ບໍ່ສາມາດສືບຕໍ່ຊອກຄົ້ນຫາ 6 ຄົນທີ່ຍັງສູນຫາຍ ຈາກດິນເຈື່ອນທັບໄດ້

0
86



ໃນຕອນເຊົ້າ ຂອງວັນທີ 22.08.2019, ທ່ານ ພອນສຸກ ອິນທະວົງ ເຈົ້າເມືອງ ເມືອງວຽງໄຊ ໄດ້ກ່າວວ່າ: ຫລັງຈາກປະສານງານກັບອຳນາດການປົກຄອງ ເມືອງກວນເຊີນ ແຂວງແທງຮົວ ສສ ຫວຽດນາມ ໃນການຂໍອະນຸຍາດຊອກຄົ້ນຫາ 6 ຄົນ ທີ່ຍັງສູນຫາຍ ຢູ່ຫວຽດນາມ ແລະ ກໍ່ໄດ້ຮັບອະນຸຍາດແລ້ວ, ຕາມແຜນການຊອກຄົ້ນແມ່ນຈະເລີ່ມແຕ່ວັນທີ 21.08.2019 ແຕ່ບໍ່ສາມາດດໍາເນີນການຊອກຄົ້ນໄດ້, ຍ້ອນພະຍຸໄດ້ພັດເຂົ້າ ຫວຽດນາມ ໂດຍສະເພາະ ເມືອງກວນເຊີນ ຈົນຮອດປັດຈຸບັນຍັງບໍ່ທັນອ່ອນກຳລັງລົງເທື່ອ.

ຕາມການລາຍງານ ຂອງທ່ານ ພອນສຸກ ອິນທະວົງ ຕື່ມອີກວ່າ: ຜ່ານມາ ທາງການຫວຽດນາມ ໄດ້ພົບຄົນເສຍຊີວິດ 4 ສົບ ຢູ່ໜ້ານ້ຳ ໃນຫວຽດນາມ ເປັນຊາຍ 2 ຍິງ 2, ແຕ່ຍາດພີ່ນ້ອງຜູ້ສູນຫາຍ ໄປກວດສອບ ແລະ ສາມາດຢືນຢັນໄດ້ພຽງແຕ່ 1 ສົບ ເປັນຜູ້ໃຫຍ່ ເພດຊາຍ ວ່າເປັນຄົນລາວ ຊື່ ທ້າວ ເຢີຍຈິງທໍ ອາຍຸ 47 ປີ ເປັນຊົນ ເຜົ່າມົ້ງ. ສ່ວນທີ່ເຫລືອອີກ 3 ສົບ (ເດັກນ້ອຍ 1 ເພດຊາຍ ແລະ ຍິງ 2 ເປັນຜູ້ໃຫ່ຍ) ຕ້ອງໄດ້ລໍຖ້າການສັນລະສູດ ກ່ອນວ່າ ເປັນຄົນລາວ ທີ່ສູນຫາຍ ຫຼືບໍ່, ເພາະຫວຽດນາມ ກໍ່ມີຜູ້ສູນຫາຍ ຈາກເຫດດິນ ເຈື່ອນທັບເຊັ່ນກັນ. ອີກຢ່າງໜຶ່ງ, ຍ້ອນສົບແຕ່ລະ ຄົນບໍ່ສາມາດ ຈື່ໄດ້ວ່າແມ່ນໃຜ, ສະນັ້ນ ຕ້ອງລໍຖ້າຜົນການສັນລະສູດ ແລະ ສຳເລັດການຊອກຄົ້ນຫາຜູ້ສູນຫາຍ.

ໜັງສືພິມວຽງຈັນທາຍ: ສົມພາວັນ ແລະ ພອນສຸກ

LEAVE A REPLY

Please enter your comment!
Please enter your name here