ໜຸ່ມຊາວຈີນເສຍຊີວິດຄາ ໄລຟ໌ ສົດ ພາຍຫຼັງໂຊກິນແມງໄມ້ພິດ

0
178



ເປັນກະແສຮືຮາໃນໂລກໂຊຊຽວເມື່ອບລ໋ອກເກີ້ໜຸ່ມຊາວຈີນໄວ 35 ປີເສຍຊີວິດໃນຂະນະທີ່ໄລຟສະຕຣີມ ຊຶ່ງເຫດເກີດຢູ່ທີ່ເມືອງເຫີເຟີຍ ມົນທົນອານຮຸນ ສປ ຈີນ ຫຼັງຈາກທີ່ຖ່າຍທອດສົດໂຊກິນແມງໄມ້ພິດ ໂດຍສຳນັກຂ່າວຕ່າງປະເທດໄດ້ລາຍງານເມື່ອວັນທີ 24 ກໍລະກົດຜ່ານມາວ່າ ແຟນສາວຂອງຜູ້ຕາຍພົບສົບໃນສະພາບໝົດສະຕິຢູ່ພາຍໃນຫ້ອງນອນ ຊຶ່ງກ່ອນໜ້ານັ້ນຜູ້ຕາຍຫາກໍ່ໄລຟສະຕຣີມ ຫຼື ຖ່າຍທອດສົດພາບຕົນເອງກຳລັງກິນຂີ້ເຂັບ ໜອນ ແລະ ກັບແກ້ຜ່ານໂລກອອນລາຍພ້ອມກັບດື່ມແອລກໍຮອລ.

ເຈົ້າໜ້າຕຳຫຼວດຢືນຢັນວ່າໃນຕອນທີ່ໄປເຖິງທີ່ເກີດເຫດ ທ້າຍ ຊຸນ ກໍບໍ່ມີຊີບພະຈອນແລ້ວ ແລະ ພົບອີກວ່າ ຄອມພິວເຕີຂອງ ຊຸນ ຍັງຄົງຖ່າຍທອດສົດພາບນຫ້ອງລົງໃນໂລກອອນລາຍ ແລະ ພົບແມງໄມ້ຫຼາຍຊະນິດເທິງໂຕະຂອງ ຊຸນ ອີກດ້ວຍ ທັງນີ້ ສື່ທ້ອງຖິ່ນລະບຸອີກວ່າ ຊຸນ ມີຊ່ອງລາຍການຂອງຕົນເອງເທິງເຄືອຂ່າຍອອນລາຍຂອງຈີນຊື່ວ່າ DouYu ແລະ ເມື່ອບໍ່ດົນມານີ້ກໍໄດ້ຈັດກິດຈະກຳໃໝ່ຄືການໝຸນວົງລໍ້ເພື່ອເລືອກສິ່ງທີ່ຈະກິນໂຊແບບແປກໆແຫວກແນວ ຊຶ່ງເຮັດໃຫ້ຊ່ອງຂອງ ຊຸນ ມີຄົນເຂົ້າເບິ່ງເພີ່ມຂຶ້ນກວ່າ 15.000 ຄົນ.

ຂະນະທີ່ການຖ່າຍທອດສົດຄັ້ງສຸດທ້າຍຂອງ ຊຸນ ເກີດຂຶ້ນໃນເວລາ 19:53 ໂມງຂອງວັນທີ 18 ກໍລະກົດຜ່ານມາ ແຕ່ຂະນະນີ້ວິດິໂອທັງໝົດຂອງ ຊຸນ ຖືກລົບໄປແລ້ວ ຊຶ່ງເຈົ້າໜ້າທີ່ກຳລັງກວດສອບຫາສາເຫດທີ່ເຮັດໃຫ້ ຊຸນ ເສຍຊີວິດ.

ຂ່າວຈາກ ລາວໂພສຕ໌

LEAVE A REPLY

Please enter your comment!
Please enter your name here