ມີຜູ້ຕິດເຊື້ອພະຍາດໄຂ້ຍຸງລາຍ 21.782 ກໍລະນີ ເສຍຊີວິດ 53 ຄົນ

0
128


    ປັດ­ຈຸ­ບັນ ການ​ລະ­ບາດ​ຂອງ​ພະ­ຍາດ​ໄຂ້­ຍຸງ​ລາຍ​ນັບ​ມື້​ເພີ່ມ​ຂຶ້ນ ສະ­ແດງ​ອອກ​ມີ​ຈຳ­ນວນ​ກໍ­ລະ­ນີ​ຄົນ​ເຈັບ​ສູງ​ຂຶ້ນ ອັດ­ຕາ​ການ​ເສຍ​ຊີ­ວິດ​ກໍ​ເພີ່ມ​ຂຶ້ນ ເພື່ອ​ຄວບ​ຄຸມ ແລະ ຫຼຸດ­ຜ່ອນ​ຄົນ​ເຈັບ ແລະ ການ​ເສຍ​ຊີ ວິດ ວິ­ທີ​ປ້ອງ​ກັນ​ທີ່​ມີ​ປະ​ສິດ­ທິ​ຜົນ​ທີ່​ສຸດ ປະ­ຊາ­ຊົນ​ທຸກ​ຄົວ​ເຮືອນ ແລະ ທຸກ​ຄົນ​ໃນ​ສັງ­ຄົມ​ຕ້ອງ​ຮ່ວມ​ແຮງ​ຮ່ວມ​ໃຈ​ກັນ​ຢ່າງ​ຫ້າວ­ຫັນ ແລະ ປະ­ຕິ­ບັດ​ເປັນ​ປະ­ຈຳ ໃນ​ການ​ທຳ­ລາຍ​ໜອນ​ນ້ຳ​ຍຸງ​ລາຍ ດ້ວຍ​ການ​ຂວ້າມ​ກະ­ໂປະ​ກະ​ປ໋ອງ ຢາງ​ຕີນ­ລົດ ພາ­ຊະ­ນະ​ຕ່າງໆ​ທີ່​ສຸ່ມ​ສ່ຽງ​ກໍ່​ໃຫ້​ມີ​ນ້ຳ​ຄ້າງ​ຂັງ ແລະ ປິດ​ຝາ​ໄຫ​ນ້ຳ ແລະ ພາ­ຊະ­ນະ​ໂຕ່ງ​ນ້ຳ​ຕ່າງໆ ໄປ​ພ້ອມ​ກັບ​ການ​ປະ­ຕິ­ບັດ​ຫຼັກ­ການ 5ປ.

    ສູນ​ວິ­ເຄາະ ແລະ ລະ­ບາດ​ວິ­ທະ­ຍາ ກະ­ຊວງ​ສາ­ທາ­ລະ­ນະ​ສຸກ ລາຍ​ງານ​ໃຫ້​ຮູ້​ວ່າ: ມາ​ຮອດ​ວັນ​ທີ 7 ສິງ­ຫາ 2019 ຜູ້​ຕິດ­ເຊື້ອ​ພະ­ຍາດ​ໄຂ້­ຍຸງ​ລາຍ ໄດ້​ເພີ່ມ​ເປັນ 21.782 ກໍ­ລະ­ນີ ເສຍ​ຊີ­ວິດ 53 ຄົນ ຢູ່​ໃນ​ທົ່ວ​ປະ­ເທດ ສຳ­ລັບ​ນະ­ຄອນ­ຫຼວງ​ວຽງ​ຈັນ ມີ​ຜູ້​ຕິດ­ເຊື້ອ​ຫຼາຍ​ກວ່າ​ໝູ່ 5.004 ກໍ­ລະ­ນີ ເສຍ​ຊີ­ວິດ 13 ຄົນ ສະ­ຫວັນ​ນະ​ເຂດ 3.813 ກໍ­ລະ­ນີ ເສຍ​ຊີ­ວິດ 19 ຄົນ ຈຳ­ປາ​ສັກ 2.950 ກໍ­ລະ­ນີ ເສຍ​ຊີ­ວິດ 6 ຄົນ ສາ­ລະ​ວັນ 2.673 ກໍ­ລະ­ນີ ເສຍ​ຊີ­ວິດ 4 ຄົນ ຄຳ​ມ່ວນ 2.352 ກໍ­ລະ­ນີ ເສຍ​ຊີ­ວິດ 4 ຄົນ ອັດ ຕະ​ປື 1.102 ກໍ­ລະ­ນີ ເສຍ​ຊີ­ວິດ 2 ຄົນ ບໍ​ລິ​ຄຳ​ໄຊ 744 ກໍ­ລະ­ນີ ເສຍ​ຊີ­ວິດ 2 ຄົນ ວຽງ​ຈັນ 858 ກໍ ລະ​ນີ ຫຼວງ​ນ້ຳ​ທາ 675 ກໍ­ລະ­ນີ ໄຊ​ຍະ​ບູ​ລີ 484 ກໍ­ລະ­ນີ ເຊ​ກອງ 463 ກໍ­ລະ­ນີ ຫຼວງ​ພະ​ບາງ 302 ກໍ­ລະ­ນີ ເສຍ​ຊີ­ວິດ 1 ຄົນ ໄຊ​ສົມ­ບູນ 233 ກໍ­ລະ­ນີ ອຸ­ດົມ​ໄຊ 66 ກໍ­ລະ­ນີ ຊຽງ​ຂວາງ 41 ກໍ­ລະ­ນີ ເສຍ​ຊີ­ວິດ 1 ຄົນ ບໍ່​ແກ້ວ 18 ກໍ­ລະ­ນີ ຜົ້ງ​ສາ­ລີ 4 ກໍ­ລະ­ນີ.

    ສາ­ເຫດ​ທີ່​ເຮັດ​ໃຫ້­ການ​ຕິດ­ເຊື້ອ​ເພີ່ມ​ສູງ​ຂຶ້ນ ຍ້ອນ​ສະ­ພາບ​ຄວາມ​ແອ​ອັດ​ຢູ່​ໃນ​ເຂດ​ຕົວ​ເມືອງ ຊານ ເມືອງ ປະ­ລິ­ມານ​ຂີ້​ເຫຍື້ອ​ເພີ່ມ​ຂຶ້ນ ແຕ່​ຂະ​ບວນ​ການ​ອະ­ນາ­ໄມ ຍັງ​ເຮັດ​ບໍ່​ໄດ້​ດີ​ເທົ່າ​ທີ່​ຄວນ ລວມ​ເຖິງ​ສະ ພາບ​ອາ­ກາດ ສຳ­ລັບ​ກໍ­ລະ­ນີ​ເສຍ​ຊີ­ວິດ​ສ່ວນ​ໃຫຍ່ ແມ່ນ​ຍ້ອນ​ອາ­ການ­ພະ­ຍາດ​ໄຂ້­ຍຸງ​ລາຍ​ເບື້ອງ​ຕົ້ນ ຄ້າຍ­ຄື​ໄຂ້​ຫວັດ ຖື​ເບົາ​ບໍ່​ໄປ​ໂຮງ­ໝໍ​ເພື່ອ​ໃຫ້​ແພດ​ປິ່ນ­ປົວ.

ຂໍຂອບໃຈ ພາບແລະເນື່ອຫາໂດຍ ຫນັງສືພິມວຽງຈັນໃຫມ່



LEAVE A REPLY

Please enter your comment!
Please enter your name here