ເມືອງສິງ ປິດຊຸດຝຶກອົບຮົມການສ້າງບ້ານ ປ້ອມໝັ້ນສູ້ຮົບຕິດລຽນ

0
147


ພາຍຫຼັງໄດ້ດຳເນີນການຝຶກອົບຮົມມາແຕ່ທ້າຍເດືອນກໍລະກົດ 2019 ມາເຖີງວັນທີ 3 ສິງຫາ ໄດ້ມີພິທີປິດລົງຢ່າງເປັນທາງການ. ໃຫ້ກຽດເຂົ້າຮ່ວມມີທ່ານ ປອ ຈັນພິພັກ ກອງຈຳປາ ເຈົ້າເມືອງໆ ສິງ ແຂວງຫລວງນໍ້າທາ ມີທ່ານ ພັທ ເຊັງ ມອງປະດິດ ຄະນະພັກກອງບັນຊາການ ຮອງຫົວໜ້າກອງບັນຊາການ ປກສ ແຂວງ, ມີບັນດາຫົວໜ້າຄະນະຫ້ອງຄຸ້ມຄອງສຳມະໂນຄົວ ຫົວໜ້າຄະນະກອງບັນຊາການ ປກສ ເມືອງ ສິງ, ກອງບັນຊາການທະຫານເມືອງ, ປກສ ກຸ່ມບ້ານ ມອມ ອຳນາດການປົກຄອງບ້ານ ຕະຫຼອດຮອດ ປກສ ບ້ານ, ກອງຫຼອນບ້ານ ບວກຄຸ, ບ້ານ ປາຜຸກ, ບ້ານ ຫ້ວຍທາດ ແລະ ບ້ານ ສົບລ້າ ເຂົ້າຮ່ວມ 66 ສະຫາຍ, ຍິງ 06 ສະຫາຍ.

ທ່ານ ພັຕ ແສງທຳ ແກ້ວວັງລາດ ຮອງພະແນກເສນາກອງບັນຊາການທະຫານເມືອງສິງ ໄດ້ຜ່ານບົດສະຫຼຸບໃນການຝຶກອົບຮົມຫັດແອບໄລຍະ 12 ວັນຜ່ານມາ. ໃນນັ້ນພາກທິດສະດີ ໄດ້ຄົ້ນຄ້ວາຮໍ່າຮຽນເອກະສານທັດສະນະພື້ນຖານຂອງພັກຕໍ່ວຽກງານທະຫານທ່ອງຖີ່ນ, ເອກະສານຫັນປ່ຽນໂດຍສັນຕິຂອງສັດຕູ, ຂໍ້ຕົກລົງຂອງລັດຖະມົນຕີກະຊວງປ້ອງກັນປະເທດ ວ່າດ້ວຍການຈັດຕັ້ງການເຄື່ອນໄຫວຂອງກອງຫຼອນ ແລະ ເອກະສານອື່ນໆ.

ພ້ອມທັງລົງພາກປະຕິບັດຕົວຈີງຢູ່ສະໜາມເປັນຕົ້ນ ຮຽນເລັງປືນ ຍິງລູກປືນແທ້, ຮຽນເລັງຍິງປືນບົດ 4 ຈັ່ງທ່າກາງເວັນ. ສາມາດສະຫຼຸບຄວາມຮັບຮູ້ຂອງນັກສຳມະນາກອນພາກທິດສະດີໄດ້ 80%, ພາກສີນລະປະຍຸດໄດ້ 60% ແລະ ພາກຍຸດທະວິທີໄດ້ 75,12%.

ວທ ພາວັນ



LEAVE A REPLY

Please enter your comment!
Please enter your name here