28.9 C
Vientiane
ວັນຈັນ, ເດືອນພຶດສະພາ 10, 2021

ເມືອງຊະນະສົມບູນ ຕັ້ງດ່ານກວດກາຄົນເຂົ້າອອກເມືອງ ເພື່ອປະຕິບັດມາດຕະການ ປ້ອງກັນພະຍາດໂຄວິດ19

Array

ຄະນະສະເພາະກິດປ້ອງກັນ ສະກັດກັ້ນ ແລະຄວບຄຸມພະຍາດໂຄວິດ-19 ເມືອງຊະນະສົມບູນ ແຂວງຈໍາແາສັກ ໄດ້ຕັ້ງດ່ານກວດກາຄົນເຂົ້າອອກເມືອງທີ່ຫຼັກ ຫຼັກ 8 ຈຸດເຊື່ອມຕໍ່ເມືອງຊະນະສົມບູນ ແລະ ນະຄອນປາກເຊ ແລະ ຈຸດກວດກາ ແຕ່ລະບ້ານ ເພື່ອເປັນການປ້ອງກັນບໍ່ໃຫ້ການແຜ່ລະບາດຂອງພະຍາດໂຄວິດ19ອອກສູ່ວົງກ້ວາງ. ທ່ານ ຍູງທອງ ຈັນທະລ້ອມ ຄະນະກຳມະການສະເພາະກິດປ້ອງກັນ ແລະສະກັດກັ້ນພະຍາດໂຄວິດ 19 ເມືອງຊະນະສົມບູນ ແຂວງຈໍາປາສັກໃຫ້ສຳພາດວ່າ:ພາຍຫຼັງທີ່ໄດ້ຮັບການຊີ້ນຳຈາກທ່ານເຈົ້າແຂວງໆຈຳປາສັກໃນການເພີ່ມທະວີປ້ອງກັນ ແລະສະກັດກັ້ນການລະບາດພະຍາດໂຄວິດ19 ແລ້ວ.ທາງຄະນະສະເພາະກິດເມືອງຊະນະສົມບູນກໍ່ໄດ້.

ລົງຊີ້ນຳໃນແຕ່ລະບ້ານໃຫ້ແກ່ປະຊາຊົນຮັບຮູ້ເຂົ້າໃຈຢ່າງເລິກເຊີ່ງຕໍ່ຜົນຮ້າຍຂອງພະຍາດໂຄວິດ19 ແລະວິທີປ້ອງກັນ,ການເວນຍາມເຂົ້າອອກພາຍໃນເມືອງ ແລະ ລະຫວ່າງບ້ານຕໍ່ບ້ານຢ່າງເຂັ້ມງວດ ໂດຍສະເພາະບ້ານທີ່ມີຜູ້ຕິດເຊື້ອແມ່ນ:ຫ້າມອອກຈາກບ້ານ ແລະບ້ານອື່ນໆກໍຫ້າມເຂົ້າມາ. ຜ່ານການຕັ້ງດ່ານແລະ ຈຸດກວດກາແຕ່ລະບ້ານໄດ້ວັດແທກອຸນນະພູມແກ່ຜູ້ສັນຈອນ,ຖ້າກໍລະນີມີໄຂ້ຕ້ອງໄດ້ນໍາສົ່ງໄປປິ່ນປົວ,ກໍລະນີຜູ້ມີຄວາມຈໍາເປັນແທ້ໆ ທາງເຈົ້າໜ້າທີ່ຈິ່ງໄດ້ອອກບັດອະນຸຍາດໃຫ້ສາມາດເຂົ້າອອກເມືອງໄດ້ ຊຶ່ງຜ່ານມາກໍເຫັນວ່າມີຄວາມເປັນລະບຽບຮຽບຮ້ອຍ ປະຊາຊົນມີສະຕິໃນການປ້ອງກັນຕົນເອງ ແລະສັນຈອນທຽວທາງເຂົ້າອອກເມືອງມີຈໍານວນໜ້ອຍລົງ.

ທ່ານ ຍູງທອງ ຈັນທະລ້ອມ ຍັງໄດ້ຖືໂອກາດນີ້ໄດ້ຮຽກຮ້ອງໃຫ້ພໍ່ແມ່ປະຊາຊົນຈົ່ງໄດ້ໃຈໃສ່ໃນການປະຕິບັດມາດຕະການປ້ອງກັນພະຍາດໂຄວິດ19:ຄືໃສ່ຜ້າປິດປາກ ແລະດັງ,ໝັ່ນລ້າງມື ແລະຂ້າເຊື້ອພະຍາດດ້ວຍເຈວ ຫຼືທາດເຫຼົ້າ,ຮັກສາໄລຍະຫ່າງທາງສັງຄົມ 1-2 ເເມັດຖ້າບໍ່ຈຳເປັນຫ້າມອອກຈາກເຮືອນຂອງຕົນ.
ເກດສະໜາ ແກ້ວສຸວັນນະແສງ (ສວຈ)

Latest news

- Advertisement -spot_img

Related news

- Advertisement -spot_img