34.7 C
Vientiane
ວັນເສົາ, ເດືອນພຶດສະພາ 8, 2021

ຮອງເຈົ້າແຂວງອັດຕະປື ລົງຊຸກຍູ້ການປະຕິບັດມາດຕະການກວດກັ່ນກອງ ພະຍາດໂຄວິດ ຢູ່ 3 ດ່ານຊາຍແດນ

Array

ຂປລ.ວັນທີ 20 ເມສາ 2021 ນີ້, ທ່ານ ບຸນເສີດ ເສດທິລາດ ຮອງເຈົ້າແຂວງອັດຕະປື ປະທານຄະນະສະເພາະກິດ ເພື່ອປ້ອງກັນ, ຄວບຄຸມ ແລະ ແກ້ໄຂ ການລະບາດຂອງພະຍາດໂຄວິດ 19 ຂັ້ນແຂວງ,ພ້ອມຄະນະ ໄດ້ລົງເຄື່ອນໄຫວຕິດຕາມ, ຊຸກຍູ້ການຈັດຕັ້ງປະຕິບັດມາດຕະການກວດກັ່ນກອງ ຄົນເຂົ້າ-ອອກພາຍໃນແຂວງ ຢູ່ 3 ດ່ານຊາຍແດນຈຸດເຊື່ອມຕໍ່ລະຫວ່າງແຂວງອັດຕະປື ແລະ ແຂວງຈໍາປາສັກ ຄື: ດ່ານບ້ານພອນມະນີ ຈຸດເຊື່ອມຕໍ່ລະຫວ່າງເມືອງສະໜາມໄຊ ກັບເມືອງປະທຸມພອນ ແຂວງຈໍາປາສັກ, ດ່ານບ້ານໄຊດອນໂຂງ ຈຸດເຊື່ອຕໍ່ລະຫວ່າງເມືອງສະໜາມໄຊ ກັບເມືອງປາກຊ່ອງ ແຂວງຈໍາປາສັກ ແລະ ດ່ານຫລັກ 52 ບ້ານແບ່ງພູຄຳ ຈຸດເຊື່ອມຕໍ່ລະຫວ່າງເມືອງສາມັກຄີໄຊ ກັບເມືອງປາກຊ່ອງ ແຂວງຈໍາປາສັກ. ໂອກາດດັ່ງກ່າວ, ທ່ານ ຮອງເຈົ້າແຂວງອັດຕະປື ໄດ້ຮັບຟັງການລາຍງານສະພາບ​ການຈັດຕັ້ງປະຕິບັດຕົວຈິງຢູ່ທ້ອງຖິ່ນ ຈາກຄະນະສະ​ເພາະກິດຂັ້ນເມືອງ ເຊິ່ງພາຍຫລັງທີ່ໄດ້ມີການແຕ່ງຕັ້ງຄະນະກໍາມະການ ເພື່ອປ້ອງກັນ ແລະ ຄວບຄຸມພະຍາດໂຄວິດ 19​ ຂັ້ນເມືອງ​ ແຕ່ລະຄະນະກໍາມະການ ກໍ່

