ສະຫລົດໃຈ! ເດັກນ້ອຍອາຍຸ 7 ປີ ຖືກແມ່ລ້ຽງຕີເສຍຊີວິດ ບໍ່ພໍໃຈທີ່ກິນເຂົ້າຊ້າ

0
41



ວັນທີ່ 9 ສິງຫາ 2019 ໄຊນ່າເພຣສ ລາຍງານເຫດສະເທືອນໃຈກໍລະນີທຳຮ້າຍຮ່າງກາຍເດັກທີ່ລົງເອີຍດ້ວຍຄວາມສູນເສຍໃນປະເທດຈີນ ຫລັງຈາກເດັກຍິງອາຍຸ 7ປີໃນມົນທົນຊານຕົງ ຖືກແມ່ລ້ຽງທຸບຕີທຳຮ້າຍຮ່າງກາຍຢ່າງຫນັກຈົນເສຍຊີວິດ ພຽງເພາະບໍ່ພໍໃຈທີ່ເດັກຍິງກິນເຂົ້າຊ້າ ເບື້ອງຕົ້ນເຈົ້າຫນ້າທີ່ຕຳຫຼວດນຳກຳລັງຈັບກຸມແມ່ລ້ຽງ ແລະກຳລັງເລັ່ງສອບປາກຄຳກຽມດຳເນີນຄະດີ

ໃນວັນເກີດເຫດເດັກຍິງ ກັ໋ວ ໂຫມວ ນັ່ງຮັບປະທານອາຫານກາງເວັນພ້ອມຫນ້າຄອບຄົວກ່ອນທີ່ແມ່ລ້ຽງຂູ່ວ່າຖ້າຍັງກິນເຂົ້າຊ້າແບບນີ້ຈະຕ້ອງຖືກລົງໂທດດ້ວຍການຕີ ບໍ່ດົນແມ່ລ້ຽງກໍ່ດຶງໂຕເດັກຍິງເຂົ້າໄປຂັງໄວ້ໃນຫ້ອງນອນ ແລະໃຊ້ລວດເຫຼັກຕີເດັກຍິງ

ລະຫວ່າງນັ້ນຜູ້ເປັນພໍ່ຊື່ງມີປະສົບການຖືກພັນລະຍາທຳຮ້າຍຮ່າງກາຍເລີຍໄດ້ແຕ່ປ່ອຍໃຫ້ພັນລະຍາທຳຮ້າຍລູກໂຕເອງ ເມື່ອຕີຈົບລົງພໍ່ຂອງເດັກເປີດປະຕູເຂົ້າໄປເບີ່ງ ແລະພົບວ່າລູກສາວບາດເຈັບຫນັກ ຮ່າງກາຍມີຮອຍຊ້ຳເຕັມໄປຫມົດເລີຍຕໍ່ວ່າ ແລະຖຽງກັບພັນລະຍາ ຈາກນັ້ນຜູ້ເປັນພໍ່ຍ່າງອອກໄປນອກບ້ານເພື່ອສູບຍາຄາຍຄຽດ

ເມື່ອກັບເຂົ້າບ້ານໄປອີກຄັ້ງແມ່ລ້ຽງຍັງຄົງບໍ່ຍອມໃຫ້ຜູ້ເປັນພໍ່ພາລູກສາວໄປໂຮງຫມໍ ຈົນກະທັ້ງເດັກຍິງອາການສາຫັດ ນອນຫາຍໃຈອ່ອນລ້າ ພໍ່ຈັ່ງຮີບນຳໂຕສົ່ງໂຮງຫມໍທ້ອງຖິ່ນ ແຕ່ບໍ່ເຖິງ 10 ນາທີເດັກຍິງກໍ່ເສຍຊີວິດ

ລາຍງານລະບຸວ່າພໍ່ຂອງເດັກຍ່າຮ້າງກັບພັນລະຍາຄົນແລກຕອນທີ່ເດັກຍິງອາຍຸໄດ້ພຽງ 2 ເດືອນ ແລະເມື່ອລູກສາວໃຫ່ຍຂື້ນກໍ່ຄິດວ່າລູກຄວນມີແມ່ຄອຍດູແລ ຈື່ງຕັດສິນໃຈແຕ່ງງານໃຫ່ມກັບພັນລະຍາຄົນທີ່ 2 ແມ່ນຈະຮູ້ວ່າມີປະຫວັດທຳຮ້າຍຮ່າງກາຍຜູ້ອື່ນກໍ່ຕາມ ຜູ້ເປັນພໍ່ຍັງກ່າວອີກວ່າ ພັນລະຍາໃຫ່ມລົງໂທດລູກສາວຫລາຍຄັ້ງ ແຕ່ບໍ່ເຄີຍຮຸນແຮງຄືຄັ້ງຫລ້າສຸດ

ຂ່າວຈາກ: ຂ່າວຫນ້າ1

LEAVE A REPLY

Please enter your comment!
Please enter your name here