36.9 C
Vientiane
ວັນອັງຄານ, ເດືອນພຶດສະພາ 11, 2021

ເຈົ້າເມືອງວິລະບູລີ ລົງຕິດຕາມການປະຕິບັດ ມາດຕະການປ້ອງກັນ ໂຄວິດ ຢູ່ຈຸດສຸມເມືອງວັງ

Array

ຂປລ. ແຫລ່ງຂ່າວຈາກເມືອງວິລະບູລີ ແຂວງສະຫວັນນະເຂດ ໃຫ້ຮູ້ວ່າ: ວັນທີ 20 ເມສາ 2021 ນີ້, ທ່ານ ຄຳຜຸຍ ສີບຸນເຮືອງ ເຈົ້າເມືອງວິລະບູລີ, ພ້ອມຄະນະລົງເຄື່ອນໄຫວຕິດຕາມ, ກວດກາ, ຊີ້ນໍາ ການຈັດຕັ້ງປະຕິບັດບັນດາມາດຕະການໃນການປ້ອງກັນ,ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຢູ່ເຂດຈຸດສຸມ

ເມືອງວັງ ໂດຍສະເພາະບັນດາເຂດບ້ານທີ່ມີຄວາມສ່ຽງ. ພ້ອມທັງໄດ້ເຜີຍແຜ່ແຈ້ງການ ຂອງຄະນະສະ ເພາະກິດຂັ້ນເມືອງ, ແຂວງ ແລະ ສູນກາງ ໃຫ້ແກ່ຄະນະຊີ້ນໍາຈຸດສຸມ, ກຸ່ມບ້ານ,ບ້ານ ແລະ ພໍ່ແມ່ປະຊາຊົນໄດ້ຮັບຮູ້ຢ່າງທົ່ວເຖິງ.ໂອກາດນີ້, ທ່ານເຈົ້າເມືອງວິລະບູລີ ກໍໄດ້ເນັ້ນໜັກໃຫ້ຄະນະຊີ້ນຳຈຸດສຸມ, ກຸ່ມບ້ານ ແລະ ອຳນາດການປົກຄອງ

ບ້ານ ຕິດຕາມເຝົ້າລະວັງ, ເພີ່ມທະວີການຈັດຕັ້ງປະຕິບັດບັນ ດາມາດຕະການໃນການປ້ອງກັນ, ຄວບຄຸມ ແລະ ສະກັດກັ້ນການລະບາດຂອງພະຍາດໂຄວິດ-19 ໂດຍ

ສະເພາະ ການນຳເອົາເຊື້ອພະຍາດ ໂຄວິດ-19 ຈາກປະເທດທີ່ມີຄວາມສ່ຽງ ມາແຜ່ໃນປະເທດລາວເຮົາ, ໃຫ້ຕິດຕາມແຮງງານລາວທີ່ມາຈາກປະເທດໄທ, ຕ່າງແຂວງ ທີ່ມີຄວາມສ່ຽງການລະບາດ ໃຫ້ເຂົ້າສູນກັກກັນ, ເກັບຕົວຢ່າງ ຕາມມາດຕະການສະເພາະກິດຂັ້ນເມືອງວາງອອກຢ່າງເຂັ້ມງວດ.

ພາບ-ຂ່າວ: ວິໄລວັນ

Latest news

- Advertisement -spot_img

Related news

- Advertisement -spot_img