ່ຫໍ້ TOYOTA ສີດຳ, ທ້າວ ອິນທີ ລໍຫວັນໄຊ ແຂວງຫລວງນໍ້າທາ ປະເພດລົດເກັງຍີ່ຫໍ້ BENTLEY ສີດຳ,

ທ້າວ ຢານກັງ ສປ ຈີນ ປະເພດລົດເກັງຍີ່ຫໍ້ BENZ ສີດຳ, ທ້າວ ວິວາ ນ້ອຍວິໄລ ແຂວງອຸດົມໄຊ ປະເພດລົດດ້າມ, ທ້າວ ອຸ່ນຈັງ ນັນຕະພູມ ແຂວງຜົ້ງສາລີ ປະເພດລົດກະບະຍີ່ຫໍ້ TOYOTA ສີຂາວ, ທ້າວ ຢາງເຈິງເວີຍ(ທຽນວຸ) ສປ ຈີນ ປະເພດລົດເກັງຍີ່ຫໍ້ TOYOTA ສີຂາວ, ທ້າວ ຫູ ຈືຊາງ(ທຽນວຸ) ຢູ່ສປ ຈີນ ປະເພດລົດເກັງຍີ່ຫໍ້ BENZ ສີປອນເງິນ.

ໂດຍອີງກົດໝາຍວ່າດ້ວຍພາສີ ເລກທີ 04/ສພຊ, ລົງວັນທີ 20 ທັນວາ 2011, ອີງຕາມ ຂໍ້ຕົກລົງກະຊວງການເງິນ ສະບັບເລກທີ 2826/ກງ, ລົງວັນທີ 22 ສິງຫາ 2017 ວ່າດ້ວຍການຈັດຕັ້ງ ແລະ ການເຄື່ອນໄຫວຂອງກົມພາສີ ແລະ ອີງໃສ່ ບົດບັນທຶກການຢຶດສິນຄ້າ.

ດັ່ງນັ້ນ, ຈຶ່ງແຈ້ງໃຫ້ເຈົ້າຂອງພາຫະນະໄດ້ຮັບຊາບ ແລະ ຈັດຕັ້ງປະຕິບັດ,ໃຫ້ຮີບຮ້ອນເຂົ້າມາພົວພັນແກ້ໄຂຄະດີພາຍໃນກຳນົດເວລາ 21 ວັນທາງລັດຖະການ, ຖ້າຫາກກາຍກໍານົດເວລາດັ່ງກ່າວພາຫະນະດັ່ງກ່າວຈະຕົກເປັນຂອງລັດ ແລະ ຖືກດຳເນີນຕາມລະບຽບກົດໝາຍຢ່າງເຂັ້ມງວດ.

ທີ່ມາ ຂປລ

LEAVE A REPLY

Please enter your comment!
Please enter your name here