ສະຫລົດໃຈ! ພົບສົບ 1 ຄົນ ຈາກເຫດນ້ຳນອງ ແລະດິນເຈື່ອນ ຢູ່ເມືອງວຽງໄຊ

0
93


ນສພ ວຽງຈັນທາຍ ລາຍງານໃຫ້ຮູ້ວ່າ ທ່ານ ພອນສຸກ ອິນທະວົງ ເຈົ້າເມືອງ ເມືອງວຽງໄຊ ໄດ້ກ່າວຕໍ່ທີມງານວຽງຈັນທາຍ ໃນຕແນເຊົ້າວັນທີ 15/8/2019 ວ່າ: ອຳນາດການປົກຄອງເມືອງກວນເຊີນ ແຂວງແທງຮົວ ປະເທດຫວຽດນາມ ໄດ້ແຈ້ງໃຫ້ອຳນາດການປົກຄອງເມືອງວຽງໄຊ ໃນວັນອັງຄານທີ່ຜ່ານມາ ວ່າພົບ 4 ສົບ ທີ່ຟູລອຍຢູ່ໜ້ານ້ຳໃນປະເທດຫວຽດນາມ ເປັນຊາຍ 2 ຍິງ 2, ດັ່ງນັ້ນອຳນາດການປົກຄອງ ເມືອງວຽງໄຊ ແລະ ຍາດພີ່ນ້ອງຜູ້ສູນຫາຍໄດ້ລົງ ໄປກວດສອບ ແຕ່ສາມາດຢືນຢັນໄດ້ພຽງແຕ່ສົບ ດຽວທີ່ເປັນຜູ້ໃຫ່ຍເພດຊາຍວ່າເປັນຄົນລາວ ຊື່ ທ້າວ ເຢີຍຈິງທໍ, 47 ປີ ເປັນເຊົາເຜົ່າມົ້ງ.

ສ່ວນທີ່ເຫຼືອອີກ 3 ສົບ (ຜູ້ນ້ອຍ 1 ເປັນເພດຊາຍ ແລະ ຍິງ 2 ເປັນຜູ້ໃຫ່ຍ) ຕ້ອງໄດ້ລໍຖ້າການ ສັນລະສູດ ດີເອັນເອ ກ່ອນວ່າເປັນຄົນລາວ ຫຼື ຄົນຫວຽດນາມ ເພາະທາງຫວຽດນາມກໍ່ມີຜູ້ສູນ ຫາຍຈາກດິນເຈື່ອນເຊັ່ນກັນ ແລະ ອີກຢ່າງໜຶ່ງ ຍ້ອນສົບແຕ່ລະຄົນບໍ່ສາມາດຈື່ແລ້ວວ່າໃຜເປັນ ໃຜ.
ສົບທີ່ເປັນຄົນລາວຍາດຕິພີ່ນ້ອງ ແລະ ອຳນາດ ການປົກຄອງສາມາດຢືນຢັນໄດ້ວ່າແມ່ນພີ່ນ້ອງ ພວກເຂົາແທ້ຍ້ອນວ່າຜູ້ກ່ຽວມີຜົມຍາວ ແລະ ມີແປ້ວຢູ່ງ່ອນໂດ້ນ, ສົບດັ່ງກ່າວໄດ້ເອົາກັບຄືນມາປະເທດລາວ ແລະ ໄດ້ທຳພິທີທາງສາສະໜາແລ້ວ.

ທ່ານ ພອນສຸກ ອິນທະວົງໄດ້ກ່າວຕື່ມວ່າ ສ່ວນ 3 ສົບທີ່ເຫຼືອແມ່ນຍັງຢູ່ຫວຽດນາມ ເພື່ອລໍຖ້າຍາດຕິພີ່ນ້ອງຝ່າຍລາວ ເອົາເສັ້ນຜົມ ຫຼື ເລືອດໄປກວດໃສ່ກັບຜູ້ເສຍຊີວິດ ເພື່ອໃຫ້ແນ່ໃຈວ່າແມ່ນພີ່ນ້ອງພວກເຂົາເຈົ້າແທ້ບໍ່ ຫຼື ເປັນຄົນຫວຽດນາມ.ດິນເຈື່ອນທັບເອົາເຮືອນປະຊາຊົນ ສອງຫຼັງ ແລະ ຊຸລົງໄປຫາແມ່ນ້ຳ ຢູ່ບ້ານຫີນດຳ ເມືອງວຽງໄຊ ແຂວງ ຫົວພັນ ແລະ ໄດ້ເຮັດໃຫ້ 7 ຄົນ ສູນຫາຍ, ໃນນີ້ມີເດັກນ້ອຍ ບາດເຈັບອີກສອງຄົນ. ເຫດດັ່ງກ່າວໄດ້ເກີດຂຶ້ນໃນເວລາ 3 ໂມງ ເຊົ້າຂອງວັນເສົາ 03/08/2019, ຜູ້ສູນຫາຍ ມີເພດຍິງ 3 ຄົນ, ຊາຍ 4 ຄົນ.



LEAVE A REPLY

Please enter your comment!
Please enter your name here