28.9 C
Vientiane
ວັນຈັນ, ເດືອນພຶດສະພາ 10, 2021

ໂຈະ​ຊົ່ວຄາວ​ ການເຂົ້າ-ອອກ​ຊົ່ວ​ຄາວ ແຂວງຊຽງຂວາງ ນັບແຕ່​ວັນທີ​ 22​ ເມສາ​ ຫາ​ 5​ ພຶດສະພາ​ 2021

Array

ແຂວງຊຽງຂວາງ​ ອອກຄໍາສັ່ງວ່າດ້ວຍການການເພີ່ມທະວີ ແລະ ເອົາໃຈໃສ່ໃນການປະຕິບັດມາດຕະການເພື່ອປ້ອງກັນ,ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ 19 ແລະ ໂຈະຊົ່ວຄາວການເຂົ້າ-ອອກ​ ແຂວງຊຽງຂວາງ ໃນລະຫວ່າງວັນທີ 22 ເມສາ ຫາ 05 ພຶດສະພາ 2021​ ໂດຍເນື້ອໃນແຈ້ງການມີໃຈຄວາມສຳຄັນດັ່ງນີ້:

ໃຫ້ປີດດ່ານສາກົນນ້ຳກັ່ນ, ດ່ານປະເພນີ, ດ່ານທ້ອງຖິ່ນ, ເຂດແດນລະຫວ່າງແຂວງຕໍ່ແຂວງ ໃນລະຫວ່າງວັນທີ 22 ເມສາ ຫາ 05 ພຶດສະພາ 2021, ຍົກເວັ້ນລົດຂົນສົ່ງສິນຄ້າທີ່ມີຄວາມຈໍາເປັນໃນການດຳລົງຊີວິດຂອງປະຊາຊົນເຊັ່ນ: ນ້ຳມັນເຊື້ອໄຟ, ເຄື່ອງຈັກ, ອຸປະກອນຮັບໃຊ້ໂຄງການລົງທຶນພາຍໃນແຂວງ ແລະ ການສົ່ງອອກສິນຄ້າຜະລິດຕະພັນກະສິກໍາ ແລະ ອຸດສະຫະກໍາຈໍານວນໜຶ່ງແມ່ນສາມາດສົ່ງອອກ ແລະ ນໍາເຂົ້າໄດ້ ແຕ່ຕ້ອງໃຫ້ຜູ້ຂັບລົດ ແລະ ຜູ້ຕິດຕາມລົດຂົນສົ່ງສິນຄ້າ ມີໃບຢັ້ງຢືນການສັກວັກຊິນປ້ອງກັນພະຍາດໂຄວິດ-19 ແລະ ມີໃບຢັ້ງຢືນຈາກຄະນະສະເພາະກິດໂຄວິດ-19 ຂັ້ນແຂວງ, ພ້ອມທັງປະຕິບັດຕາມລະບຽບການປ້ອງກັນພະຍາດໂຄວິດ-19 ຢ່າງເຂັ້ມງວດ.

3. ມອບໃຫ້ຄະນະສະເພາະກິດຂັ້ນແຂວງ, ຂັ້ນເມືອງ ສົມທົບກັບກໍາລັງປ້ອງກັນຊາດ, ປ້ອງກັນຄວາມສະຫົງບ ຕັ້ງຈຸດຄັດກອງກວດຄົນເຂົ້າ-ອອກແຂວງ ເຊັ່ນ: ເສັ້ນທາງເລກ 7 (ຊາຍແດນກົ່ວລັນ) ເມືອງພູກູດ,ເສັ້ນທາງ 1D(ນ້ຳແຊ່ໜອນ) ເມືອງຄູນ, ເສັ້ນທາງ 1c (ນ້ຳເນີນ) ເມືອງຄໍາ ແລະ ເສັ້ນທາງ 5 A (ນ້ຳສຽມ)ເມືອງຜາໄຊ, ນັບແຕ່ວັນທີ່ 22 ເມສາ 2021ເປັນຕົ້ນໄປ, ພ້ອມທັງນໍາເອົາຄົນທີ່ສ່ຽງເພື່ອເຂົ້າສູນກັກກັນຂອງເມືອງ ຫລື ແຂວງ ທີ່ໄດ້ກຳນົດໄວ້ ສ່ວນຄ່າສີ້ນເປືອງໃນການກັກກັ້ນຢູ່ສູນແມ່ນຜູ້ກ່ຽວຮັບຜິດຊອບເອງ,ນອກນັ້ນແມ່ນມອບໃຫ້ຄະນະສະເພາະກິດຂັ້ນເມືອງເປັນຜູ້ຮັບຜິດຊອບຕິດຕາມກວດກາຢ່າງເຂັ້ມງວດ.

4. ສືບຕໍ່ປີດບັນດາກິດຈະການຮ້ານບັນເທີງ, ຮ້ານເຫຼົ້າ-ເບຍ, ຮ້ານກິນດື່ມ, ຮ້ານຄາຣາໂອເກະ, ຮ້ານເກມ, ຮ້ານສະນຸກເກີ, ຮ້ານນວດ-ສະປາ, ຮ້ານອີນເຕີເນັດ, ສູນອອກກໍາລັງກາຍ, ການແຂ່ງຂັນກິລາທີ່ມີຜູ້ຊົມ ແລະ ນັກກິລາ ເຂົ້າຮ່ວມເປັນຈໍານວນຫລາຍທີ່ບໍ່ສາມາດຮັກສາໄລຍະຫ່າງເກີນ 1 ແມັດໄດ້ ແລະ ມີ
ຄວາມສ່ຽງຕໍ່ການຕິດເຊື້ອພະຍາດໂຄວິດ-19.

5. ຫ້າມຈັດປະຊຸມ, ໂຮມຊຸມນຸມ ຫຼື ຈັດກິດຈະກຳຕ່າງໆ ທີ່ມີຜູ້ເຂົ້າຮ່ວມຫຼາຍກວ່າ 20 ຄົນ ເປັນຕົ້ນກິດຈະກຳທາງສາສະຫນາ, ງານບຸນປະເພນີ, ງານດອງ ແລະ ງານລ້ຽງສ້າງສັນຕ່າງໆ; ກໍລະນີຈຳເປັນຕ້ອງຈັດກິດຈະກຳເປັນຕົ້ນ: ຄົບງັນງານສົບ, ງານສົ່ງສະການ ແລະ ເຮັດບຸນແຈກທານ ແມ່ນໃຫ້ປະຕິບັດມາດຕະການຂອງຄະນະສະເພາະກິດວາງອອກຢ່າງເຂັ້ມງວດ ເຊັ່ນ: ແທກອຸນຫະພູມ, ຮັກສາໄລຍະຫ່າງທາງສັງຄົມ ຢ່າງໜ້ອຍ 1 ແມັດ, ໃສ່ຜ້າປິດປາກ-ດັງ, ລ້າງມືໃສ່ສະບູ່ ຫຼື ນ້ຳຢາຂ້າເຊື້ອ.

6. ໃຫ້ໂຮງຮຽນສາມັນສຶກສາ, ອາຊີວະສຶກສາ, ໂຮງຮຽນສືກສາສົງ, ວິທະຍາໄລ, ທັງພາກລັດ ແລະ​ ເອກະຊົນໃນຂອບເຂດທົ່ວແຂວງໂຈະການຮຽນ-ການສອນຊົ່ວຄາວ ນັບແຕ່ວັນທີ 22 ເມສາ – 05​ ພຶດສະພາ 2021.

Latest news

- Advertisement -spot_img

Related news

- Advertisement -spot_img