ສະຫລົດໃຈ! ນ້ຳຖ້ວມດິນເຈື່ອນ ຢູ່ມຽນມາຊີວິດແລ້ວ 52 ຄົນ

0
40



ສຳນັກຂ່າວຕ່າງປະເທດລາຍງານຈາກເມືອງຢາງກຸ້ງ ປະເທດມຽນມາ ເມື່ອວັນຈັນ ທີ 12 ສິງຫາ ກ່ຽວກັບຄວາມຄືບໜ້າຂອງປະຕິບັດການຄົ້ນຫາຜູ້ສູນຫາຍຈາກເຫດດິນເຈື່ອນ ເຊິ່ງເປັນຜົນມາຈາກພາຍຸມໍລະສຸມຮຸນແຮງ ໃນເຂດພື້ນທີ່ຂອງລັດມອນ ເຊິ່ງຕັ້ງຢູ່ລຽບແຄມຝັ່ງທາງພາກໃຕ້ຂອງປະເທດ ເມື່ອທ້າຍອາທິດ ຜ່ານມາ ວ່າ ຈຳນວນຜູ້ເສຍຊີວິດເພີ່ມຂື້ນຢ່າງໜ້ອຍ 52 ຄົນ ໂດຍທາງການມຽນມາ ໄດ້ລະດົມກໍງລັງທັງໜ່ວຍກູ້ໄພພົນລະເຮືອນ ແລະ ທະຫານຮ່ວມປະຕິບັດການຄົ້ນຫາ ພ້ອມທັງຂົນຍ້າຍເຄື່ອງຈັກຂະ ໜາດໃຫຍ່ເຂົ້າໄປໃນພື້ນທີ່ ເພື່ອຂຸດດິນຄົ້ນຫາຜູ້ສູນຫາຍ ເຊິ່ງເຈົ້າໜ້າທີ່ຄາດການວ່າອາດມີຫຼາຍເຖິງ 80 ຄົນ.

ທັງນີ້ ນອກເໜືອຈາກລັດມອນແລ້ວ ລັດກະຫຼ່ຽງ ແລະ ລັດກະສິ່ນ ທີ່ຢູ່ໃກ້ຄຽງກໍ່ໄດ້ຮັບຜົນກະທົບຈາກໄພທຳມະຊາດຄັ້ງນີ້ເຊັ່ນກັນ ໂດຍລາຍງານຂອງ Global New Light of Myanmar ເຊິ່ງເປັນກະບອກສຽງຂອງລັດຖະບານ ລະບຸວ່າ ສະເພາະໃນລັດມອນ ມີບ້ານເຮືອນປະຊາຊົນຫຼາຍກວ່າ 4 ພັນຫຼັງ ຈົມຢູ່ໃນນໍ້າທີ່ຖ້ວມສູງ ແລະ ຫຼາຍກວ່າ 25 ພັນຄົນ ໄຮ້ທີ່ຢູ່ອາໄສ ທາງດ້ານສໍານັກງານເພື່ອການປະສານງານດ້ານມະນຸດສະທຳຂອງອົງການສະຫະປະຊາຊາດ (OCHA) ໃນພາກພື້ນອາຊີ-ປາຊີຟິກ ລະດົມກໍາລັງຊ່ວຍເຫຼືອ.

ຊົມຄລິບ

LEAVE A REPLY

Please enter your comment!
Please enter your name here