32.3 C
Vientiane
ວັນພຸດ, ເດືອນມີນາ 16, 2021

ພາກເໜືອອຸ່ນໃຈໄວ້ເດີ້ ເພິ່ນກຳລັງໄປຊ່ວຍແລ້ວ

Array

ວັນທີ 9 ພຶດສະພາ 2021ນີ້ ທີ່ສະໜາມບີນສາກົນຫລວງພະບາງ ໄດ້ມີພິທີຕ້ອນຮັບຄະນະແພດ ແລະຊ່ຽວຊານ ຈາກ ສປ ຈີນ ທີ່ເດີນທາງມາຊ່ວຍການແກ້ໄຂສະພາບການລະບາດຂອງພະຍາດໂຄວິດ 19 ຢູ່ບັນດາແຂວງພາກເໜືອ, ໃຫ້ກຽດຕ້ອນຮັບໂດຍ ທ່ານ ບຸນເລື່ອມ ມະນີວົງ ຮອງເຈົ້າແຂວງຫລວງພະບາງ ຫົວໜ້າຄະນະສະເພາະກິດຂັ້ນແຂວງ ພ້ອມດ້ວຍຄະນະສະເພາະກິດແຂວງຫລວງພະບາງ ແລະແຂວງອຸດົມໄຊ​ ເຂົ້າຮ່ວມຕ້ອນຮັບ.


ໂອກາດນີ້ ຄະນະແພດ ແລະຊ່ຽວຊານ ຈາກ ສປ ຈີນ ໄດ້ປະຊຸມຮ່ວມກັບຄະນະສະເພາະກິດແຂວງຫລວງພະບາງ ເຊີ່ງໄດ້ຮັບຟັງການ ລາຍງານສະພາບການລະບາດຂອງພະຍາດໂຄວິດ 19 ຢູ່ແຂວງຫລວງພະບາງ ຈາກຫົວໜ້າຄະນະສະເພາະກິດຂັ້ນແຂວງ ຈາກນັ້ນຜູ້ເຂົ້າຮ່ວມໄດ້ແລກປ່ຽນຄຳເຫັນຮ່ວມກັນ ກ່ອນຈະລົງເບີ່ງການປະຕິບັດວຽກງານຕົວຈີງຈາກທີມແພດທີ່ພົວປີ່ນປົວຜູ້ຕິດເຊື້ອພະຍາດໂຄວິດ 19 ຢູ່ໂຮງໝໍແຂວງຫລວງພະບາງ.

ພາຍຫລັງສຳເລັດການເຮັດວຽກຮ່ວມກັບທີມແພດ ແລະຄະນະສະເພາະກິດແຂວງຫລວງພະບາງ ຄະນະແພດ ແລະຊ່ຽວຊານ ຈາກ ສປ ຈີນ ຈະເດີນທາງໄປເຮັດວຽກ ຮ່ວມກັບຄະນະສະເພາະກິດ ແລະທີມແພດ ທີ່ປີ່ນປົວຄົນເຈັບຕິດເຊື້ອພະຍາດໂຄວິດ 19 ຢູ່ບັນດາແຂວງພາກເໜືອຕື່ມອີກ.

Latest news

- Advertisement -spot_img

Related news

- Advertisement -spot_img