ເຈັບທ້ອງຫນັກບໍ່ຮູ້ສາເຫດ ສຸດທ້າຍໄປຜ່າຕັດພົບກ້ອນແປ້ງຕັນລຳໄສ້ ຍ້ອນກິນຊານົມໄຂ່ມຸກ

0
98



ສຳນັກຂ່າວຫວຽດນາມ ລາຍງານເມື່ອວັນທີ່ 23 ສິງຫາ 2019 ວ່າ ຊາຍຫວຽດນາມອາຍຸ 20 ປີ ຫລັງເຈັບທ້ອງຮຸນແຮງຈົນຕ້ອງເຂົ້າຮັບການຮັກສາທີ່ໂຮງຫມໍເຊື່ງແພດພົບການອຸດຕັນຂອງອາຫານໃນລຳໄສ້ ເມື່ອຜ່າຕັດອອກກໍ່ພົບກ້ອນແປ້ງມັນຕົ້ນສີຂຽວດຳຂະຫນາດໃຫ່ຍ 2 ກ້ອນ ຈື່ງສອບຖາມຜູ້ປ່ວຍໃນເວລາຕໍ່ມາ ແລະຮູ້ວ່າຊາຍຄົນດັ່ງກ່າວເຄີຍເຮັດວຽກທີ່ຮ້ານຊາໄຂ່ມຸກ ເລີຍເລືອກດື່ມຊາໄຂ່ມຸກແທນເຄື່ອງດື່ມອື່ນໆ ກ່ອນຈະປ່ຽນເປັນດື່ມຊານົມໄຂ່ມຸກພຽງຢ່າງດຽວແທນອາຫານທັງ 3 ຄາບ

ລາຍງານລະບຸວ່າຊາຍຄົນດັ່ງກ່າວເລີ່ມເຈັບທ້ອງຕັ້ງແຕ່ກາງເດືອນກໍລະກົດທີ່ຜ່ານມ າແລະເຈັບມາດົນເຖິງ 20 ວັນ ກ່ອນອາການຈະຮ້າຍແຮງຈົນບໍ່ອາດທົນຕໍ່ໄປໄດ້ ຄອບຄົວເລີຍຕັດສິນໃຈພາໄປໂຮງຫມໍໃນວັນທີ່ 19 ສິງຫາຜ່ານມາ ພາຍຫລັງການກວດວິນິດໄສໃນເບື້ອງຕົ້ນແພດລະບຸວ່າມີພາວະອຸດຕັນໃນລຳໄສ້ເນື່ອງຈາກເສດຕົກຄ້າງຂອງອາຫານທີ່ບໍ່ຍ່ອຍລົງໄປລວມໂຕກັນໃນລຳໄສ້ ແລະທັບຖົມກັນຈົນກາຍເປັນກ້ອນແຂງ ສົ່ງຜົນໃຫ້ແພດຕ້ອງເຮັດການຜ່າຕັດນຳກ້ອນປິດສະຫນາທີ່ມີລັກສະນະແຂງ 2 ກ້ອນອອກຈາກລຳໄສ້ຊື່ງຕໍ່ມານຳໄປກວດສອບ ແລະພົບວ່າມີສ່ວນປະກອບຂອງແປ້ງມັນຕົ້ນ

ທີ່ມາ ຂ່າວຫນ້າ1

LEAVE A REPLY

Please enter your comment!
Please enter your name here