36.9 C
Vientiane
ວັນອັງຄານ, ເດືອນພຶດສະພາ 11, 2021

ປະຫວັດການເດີນທາງຂອງຄົນຫວຽດນາມທີ່ຕິດເຊື້ອ ແລ້ວເປັນຕາເຈັບຫົວນຳ

ທ່ານ ນາງ ພອນປະເສີດ ໄຊຍະມຸງຄຸນ ຮອງຫົວໜ້າກົມຄວບຄຸມພະຍາດຕິດຕໍ່ກະຊວງສາທາລະນະສຸກ, ຕາງໜ້າກອງເລຂາ ຄະນະສະ ເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດ COVID-19, ໄດ້ຖະແຫຼງຂ່າວໃນວັນທີ 3 ພຶດສະພາ 2021 ນີ້ວ່າ: ສະພາບການລະບາດຂອງພະຍາດ COVID-19 ຢູ່ ສປປ ລາວ ມາຮອດປັດຈຸບັນ ມີລາຍງານຜູ້ຕິດເຊື້ອທັງໝົດ 966 ຄົນ (ໃໝ່ 33) ບໍ່ມີຜູ້ເສຍຊີວີດ, ໃນຈຳນວນຜູ້ຕິດເຊື້ອທັງໝົດ ແມ່ນໄດ້ຮັບການປິ່ນປົວຫາຍດີ 60 ຄົນ, ຍັງນອນຕິດຕາມປິ່ນປົວຢູ່ສະຖານທີ່ຄະນະສະເພາະກິດກຳນົດໄວ້ ໃນແຕ່ລະແຂວງ ຈຳນວນ 907 ຄົນ ເຊັ່ນ: ນະຄອນຫຼວງວຽງຈັນ 599 ຄົນ (ໃໝ່ 16), ແຂວງຈຳປາສັກ 121 ຄົນ (ໃໝ່ 4), ສຳລັບຄົນເຈັບແຂວງເຊກອງ ແມ່ນ ນອນປິ່ນປົວຢູ່ແຂວງຈຳປາສັກ, ແຂວງບໍ່ແກ້ວ 98 ຄົນ (ໃໝ່ 7), ແຂວງສະຫວັນນະເຂດ 31 ຄົນ (ໃໝ່ 3),

ແຂວງຫຼວງພະບາງ 13 ຄົນ, ແຂວງວຽງຈັນ 13 ຄົນ, ແຂວງສາລະວັນ 7 ຄົນ, ແຂວງຫຼວງນ້ຳທາ 6 ຄົນ, ແຂວງອຸດົມໄຊ 8 ຄົນ (ໃໝ່ 3), ແຂວງຜົ້ງສາລີ 3 ຄົນ, ແຂວງໄຊຍະບູລີ 3 ຄົນ, ແຂວງບໍລິຄຳໄຊ 3 ຄົນ, ແຂວງຄຳມ່ວນ 1 ຄົນ, ແຂວງຊຽງຂວາງ 1 ຄົນ. ຄົນເຈັບທຸກຄົນ ແມ່ນມີສຸຂະພາບຮ່າງກາຍ ແລະ ສຸຂະພາບຈິດສົມບູນ ປົກກະຕິ ແລະ ທຸກຄົນແຂງແຮງດີ.ວຽກງານວິເຄາະ ກວດຊອກຫາເຊື້ອພະຍາດ ໂຄວິດ 19 ໃນວັນທີ 2 ພຶດສະພາ 2021 ໄດ້ເກັບຕົວຢ່າງມາກວດວິເຄາະທັງໝົດ 1.810 ຕົວຢ່າງ ຜົນກວດວິເຄາະ ແມ່ນພົບຜູ້ຕິດເຊື້ອພະຍາດໂຄວິດ-19 ໃໝ່ 33 ຄົນ, ໃນນັ້ນມີ ນະຄອນຫຼວງ 16 ຄົນ, ຈຳປາສັກ 4 ຄົນ, ບໍ່ແກ້ວ 7 ຄົນ

ອຸດົມໄຊ 3 ຄົນ ສະຫວັນນະເຂດ 3 ຄົນ.ການຕິດຕາມຜູ້ເດີນທາງ ເຂົ້າມາ ສປປ ລາວ ວັນທີ 2 ພຶດສະພາ 2021 ທົ່ວປະເທດມີຜູ້ເດີນທາງ ເຂົ້າມາ ທັງໝົດ 552 ຄົນ: ຈຸດຜ່ານດ່ານ ລາວ – ໄທ ທັງໝົດ 437 ຄົນ; ຜ່ານດ່ານສະໜາມບິນວັດໄຕສາກົນ 115 ຄົນ ທຸກຄົນທີ່ເຂົ້າມາທາງຈຸດຜ່ານແດນ ໃນມື້ວານນີ້ ແມ່ນໄດ້ຜ່ານການວັດ ແທກອຸນຫະພູມຮ່າງກາຍ, ແຕ່ບໍ່ພົບຜູ້ມີອາການເປັນ ໄຂ້ ໄດ້ເກັບຕົວຢ່າງທຸກໆຄົນມາກວດຫາເຊື້ອ COVID-19; ນຳສົ່ງໄປຈຳກັດບໍລິເວນຢູ່ສູນທີ່ຄະນະສະເພາະກິດກຳນົດໄວ້.ປັດຈຸບັນ ທົ່ວປະເທດ ມີສູນຈໍາກັດບໍລິເວນທີ່ ເປີດນຳໃຊ້ຢູ່ ທັງໝົດ 57 ສູນ, ມີຜູ້ຈຳກັດບໍລິເວນທັງໝົດ 3.584 ຄົນ, ທຸກຄົນແມ່ນໄດ້ເກັບຕົວ ຢ່າງມາກວດວິເຄາະຫາ ເຊື້ອພະຍາດ COVID-19.ສຳລັບລາຍລະອຽດ ຂອງຜູ້ຕິດເຊື້ອໃໝ່ 33 ຄົນ (ກໍລະນີຢັ້ງຢືນທີ 934-966):

