ແຂວງສະຫວັນນະເຂດ ຈັດພິທີທຳລາຍເຄື່ອງໃນສັດ

0
162



ໂດຍອີງຕາມ ຄໍາສັ່ງຂອທ່ານລັດຖະມົນຕີ ກະຊວງກະສິກໍາ ແລະ ປ່າໄມ້ ສະບັບເລກທີ 2950/ປມ, ລົງວັນທີ 25/06/2019, ອີງຕາມ ຄໍາສັ່ງຂອງທ່ານເຈົ້າແຂວງໆ ສະຫວັນນະເຂດ ສະບັບເລກທີ 1071/ຈຂ.ສຂ, ລົງວັນທີ 08/07/2019 ໃນວັນທີ່20ກໍລະກົດ2019ນີ້ ຫ້ອງຕຳຫຼວດພະແນກຕຳຫຼວດສິ່ງແວດລ້ອມໄດ້ຈັດພິທີທຳລາຍເຄື່ອງໃນສັດ ທີ່ບໍ່ມີເອກະສານອະນຸຍາດນຳເຂົ້າ ແລະ ກວດພົບສານຟໍມາລີນໃນພະລິດຕະພັນສັດ ໂດຍມີພະແນກຕໍາຫຼວດສິ່ງແວດລ້ອມຫ້ອງຕໍາຫຼວດ ປກສ ແຂວງ, ຂະແໜງລ້ຽງສັດ ແລະ ການປະມົງຂອງພະແນກກະສິກຳປ່າໄມ້ແຂວງ ແລະ ອຳນາດການປົກຄອງບ້ານອະລວຍ ເມືອງພີນເຂົ້າຮ່ວມ


ພະແນກຕໍາຫຼວດສິ່ງແວດລ້ອມ ໂດຍປະສານສົມທົບກັບຈຸດກວດກາສາລາກາຍ ໄດ້ທໍາການກວດຄົ້ນລົດເມໂດຍສານ ແລະ ໄດ້ພົບເຫັນແກັດທີ່ບັນຈຸຊີ້ນສ່ວນເຄື່ອງໃນສັດ ທີ່ ຊຸກເຊື່ອງໄວ້ຢູ່ເທິງຫຼັງຄາລົດຄັນດັ່ງກ່າວ ຈໍານວນ 42 ແກັດ, ນ້ໍາຫນັກ 3150 ກິໂລກຼາມ, ເຄື່ອງໃນສັດຈໍານວນດັ່ງກ່າວ ແມ່ນເປັນຂອງນາງ ງາ (ຄົນຫວຽດນາມ) ໄດ້ນໍາມາຈາກປະເທດຫວຽດນາມເຂົ້າໄປສົ່ງຢູ່ນະຄອນຫຼວງວຽງຈັນ ສ່ວນເອກະສານ ນໍາເຂົ້າ-ສົ່ງອອກ ຈາກພາກສ່ວນທີ່ກ່ຽວຂ້ອງແມ່ນບໍ່ມີ ສະນັ້ນ ທາງເຈົ້າຫນ້າທີ່ວິຊາສະເພາະ ຈຶ່ງໄດ້ທໍາການກັກເຄື່ອງໃນສັດ ແລະ ໄດ້ຮັກສາໄວ້ ຢູ່ທີ່ຈຸດກວດກາ ສາລາກາຍບ່າງ, ເມືອງພີນ, ແຂວງສະຫວັນນະເຂດເພື່ອດໍາເນີນການສືບສວນ-ສອບສວນ ສົມທົບກັບສັດຕະວະແພດ ແລະ ພາກສ່ວນທີ່ກ່ຽວຂ້ອງ


ຜ່ານການກວດສອບຊີ້ນສ່ວນເຄື່ອງໃນສັດຈຳນວນດັ່ງກ່າວແມ່ນບໍ່ມີເອກະສານນຳເຂົ້າຈາກພາກສ່ວນທີ່ກ່ຽວຂ້ອງ, ຜິດຕໍ່ກົດຫມາຍ ວ່າດ້ວຍ ການລ້ຽງສັດ ແລະ ການສັດຕະວະແພດ(ສະບັບປັບປຸງ)ເລກທີ່08/ສພຊ ລົງວັນທີ່ 11/11/016, ໝວດ03, ການເຄື່ອນຍ້າຍຜະລິດຕະພັນສິນຄ້າກ່ຽວກັບສັດ, ມາດຕາ42, 43, 44 ແລະ ຜົນການວິໄຈພົບສານຕົກຄ້າງໃນພະລິດຕະພັນສັດ(ສານຟໍມະລີນ) ດັ່ງນັ້ນທາງເຈົ້າໜ້າທີ່ຕຳຫຼວດ ແລະ ພາກສ່ວນທີ່ກ່ຽວຂອງ ຈື່ງໄດ້ທຳລາຍເຄື່ອງໃນສັດດັ່ງກ່າວ ທີ່ບ້ານອະລວຍ, ເມືອງພີນ, ແຂວງສະຫວັນນະເຂດ


ພາບ-ຂ່າວ: ປກສ ແຂວງສະຫວັນນະເຂດ

LEAVE A REPLY

Please enter your comment!
Please enter your name here