ພະແນກວິທະຍາສາດ ແລະ ເຕັກໂນໂລຊີ ແຂວງຄຳມ່ວນ ລົງເຄື່ອນໄຫວກວດສອບບໍລິມາດນ້ຳມັນ

0
45



ພະນັກງານຂະແໜງຊັບສິນທາງປັນຍາ ມາດຕະຖານ ແລະ ວັດແທກ, ພະແນກວິທະຍາສາດ ແລະ ເຕັກໂນໂລຊີ ແຂວງຄຳມ່ວນ ຈຳນວນ 3 ທ່ານ ສົມທົບກັບຫ້ອງການວິທະຍາສາດ ແລະ ເຕັກໂນໂລຊີ ເມືອງຍົມມະລາດ 1 ທ່ານ ໄດ້ລົງເຄື່ອນໄຫວກວດສອບບໍລິມາດຫົວຈ່າຍນ້ຳມັນເຊື້ອໄຟໃນເທສະບານເມືອງຍົມມະລາດ ແຂວງ ຄຳມ່ວນ ເມື່ອວັນທີ 30 ກໍລະກົດ 2019.

ການໄດ້ລົງເຄື່ອນໄຫວກວດສອບບໍລິມາດຫົວຈ່າຍນ້ຳມັນເຊື້ອໄຟໃນເທສະບານເມືອງຍົມມະລາດຄັ້ງນີ້ມີ 9 ປໍ້າ 26 ຫົວຈ່າຍ. ທັງນີ້, ກໍເພື່ອຕິດຕາມກວດກາເຮັດໃຫ້ບໍລິມາດຫົວຈ່າຍນ້ຳມັນເຊື້ອໄຟຢູ່ໃນປ້ຳທີ່ເປີດໃຊ້ບໍລິການໃນທົ່ວແຂວງໃຫ້ມີຄວາມໂປ່ງໃສ, ຍຸຕິທຳ ບໍ່ເປັນການເອົາປຽບຜູ້ຊົມໃຊ້,

ຜ່ານການກວດສອບຫົວຈ່າຍນ້ຳມັນເຊື້ອໄຟແຕ່ລະປ້ຳທີ່ໄດ້ກວດສອບ ເຫັນວ່າຢູ່ໃນເກນມາດຕະຖານທີ່ຂະແໜງການກ່ຽວຂ້ອງໄດ້ອະນຸມັດໃຫ້. ດັ່ງນັ້ນ, ຈຶ່ງໄດ້ຕິດສະຕິກເກີ, ໜີບກົ່ວ ແລະ ອອກໃບຢັ້ງຢືນໃຫ້ປ້ຳທີ່ໄດ້ກວດສອບ ເພື່ອເປັນຫຼັກຖານ ແລະ ຖືກຕ້ອງຕາມລະບຽບຫຼັກການ.

[ ຂ່າວ: ທ່ານ ຄູນປະເສີດ ໃບຫຼວງລາດ ]

LEAVE A REPLY

Please enter your comment!
Please enter your name here