ພົບຄົນຕ່າງປະເທດເອົາວີຊາທ່ອງທ່ຽວເຂົ້າ ມາລາວ ແຕ່ມາເຮັດທຸລະກິດ

0
171


ເຈົ້າໜ້າທີ່ແຂວງສາລະວັນໄດ້ລາຍງານໃນມື້ເຊົ້ານີ້ 14/08/2019 ວ່າ ໄດ້ກວດພົບຄົນ ຕ່າງປະເທດຈຳນວນຫຼາຍທີ່ເອົາໜັງສືເດີນທາງ ຫຼື ວີຊານັກທ່ອງທຽ່ວເຂົ້າມາລາວ ແຕ່ມາ ເຮັດວຽກຢູ່ໃນ ສປປ ລາວ ໂດຍສະ ເພາະພາຍໃນແຂວງດັ່ງກ່າວ.

ເພື່ອສ້າງຄວາມເປັນລະບຽບຮຽບຮ້ອຍໃຫ້ແກ່ສັງຄົມ, ພະແນກແຮງງານ ແລະ ສະ ຫວັດດີການສັງຄົມ ແຂວງ ຮ່ວມກັບ ປກສ ແຂວງ, ເມືອງ ແລະ ເຈົ້າໜ້າທີ່ດ່ານລະໄລ ກຳລັງເລັ່ງກວດສອບຄົນຕ່າງປະເທດທີ່ເດີນທາງເຂົ້າ-ອອກດ່ານດັ່ງກ່າວ ໂດຍສະເພາະ ຄົນຫວຽດນາມ ແລະ ຈີນ ທີ່ເອົາວີຊາ ຫຼື ໜັງສືເດີນທາງນັກທ່ອງທ່ຽວ ແຕ່ມາເຮັດວຽກ, ດຳເນີນທຸລະ ກິດຄ້າຂາຍ ເຊັ່ນ: ວຽກກໍ່ສ້າງ, ຄ້າຂາຍ, ເປີດຮ້ານເສີມສວຍ, ຮ້ານອາຫານ ແລະ ອື່ນໆ, ເຊິ່ງຜິດກົດໝາຍຂອງລາວ.

ທ່ານ ສຳລີ ໂພທິສານ ຫົວໜ້າຄຸ້ມຄອງ ດ່ານສາກົນລະໄລ ໄດ້ກ່າວຕໍ່ທີມງານ ວຽງຈັນທາຍວ່າ: ເຈົ້າໜ້າທີ່ຢູ່ດ່ານໄດ້ມີ ການສົມທົບກັບບັນດາພະແນກທີ່ກ່ຽວຂ້ອງ ລົງກວດກາໜັງສືຜ່ານແດນຂອງອ້າຍນ້ອງ ກຳມະກອນ, ຊາວຄ້າຂາຍ, ຜູ້ເຮັດທຸລະກິດ ແລະ ເຮັດວຽກບໍລິການຕ່າງໆ ທີ່ເປັນຄົນ ຕ່າງປະເທດຢູ່ພາຍໃນແຂວງສາລະວັນ ແລະ ໄດ້ພົບຄົນຕ່າງປະເທດຈຳນວນຫຼາຍທີ່ຖືໜັງສືເດີນທາງນັກທອ່ງທຽ່ວ ແລະ ມາເຮັດວຽກ ຢູ່ປະເທດລາວ. ພາຍຫຼັງທີ່ໄດ້ກວດພົບພວກກ່ຽວ ກໍ່ໄດ້ມີການເຮັດບົດບັນທຶກ ແລະ ສົ່ງກັບຄືນປະເທດໂດຍຜ່ານດ່ານລະໄລ.

ທ່ານ ສຳລີ ຍັງໄດ້ກ່າວຕື່ມອີກວ່າ ດ່ານ ລະໄລ ໄດ້ມີການກວດລະອຽດ ກ່ຽວກັບ ໜັງສືຜ່ານແດນ ແລະ ໜັງສືເດີນທາງຂອງຄົນຕ່າງປະເທດເຊັ່ນ: ເຂົ້າມາຈັກມື້, ກັບມື້ໃດ ຖ້າເຂົາເຈົ້າບໍ່ກັບຕາມກຳນົດກໍ່ຈະມີການຕິດຕາມ ແລະ ປັບໃໝ.
ນອກນັ້ນທາງດ່ານຍັງເອົາໃຈໃສ່ກວດສອບ ການລັກລອບນຳເຂົ້າ ແລະ ສົ່ງອອກສິນຄ້າ ທີ່ຜິດກົດໜາຍທຸກໆປະເພດຢ່າງເຂັ້ມງວດ ຕາມການຊີ້ນຳຂອງຂັ້ນເທິງ. ອັນນີ້ກໍເພື່ອ ຮັບປະກັນໃນການເຮັດໜ້າທີ່ຂອງຕົນ.

ຂ່າວ : ສົມພາວັນ
ພາບ: ດ່ານລະໄລ



LEAVE A REPLY

Please enter your comment!
Please enter your name here