28.9 C
Vientiane
ວັນຈັນ, ເດືອນພຶດສະພາ 10, 2021

ສູ້ໆເດີ້! ນັກຮົບເສື້ອຂາວຕ້ອງກັບມາເມື່ອຍໜັກອີກຄັ້ງ ເພື່ອປວງຊົນລາວທັງຊາດ

Array

ເອີ້ນໄດ້ວ່າ ໜ້າເປັນຫ່ວງຫຼາຍສະພາບການລະບາດຂອງພະຍາດໂຄວິດ-19 ໃນ ສປປ ລາວ ທີ່ປັດຈຸບັນພົບຜູ້ຕິດເຊື້ອເພີ່ມຂຶ້ນຈໍານວນຫຼາຍ, ໃນມື້ດຽວກວດພົບຜູ້ຕິດເຊື້ອເຖິງ 28ຄົນ.

ຕໍ່ກັບສະພາບການດັ່ງກ່າວ ລັດຖະບານກໍ່ໄດ້ອອກມາດຕະການເຂັ້ມງວດ ເພື່ອຄວບຄຸມ ສະກັດກັ້ນ ການລະບາດບໍ່ໃຫ້ແຜ່ເປັນວົງກວ້າງກວ່ານີ້, ເຊິ່ງໜຶ່ງໃນມາດຕະການນັ້ນ ຄືການລັອກດາວນະຄອນຫຼວງວຽງຈັນ ຄົນໃນຫ້າມອອກ ຄົນນອກຫ້າມເຂົ້າ.

ແນວໃດກໍ່ຕາມ ຕໍ່ກັບສະພາບການທີ່ເປັນຢູ່ນັ້ນ ຍັງມີ ອີກກຸ່ມບຸກຄະລາກອນໜຶ່ງທີ່ຕ້ອງເຮັດວຽກໜັກຂຶ້ນ ຍອມເສຍສະຫຼະເວລາຊີວິດ ເສຍສະຫຼະຮ່າງກາຍ ເພື່ອຮັບໃຊ້ ປິ່ນປົວຜູ້ຕິດເຊື້ອໂຄວິດ-19 ໂດຍທີ່ບໍ່ສາມາດຮູ້ໄດ້ເລີຍວ່າ ພະຍາດນັ້ນມັນຈະຕິດໃສ່ຕົນເອງເມື່ອໃດ.

ກຸ່ມຄົນເຫຼົ່ານີ້ ຄືກຸ່ມຄົນທີ່ຄວນຍົກຍ້ອງສັນລະເສີນ ແລະ ສົ່ງກໍາລັງໃຈໃຫ້ແກ່ພວກເພິ່ນ ພ້ອມຂອບໃຈ ທີ່ທຸ້ມເທເຮັດວຽກໜັກເພື່ອຄົນລາວໜັກຂະໜາດນີ້.

ດັ່ງນັ້ນ ສິ່ງທີ່ທຸກຄົນເຮັດໄດ້ ແລະ ຄວນເຮັດໃນຕອນນີ້ແມ່ນປະຕິບັດມາດຕະການທີ່ລັດຖະບານວາງອອກໃຫ້ເຂັ້ມງວດ ທີ່ສໍາຄັນ ຂໍໃຫ້ຮ່ວມໃຈກັນສົ່ງກໍາລັງໃຈໃຫ້ພະນັກງານແພດໝໍ ບຸກຄະລາກອນການແພດ ຫຼື ທີ່ໄດ້ຮັບຂະໜານນາມວ່ານັກຮົບເສື້ອຂາວ ໃຫ້ເຮັດໜ້າທີ່ຢ່າງປອດໄພ ແລະ ຂໍໃຫ້ປະເທດເຮົາຜ່ານວິກິດນີ້ໄປໄດ້ໂດຍໄວ.

ຂໍສົ່ງກໍາລັງໃຈໃຫ້ແພດໝໍທຸກທ່ານ

ຂໍໃຫ້ທຸກທ່ານເຮັດໜ້າທີ່ຢ່າງປອດໄພ ຫ່າງໄກຈາກໂຄວິດ

Latest news

- Advertisement -spot_img

Related news

- Advertisement -spot_img