ກວດພົບພໍ່ຕູ້ໄວ 66 ປີ ຄອບຄອງຢາບ້າ 64 ເມັດແລະຝິ່ນ 2 ກ້ອນ

0
76



ເຈົ້າໜ້າທີ່ ປກສ ເມືອງນາໝໍ້ ແຂວງອຸດົມໄຊ ໄດ້ເຂົ້າ ກວດຄົ້ນເຮືອນເປົ້າໝາຍ ຄ້າຂາຍຢາເສບຕິດ ຢູ່ບ້ານໂຮມໄຊ ເມືອງນາໝໍ້ ພົບຢາບ້າ ຈຳນວນ 64 ເມັດ ແລະ ຝິ່ນ ຈຳນວນ 2 ກ້ອນ ຈຶ່ງໄດ້ກັກຕົວເປົ້າໝາຍ ຊື່ ທ້າວ ທິດກອງ ອາຍຸ 66 ປີ ໄປສອບສວນຂະຫຍາຍຜົນ ໃນວັນທີ 6 ສິງຫາ ທີ່ຜ່ານມາ.

ຜ່ານການສອບສວນ, ທ້າວ ທິດກອງ ຜູ້ພົວພັນ ການຄ້າຂາຍຢາເສບຕິດ ຮັບສາລະພາບ ວ່າ:ຢາບ້າ ແລະ ຝິ່ນ ຈຳນວນດັ່ງກ່າວ ແມ່ນຂອງຜູ້ກ່ຽວແທ້, ເຊິ່ງໃນເດືອນມິຖຸນາ 2019 ລູກຊາຍຂອງຜູ້ກ່ຽວ ຊື່ ທ້າວ ສີພອນ ໄດ້ເອົາຝິ່ນຈຳນວນ 2 ກ້ອນ ມາໃຫ້ຢູ່ເຮືອນ ເພື່ອໄວ້ຂາຍ ແລະ ເສບ; ສ່ວນຢາບ້າ 64 ເມັດ ແມ່ນ ທ້າວ ອາຫູຈູ ຢູ່ບ້ານຫ້ວຍອ່ອນ ເມືອງນາໝໍ້ ໄດ້ເອົາມາຂາຍໃຫ້.ພາຍຫຼັງຊື້ມາແລ້ວ ກໍໄດ້ຊຸກເຊື່ອງໄວ້ໃນກ່ອງຢາຖູແຂ້ວ ເພື່ອໄວ້ຂາຍຍ່ອຍໃຫ້ຄົນທີ່ມົ້ວສຸມເສບຢາ ແລະ ຕໍ່ມາ ວັນທີ 6 ສິງຫາ 2019,

ຈຶ່ງຖືກ ເຈົ້າໜ້າຕໍາຫຼວດ ກວດຄົ້ນພົບເຫັນ ແລະ ກັກຕົວກ່ອນ.ຂ່າວຍັງໃຫ້ຮູ້ຕື່ມອີກ ວ່າ: ກ່ອນໜ້ານີ້ ວັນທີ 30 ກໍລະກົດ 2019, ກອງບັນຊາການ ປກສ ເມືອງນາໝໍ້ ໄດ້ເຂົ້າໄປ ກວດຄົ້ນເຮືອນເປົ້າໝາຍ ທີ່ຄິດວ່າເປັນ ຈຸດມົ້ວສຸມຢາເສບຕິດ ຢູ່ເຮືອນພັກແຫ່ງໜຶ່ງ ທີ່ກຳລັງກໍ່ສ້າງໃໝ່ ຢູ່ບ້ານນໍ້າແຊ ເມືອງນາໝໍ້ ສາມາດກັກຕົວ ທ້າວ ເຄນ ອາຍຸ 41 ປີ ຢູ່ບ້ານນາເຄືອ ເມືອງວຽງຄຳ ແຂວງວຽງຈັນ ໄດ້ພ້ອມຢາບ້າ 34 ເມັດ

ຜູ້ກ່ຽວ ຍອມຮັບສາລະພາບ ວ່າ:ຢາບ້າຈຳນວນ 34 ເມັດ ຜູ້ກ່ຽວ ໄດ້ຊື້ນຳຄົນຮູ້ຈັກ ເພື່ອເອົາໄວ້ເສບ ແລະ ຂາຍ ແຕ່ ເຈົ້າໜ້າທີ່ ກວດພົບເຫັນຢາບ້າຈຳນວນດັ່ງກ່າວ ຢູ່ໃນຖົງໂສ້ງກ່ອນ ຈຶ່ງກັກຕົວໄປດຳເນີນຄະດີ.

ຂໍຂອບໃຈ ຫນັງສືພິມຄວາມສະຫງົບ

LEAVE A REPLY

Please enter your comment!
Please enter your name here