ລົດເມນັກທ່ອງທ່ຽວຈີນ ຕົກຂົວນ້ຳງາວ ຢູ່ເສັ້ນທາງ ກາສີ ເມືອງນານ ມີຜູ້ເສຍຊີວິດ 14 ຄົນ

0
87



ໜ່ວຍກູ້ຊີບ-ກູ້ໄພ ອົງການການແດງລາວຫຼວງພະບາງ ລາຍງານໃຫ້ຮູ້ວ່າ ໃນວັນທີ 19.08.2019 ເເວລາ 16:50 ນາທີ ໄດ້ເກີດມີອຸບັດຕິເຫດຂັບຂີ່ລົດໂດຍສານເສຍຫຼັກຕົກເຫວຢູ່ບ້ານນາເມືອງ (ເທິງຂົວນໍ້າງາວ) ເມືອງນານ ແຂວງຫຼວງພະບາງ (ເສັ້ນທາງຕັດໃໝ່ກາສີ-ເມືອງນານ) ໃນຈຸດເກີດເຫດພົບເຫັນຄົນເຈັບຈໍານວນ 27 ຄົນ, ຍິງ 14 ຄົນ, ບາດເຈັບສາຫັດ 3 ຄົນ,ຍິງ2 ຄົນ ແລະ ໄດ້ນໍາສົ່ງໄປໂຮງໝໍສາກົນລາວ-ຈີນຈຳນວນໜຶ່ງ, ນໍາສົ່ງໄປໂຮງໝໍແຂວງອີກຈຳນວນໜຶ່ງ.

– ສ່ວນຜູ້ເສຍຊີວິດທີ່ສາມາດເຄື່ອນຍ້າຍອອກມາໄດ້ມີ 8 ຄົນ, ຍິງ 6 ຄົນ ແລະ ຍັງມີຄົນເສຍຊີວິດທີ່ຕິດໃນລົດຍັງບໍ່ສາມາດເຄື່ອນອອກໄດ້ມີປະມານ 5-6 ຄົນ.
– ໃນເວລາ 00:00 ນາທີ ຂອງວັນທີ 20.8.2019 ອາສາສະໝັກກູ້ໄພອົງການກາແດງລາວ ພ້ອມດ້ວຍ ທະຫານ, ຕຳຫຼວດ, ປະຊາຊົນ ໄດ້ຢຸດການຄົ້ນຫາເພາະວ່າບໍ່ສາມາດນໍາຜູ້ເສຍຊີວິດທີ່ຕິດໃນລົດອອກມາໄດ້ເນື່ອງຈາກວ່າລໍຖ້າລົດແບັກໂຄ ເຂົ້າມາເຄື່ອນຍ້າຍລົດໂດຍສານອອກເພື່ອຈະນໍາສົບຜູ້ເສຍຊີວິດອອກຈາກລົດດັ່ງກ່າວ (ສ່ວນລາຍລະອຽດຕ່າງໆຈະລາຍງານອີກຄັ້ງ)

ຕາມການລາຍງານຂອງໄກ້ນໍາທ່ຽວທີ່ຢູ່ໃນລົດວ່າ: ມີຄົນໂດຍສານທັງໝົດ 46 ຄົນ, ຍິງ 24 ຄົນ, ໃນນັ້ນເປັນຄົນສັນຊາດຈີນຈຳນວນ 44 ຄົນ,ຍິງ 23ຄົນ, ຄົນລາວ 2 ຄົນ, ຍິງ1ຄົນ.
ຂໍສະແດງຄວາມເສຍໃຈມາຍັງຄອບຄົວ ແລະ ຍາດຕິພີ່ນ້ອງຂອງຜູ້ປະສົບເຫດຄັ້ງນີ້ດ້ວຍ

LEAVE A REPLY

Please enter your comment!
Please enter your name here