ໄດ້ເອົາໃຈໃສ່ເຄື່ອນໄຫວ ແລະ ປະຕິບັດມາດຕະການປ້ອງກັນ ແລະ ຄວບຄຸມພະຍາດດັ່ງກ່າວຢ່າງເຂັ້ມງວດ, ພ້ອມທັງໄດ້ອອກແຈ້ງການຕ້ານ ແລະ ຄວບຄຸມພະຍາດໂຄວິດ 19 ໃຫ້ຂະແໜງການອ້ອມຂ້າງເມືອງ, ບັນດາສຸກສາລາແຕ່ລະບ້ານໃນທົ່ວເມືອງ ຮ່ວມກັບຫ້ອງການສາທາລະນະສຸກເມືອງ ລົງຜັນຂະຫຍາຍ ເຜີຍ ແຜ່ຊຸກຍູ້ໃຫ້ອໍານາດການປົກຄອງບ້ານ ແລະ ປະຊາຊົນ ໂດຍສະເພາະບ້ານທີ່ຢູ່ລຽບຕາມຊາຍແດນ ໃຫ້ເອົາໃຈໃສ່ ໃກ້ຊິດຕິດຕາມຜູ້ທີ່ມາຈາກແຂວງ ທີ່ມີການຕິດເຊື້ອ ແລະ ຜູ້ທີ່ເດີນທາງມາຈາກປະເທດ ທີ່ມີການລະບາດ,ພ້ອມທັງໃຫ້ອົງການຈັດຕັ້ງບ້ານ ເກັບກໍາຂໍ້ມູນລະອຽດແລ້ວລາຍ ງານສຸກສາລາ ຫລື ຫ້ອງການສາທາເມືອງ. ນອກນັ້ນ ຍັງໄດ້ໃຫ້ຄວາມຮູ້ຂັ້ນພື້ນຖານ ວິທີການປ້ອງກັນການສະກັດກັ້ນພະຍາດໂຄວິດ 19 ແກ່ພໍ່ແມ່ປະຊາຊົນຕື່ມອີກ, ທັງໄດ້ແຕ່ງ ຕັ້ງພະນັກງານແພດ-ໝໍ, ກໍາລັງເຈົ້າໜ້າທີ່ ປກສ- ປກຊ ອອກເວນຍາມປະຈໍາຢູ່ສູນກັກກັນ ແລະ ປະຈໍາຢູ່ດ່ານກວດກັ່ນກອງຢູ່ຕາມຈຸດເຂດເຊື່ອມຕໍ່ລະຫວ່າງເມືອງກັບເມືອງ, ລົງໂຄສະນາສຸຂະສຶກສາແບບເຄື່ອນທີ່ຮ່ວມກັບແຂວງ ໃນເທສະບານເມືອງ ກ່ຽວກັບການຕ້ານ ແລະ ຄວບ ຄຸມພະຍາດໂຄວິດ 19. ລົງເກັບກໍາຂໍ້ມູນແຮງງານ ທີ່ມາ ຈາກຕ່າງປະເທດທີ່ມີກຸ່ມສ່ຽງໃນແຕ່ລະບ້ານ, ຄົນເຂົ້າ- ອອກໃນທົ່ວ

ເມືອງ ໂດຍສະເພາະແມ່ນບ້ານຢູ່ຕາມລຽບຊາຍແດນເຂດເຊື່ອມຕໍ່,ລົງຕິດຕາມກວດກາການຊຸມແຊວ, ການຈັດງານຕ່າງໆ ທີ່ມີຈໍານວນຄົນຫລາຍ ແລະໄດ້ອອກແຈ້ງການ ເຖິງຫົວໜ່ວຍທຸລະກິດ, ຮ້ານອາຫານ, ບ້ານພັກ, ຮ້ານບັນເທີງ ໃຫ້ຢຸດຕິບໍລິການຊົ່ວຄາວ ພ້ອມທັງລົງກວດກາຢ່າງຕໍ່ເນື່ອງ.ໂອກາດນີ້ທ່ານ ປະທານຄະນະສະເພາະກິດ ຂັ້ນແຂວງ ກໍໄດ້ໂອ້ລົມ ແລະໃຫ້ທິດຊີ້ນຳ ຕໍ່ພະນັກງານແພດໝໍ,ເຈົ້າໜ້າທີ່ປະຈຳຢູ່ຈຸດກວດກັ່ນກອງ ໃຫ້ເອົາໃຈໃສ່ເປັນເຈົ້າການ ກວດກາຄົນເຂົ້າ-ອອກເມືອງ ຕ້ອງໄດ້ກວດວັດ ແທກອຸນຫະພູມ,ໃສ່ຜ້າອັດປາກ-ດັງ, ຖ້າເປັນຄົນຕ່າງແຂວງ ຫລື ຕ່າງປະເທດທີ່ເຄື່ອນໄຫວເຮັດທຸລະກິດພາຍ ໃນແຂວງ-ຕ່າງແຂວງ ຕ້ອງມີໜັງສືຢັ້ງຢືນຈາກຄະນະສະ ເພາະກິດຂັ້ນແຂວງ-ເມືອງ ເພື່ອມາແຈ້ງໃຫ້ພະນັກງານແພດໝໍ,ເຈົ້າໜ້າທີ່ ທີ່ປະຈຳຢູ່ຈຸດກວດກັ່ນກອງຮັບຊາບວ່າ ຜູ້ກ່ຽວໄດ້ກວດແຊັກສຸຂະພາບແລ້ວບໍ່ມີອາການໃດໆຜິດ ປົກກະຕິຕໍ່ສຸຂະພາບ ຖ້າເປັນຄົນຕ່າງປະເທດຕ້ອງມີ ພາສະປອດແຈ້ງຕໍ່ເຈົ້າໜ້າທີ່.
ຂ່າວ: ສີຫົງ

Latest news

- Advertisement -spot_img

Related news

- Advertisement -spot_img