ທ່ານ ພອນປະດິດ ສັງໄຊຍະລາດ ຈະເປັນຜູ້ລາຍງານ ລາຍລະອຽດ: ສັງລວມປະຫວັດການເດີນ ທາງຂອງຄົນຫວຽດນາມທີ່ຕິດເຊື້ອ, ສະຖານທີ່ຕ່າງໆ ຄືດັ່ງນີ້: ບ້ານທາດ
ຫຼວງ ເມືອງໄຊເສດຖາ, ບ້ານນາໄຊ ເມືອງໄຊເສດຖາ, ບ້ານ ດອນກອຍ ເມືອງສີສັດຕະນາກ, ບ້ານດອນຕິ້ວ ເມືອງໄຊທານີ, ເຮັດຮ້ານກາເຟຢູ່ຫ້ອງແຖວ ບ້ານສີສັງວອນ, ຕະຫຼາດດອນກອຍ; 14/4/2021: ສະຖານທີ່ອອກກຳລັງກາຍຢູ່ ເດີ່ນທາດຫຼວງ, ຫຼິ້ນປີໃໝ່ຢູ່ຮ້ານຕັດຜົມ Star 2, ຮ້ານຄາຣາໂອເກະຫວຽດ ຕໍ່ໜ້າ ຮ້ານເອັມພອຍ ທາດຫຼວງ; ວັນທີ 11-13 ເມສາ ຮ້ານຂາຍເຄື່ອງຕະຫຼາດກາງ ຄືນ ແຄມຂອງ, ຄົນຫວຽດນາມເລາະຕັດເລັບ ແລະ ທາສີເລັບບ້ານ ສີສັງວອນ ແລະ ບ້ານທາດຫຼວງ ເມືອງ ໄຊເສດຖາ ນະຄອນຫຼວງວຽງຈັນ; ຮ້ານຕັດຜົມຊາຍ-ຍິງ ຕໍ່ໜາ້ຢູນິເທວນາໄຊ; ວັນທີ 12 ເມສາ 2021 ເທັກ ແຄັດໂຮມ ແຖວທາດຫຼວງ; ວັນທີ 14 ເມສາ

2021 ໄປຕະຫຼາດຫົວຂົວຕອນແລງ;ທະນາຄານ MB lao, ຖະໜົນໄກສອນ ບ້ານໂພນສະອາດ ເມືອງ ຈັນທະບູລີ, ໂຮງໝໍຊີວິດໃໝ່ ບ້ານນາໄຊ, ສູນຄວາມງາມຈູລີບີວຕີ ຢູ່ດົງປ່າລານ, ອາຫານຕາມສັ່ງຢູ່ຕໍ່ໜ້າຮ້ານ ມານາແມະ ບ້ານດອນຕິ້ວ, ຮ້ານສະນຸກເກີ (ຮ້ານຕຳແດງ) ບ້ານດົງປ່າແລບ; ຖ້ຽວບິນ ວັນທີ 21 ເມສາ 2021 ຈາກນະຄອນຫຼວງວຽງຈັນ ເດີນທາງໄປຫຼວງນ້ຳທາ ຖ້ຽວບິນ 603 ແຕ່ຍົນບໍ່ອະນຸຍາດໃຫ້ລົງແລ້ວກັບມາວຽງຈັນ, ຊ່າງຮັບເໝົາໄຟຟ້າຢູ່ບ້ານຫ້ວຍຫົງ ເມືອງຈັນທະບູລີ.
ນອກຈາກນີ້ ຂໍຮຽກຮ້ອງມາຍັງບັນດາທ່ານທີ່ມີລາຍຊື່ຂ້າງລຸ່ມທີ່ໄດ້ໄປເກັບຕົວຢ່າງ ກວດວິເຄາະຫາເຊື້ອພະຍາດ COVID-19 ໃນນະຄອນຫຼວງວຽງ ຈັນທີ່ໃຫ້ຂໍ້ມູນບໍ່ລະ ອຽດແມ່ນໃຫ້ຮີບຮ້ອນ ໂທປະສານຫາ ທ່ານ ນາງ ວຽງສາຄອນ ຫຼວງປະດິດ ເບີໂທ 020 94095533 ແລະ ເບີ 020 55663579 ລາຍຊື່ລະອຽດຄື: 1. ນາງ ພູເງີນ 16 ປີ,

2. ທ້າວ ແອນ້ອຍ ພັນທະມູນ ແລະ ນາງ ຟາ ແສງຄຳຍອງ 35 ປີ ໃຫ້ບຸກຄົນດັ່ງກ່າວຈົ່ງ ຮີບຮ້ອນໂຕໂທກັບເບີ ດັ່ງກ່າວ ຫຼື ແຈ້ງຕໍ່ອຳນາດການປົກຄອງບ້ານຂອງທ່ານເພື່ອຕິດຕໍ່ຫາພະນັກງານ ແພດໝໍດ່ວນ, ຖ້າຫາກທ່ານໃດຮັບຮູ້ ແລ້ວບໍ່ຮີບຮ້ອນມາສະ ເໜີໂຕ ຫຼື ຈົງໃຈລົບຫຼີກແມ່ນຈະຖືກປະຕິບັດລະບຽບວິ ໄນຕາມກົດໝາຍບ້ານ ເມືອງ.

Latest news

- Advertisement -spot_img

Related news

- Advertisement -spot_img