ແຕ່ງຕັ້ງຫົວໜ້າ – ຮອງພະແນກແຜນການ ແລະ ການລົງທຶນ ແຂວງຫົວພັນ

0
359


ວັນທີ 9 ສິງຫາ 2018 ນີ້, ທີ່ຫ້ອງປະຊຸມພະແນກແຜນການ ແລະ ການລົງທຶນແຂວງຫົວພັນໄດ້ຈັດພິທີມອບ – ຮັບຫົວໜ້າພະແນກລະຫວ່າງຜູ້ເກົ່າ ແລະ ຜູ້ໃໝຂຶ້ນ ໂດຍການເຂົ້່າຮ່ວມຂອງທ່ານ ວັນໄຊ ແພງຊຸມມາ ກຳມະການສູນກາງພັກເລຂາພັກແຂວງເຈົ້າແຂວງຫົວພັນ, ມີບັນດາທ່ານຫົວໜ້າ – ຮອງພະແນກການອ້ອມຂ້າງແຂວງ, ເຈົ້າເມືອງຊຳເໜືອ, ຫົວໜ້າສູນສະຖິຕິ ແລະ ຫ້ອງການແຜນການ – ການລົງທຶນ 10 ເມືອງທົ່ວແຂວງ ຕະຫຼອດຮອດພະນັກງານພາຍໃນພະແນກດັ່ງກ່າວເຂົ້າຮ່ວມ.

ພິທີໄດ້ຜ່ານຂໍ້ຕົກລົງຂອງທ່ານເຈົ້າແຂວງສະບັບເລກທີ 501/ຈຂ-ຫພ ວ່າດ້ວຍການແຕ່ຕັ້ງຮັກສາການຫົວໜ້າພະແນກແຜນການ – ການລົງທຶນ, ສະບັບເລກທີ 890/ຈຂ-ຫພ ວ່າດ້ວຍການຍົກຍ້າຍພະນັກງານໄປປະຈຳການຢູ່ບ່ອນໃໝ່, ສະບັບເລກທີ851/ຈຂ-ຫພ ວ່າດ້ວຍການແຕ່ງຕັ້ງຮອງຫົວໜ້າພະແນກ ແຜນການ – ການລົງທຶນ ແລະ ມະຕິຕົກລົງສະບັບເລກທີ 387 ວ່າດ້ວຍການບົ່ງຕົວແຕ່ງຕັ້ງວ່າການເລຂາຄະນະພັກຮາກຖານພະແນກແຜນການ – ການລົງທຶນຜູ້ໃໝ່.

ໂດຍເຫັນດີຕົກລົງ ຍົກຍ້າຍທ່ານ ພູວົງ ສີສົມຮັກ ກຳມະການພັກແຂວງ ຫົວໜ້າພະແນກ ພຜທ ຜູ້ເກົ່າໄປປະຈຳການຢູ່ພະແນກກະສິກຳ – ປ່າໄມ້, ແຕ່ງຕັ້ງທ່ານ ຄອນທອງ ມະນີວອນ ຮອງຫົວໜ້າພະແນກຂຶ້ນຮັກສາການຫົວໜ້າພະແນກທັງເປັນວ່າການເລຂາຄະນະພັກຮາກຖານພະແນກ ແຜນການ – ການລົງທຶນ ຜູ້ໃໝ່ ແລະ ແຕ່ງຕັ້ງສະຫາຍ ແວວຄຳ ສໍວິປັນຍາ ຫົວໜ້າພະແນກໄອທີຫ້ອງການກະຊວງແຜນການ ແລະ ການລົງທຶນເປັນຮອງຫົວໜ້າພະແນກແຜນການ ແລະ ການລົງທຶນຜູ້ໃໝ່ ເພື່ອສືບຕໍ່ຊີ້ນຳ – ນໍາພາວຽກງານຂົງເຂດ ແຜນການ – ການລົງທຶນ ໃຫ້ໄດ້ຮັບໝາກຜົນດີຂຶ້ນກວ່າເກົ່າ.

ຂ່າວ-ພາບ: ງຸດ ວິໄລຄຳ



LEAVE A REPLY

Please enter your comment!
Please enter your name here