ຢ່າຫລົງເຊື່ອ ໄປຊື້ອຸປະກອນປະຢັດພະລັງງານໄຟຟ້າ

0
190


ກະຊວງວິທະຍາສາດ ກົມມາດຕະຖານ ແລະວັດແທກ ຂໍແຈ້ງເຖິງພໍ່ແມ່ປະຊາຊົນ, ອຳນາດການປົກຄອງທຸກພາກສ່ວນຊາບວ່າ: ໃນໄລຍະທີ່ຜ່ານມາມີກຸ່ມຄົນຈຳນວນຫນື່ງ ໄດ້ໂຄສະນາທາງສື່ອອນລາຍມີເຄື່ອງທີ່ປະຢັດໄຟຟ້າ (Power Factor Saver) ທີ່ສາມາດປະຢັດພະລັງງານໄຟຟ້າໄດ້ເຖິງ 50% ມາຈຳຫນ່າຍຊື່ງເຮັດໃຫ້ປະຊາຊົນຈຳນວນຫນື່ງຫຼົງເຊື່ອ ແລະຊື້ເຄື່ອງດັ່ງກ່າວມາຊົມໃຊ້, ອີງຕາມການແຈ້ງຂອງຜູ້ຊົມໃຊ້ເຄື່ອງດັ່ງກ່າວທາງກົມຈື່ງນຳເອົາເຄື່ອງມາສຶກສາ ແລະທົດລອງນຳໃຊ້ໂຕຈິງເຫັນວ່າເຄື່ອງບໍ່ສາມາດປະຢັດພະລັງງານໄຟຟ້າຕາມທີ່ໂຄສະນາ ແຕ່ກົງກັນຂ້າມອຸປະກອນດັ່ງກ່າວຍັງເຮັດໃຫ້ຜູ້ຊົມໃຊ້ເສຍຄ່າໄຟຟ້າເພີ່ມຂື້ນຕື່ມອີກ

ດັ່ງນັ້ນ, ກົມມາດຕະຖານແລະວັດແທກ ຈື່ງຂໍແຈ້ງມາຍັງພໍ່ແມ່ປະຊາຊົນ ແລະອຳນາດການປົກຄອງທຸກພາກສ່ວນຈົ່ງມີສະຕິບໍ່ໃຫ້ຊົມໃຊ້ ແລະ ຈຳຫນ່າຍອຸປະກອນເຄື່ອງດັ່ງກ່າວ.



LEAVE A REPLY

Please enter your comment!
Please enter your name here